كل واحد يقول وش اكثر شيء يخوفه في البر

[الاشهب 507]

حياك الله يا الحربي وبعد اذن اخوي الأشهب
اذا حافظنا على اذكارنا بإذن الله مايصيبنا مكروه
أعتقد اللي صرخ علي هو ( ثعبان الأسود الصل )
وباختصار كنت ماشي قبل الفجر في شعب لأحد الجبال الشاهقة والشعب كله موابر المهم ضيعت جادة البل اللي كنت ماشي عليها وطلعت اكشف على الضلع بالكشاف وكان هناك جزء من الضلع ذو حجاره سوداء ( نسميه ركبه سودا) معي كشاف قوي وجهته لهذه الركبه واللي تبعد عني تقريباً 100 متر وصرخ علي مرتين ورى بعض تعوذت من الشيطان وجلست مكاني ربع ساعه طفيت كشافي وتوكلت على الله ومشيت والحمد لله ماجاني , , وماهي غريبه قبل كذا صرخ على وبران وخرجت مذعوره من مابرتها بس يقولون اللي تتواجد على الموابر هذي ( الأصله )
أما بالنسبة لكلامك يا الأشهب انك تهايط وتنافخ عليه انا ماعتقد ذلك ,, لانه بمجرد توجيه الكشاف عليه صرخ وصرخته أعتقد للهجوم او الشعور بالخطر و من الافضل انك تتجنبه وتتعوذ من الشيطان وتغير مسارك.

معليش اخوي أنا فاهم خطاء احسبه يتكلم عن شيء اخر
حن عندنا شيء يسمونه سمع الليل هو شيء
ماتشوفه جني يضرخ عليك إذا انت في مكان لحالك
ويطلع لك زي الضل طلع لي مره وصرخة عليه
وهايطة طبعن تعوذة منه أنا مانكر انه لازم تتعوذ
لكن هو استمر يصارخ واناسويت نفسي قوي
وهاطة مهايطه اتوقع لو انسي ماقدر اهايط عليه
مثل ذا الهياط وبعده الحمد لله معاد جاني
وهو طلع لكم واحد اعرفهم وهو يطلع
ضل غريب مدر كيف اوصفه ضل بس وياصارخ
ضرخ تحس انه بيخرق طبلت اذنك
صوت قوي مره الله يكفينا شره
وشر مانخاف فاتبعد هذي ألطريه ونفعت معي
الأشهب 507

[الاشهب 507]

ماشاء الله ماشاء الله
كلم شجعان ما شاء الله
ماتخافون من شيء
بسم الله عليكم
الأشهب 507

[المموه]

اسيود راس والباقي ما يهم

[يكفيني نظرة]

اخاف من اللي ينكد المجلس اما احدن يجي مع خويك والا احد من برا يجي ويدخل مجلسك ويسوي نفسه يستغفلك بالكلام واخذ العلوم .

[سجة الخاطر]

السلام عليكم ورحمة الله وبركاته المداومه على الذكروالوردالصباحي ولمسائي يذهب عنك الخوف اطلاقا

[وجعين]

تعطل السياره اللعن شي معناه هلاكك خاصة اذا كانت داخل مسافه بالنفود كذالك اذا كنت لحالك و انجمت وضعت وتصلط عليك الشياطين لان فيه أماكن بالبر مسكونة

[رقم 1]

يقولون من خاف سلم)

ومن منا لا يخاف ؟؟
ولكن عليك بالحيطة ، والأنتباه وعدم الأستعجال وأخذ المشورة من هم أكثر منك علماً وخبرة .
احسب حسابك لكافة الظروف
لا تغامر
لا تدرعم على عماها
خلك ذيب
تأكد من كل شيء يصادفك
تعامل مع الحوادث بكل هدوء نفس وطمأنينه

تعلم كيف تتدراك الأمور

-
-
-
-
-
-
-
-
-
-
-

[الخمعلى ممدوح]

اذا. قرب. يخلص. البنزين. وانا. المغرب. وضايع. ومامعي. قارمن. وشبكة. الاتصال. مفقودة والاستبنه. مبنشره. والكفر. الخلفي. به تنسيم. والماء. علي. وشك. والمنطقه. اول. مره. اجيها. والبرق. يبرق. ونجوم. مافيه. مغطيتها. السحب. ودرجة. الحرارة. صفرررررررررررر. شوفوا. لها. حل

[alm6yry]

انا تخوفني حاجتين الذيب والقطعه بالبر لحالي

[الدبل الرابع]

الحمدلله بالاولى وبالاخرة .. اللي يسمع بالجن ابا اوصف له مكان والله ان تشوف الجن فيه ترا هذا الكلام بدون مبالغة وخلوا عنكم كثر الكلام والتخييلات.
واللي يقول عقارب وثعابين هذي امور مقدور عليها بمشيئة الله وقراءة الاذكار والأوراد اليومية كفيل بالعافية منها ولله الحمد.
واللي مالك فيه حيلة هم شياطين الانس الله لايبلانا بهم والا خراب السيارة وانت في مقطعه في خلا خالي والا اذا دار بك راسك وانقلب بك ماتدري وين وجهتك.
الباقي يهون اذا استعنت بالله وتجهزت واستعديت لكل طاريء متوقع وغير متوقع اكتب هذا الكلام نتيجة عصارة سنين طويلة من الخبرة والدراية ومع ذلك نقول ياربي سلم سلم.

بالختام اللي مالقيت له حل طول عمري هم شياطين الانس الله لايبلانا بهم او بشر منهم


دمتم بخير وعافية

[الاشهب 507]

أجل اثبتت
ذلحين انك جني مسلم
بس ذلحين عندكم مواتر
زينا وتخرب مثلنا غريبه
المفروض انكم تطيرون ماتحتاجون
سيارات طيب كيف البنزين عندكم
ولا تاخذونه صافي من البير مباشره
ولا وش وضعكم اسمع دامك جني مسلم
وشرايك تسير خويي ماعندي مشكله ترى
الأشهب 507

[الاشهب 507]

للرفع
الأشهب 507

[faisal 506]

حقيقة الخوف عندي عاده من شيئين بالبر
شياطين الانس
وعطل السياره فقط
والباقي امره سهل
ولاتنسوون الاذكار دائما والله خير الحافظين

[ابو محمد 40]

انا اكثر شي اخاف منه البنزين وفيني وسووسه لو ينقص الربع عبيت فل لاني تعطلت مره وتبت امشي بدون بنزين خصوصا في طريق ما عمري جيته من قبل. اما الزواحف وغيره الحمد لله ما جاني منها شي والله يستر

[رمال الشمال]

إذا نمت وجاك واحد من قطاع البر وخشق راسك بحديدة وأنت نايم ...ولذلك من السنة أن يجعل هناك مناوبة حراس بين الشباب في البر عند النوم