رابطة ملاك الفايروخ hw100

[فراس الدوسي]

الله لا يهينك

هل خطورة الاسطوانه عند الانفجار قاتله ؟؟ هل هي مثل القنابل !؟
واسف ع الازعاج

بالتأكيد الانفجار خطير وقاتل

[الشمروخي]

شكراً وبيض الله وجهك والحصول عليهن كيف

[عبدلله الخالد]

ياشباب الرياض وصلني قبل قليل ان ساكو الي في الدمام يبيع اسطوانات الغطس. فمن الطبيعي ان فرع الرياض يبيعها. من يزرق عليهم ياشباب ويرد لنا الخبر. انا ساكن برا الرياض ولا مريتهم

[999ابوصالح]

أنا بالدمام وإن شاء الله اليوم اروح ساكو وشوف وش علمهم !
16 / 12 / 1435 هـ

[عبدلله الخالد]

بيض الله وجهك ابو صالح ترا معظم الشباب متشفقين على الاسطوانات

[عبدلله الخالد]

بشر ياذيب حصلت في سكو شي

[999ابوصالح]

اليوم رحت ساكو وللأسف الشديد لم أجد إسطوانات غوص
رحت للمسؤل وقال هذي غير موجودة ولاقد جبناها ، سولفت معه شوي وقلت نتمنى توفروها ومن هذا الكلام
قال إنشاء الله بس ما أوعدك !

[kASER-999]

اليوم رحت ساكو وللأسف الشديد لم أجد إسطوانات غوص
رحت للمسؤل وقال هذي غير موجودة ولاقد جبناها ، سولفت معه شوي وقلت نتمنى توفروها ومن هذا الكلام
قال إنشاء الله بس ما أوعدك !

السلام عليكم ابو صالح
الفايرخ هذي معها كاتم صوت ؟؟
وايش اللي فيها اجزا يخرب مع الوقت ممكن اقدر اوفرها ؟
واللي يبي الراس حق الاسطوانة اقدر اوفره له ان شالله

[Got]

مساكم الله بالخير
نصيحه اخويه
ابعدوا عن الاسطوانه المستعمله (الرخيص مخيس) مثل ما قالو

سافر اخوي للدبي ووصيته بسرندل ١٢ لتر ٣٠٠ بار وما قصر شراه لي ب ٤٠٠ درهم
وفي الوقت نفسه كان يحذرني من المستعمل ويقول اشتر جديد لكن ما طعت شوره

وصلت الطلبيه اليوم وشفتها قلبي ما ارتاح للسرندل مكرووووف حيل .... قالي وش رايك قلت زين مجامله
وكانت المفاجأه انه شاري لي واحد جديد ٤٥٠ بار شي يبيض الوجه الله يبيض وجهه ووجيهكم

وقالي بالحرف الواحد ((شريت المستعمل عشانك وشريت الجديد هديه لك

واحرص على الزين اليا صرت قناي))

والله بعد ما شفت ال ٤٥٠ بار اني ارتحت ... شي يحسسك بالامان

وفقني الله واياكم

تجربه فاشله جربتها ولا ابي غيري يجربها ويخسر

[منفلت]

اخواني الاعزاء

من يخبر لي وحده جديده برخصته للبيع فايروخ.. السكتون لي فترة ماحصلتها الرميح اللي بالرياض ماعنده

[ابوفارس 2006]

جزاك الله خييير اخوي got وبيض الله وجهك على النصيحة القيمة والمهمة.

وبالنسبة لسلندر الجديد 450 بار كم لتر وهو حديد والا المنيوم وكم سعره بدبي

اناعارف اني كثرت الاسئلة بس تحملنا

[عبدلله الخالد]

على البركة ابو عبدالله ويعطيك خيرها ويكفيك شرها وبيض الله وجه اخوك
يا شباب الامان الامان في الاسطوانات احرص على الجديد على الاقل تضمنه ثلاث او اربع سنوات قبل ماتعمله الصيانة

[كبااس]

السلام عليكم
عندي فايروخ 100 مقاس 4.5 دقيقة جدا وماتخطي الهدف بس جميع صيدي من بعد 20 متر يصاب ويطير ولا يطيح لدرجة اني صوبت قمرية مرتين ولا طاحت لدرجة اني فكيت الكاتم ونفس المشكلة وما ادري هل هو ضعف في البندقية ؟

[عام1433]

السلام عليكم
عندي فايروخ 100 مقاس 4.5 دقيقة جدا وماتخطي الهدف بس جميع صيدي من بعد 20 متر يصاب ويطير ولا يطيح لدرجة اني صوبت قمرية مرتين ولا طاحت لدرجة اني فكيت الكاتم ونفس المشكلة وما ادري هل هو ضعف في البندقية ؟

اخوي انا ناوي اشتري وحدة وبعد مشاهدة ملاحظتك قلت الحمدلله انني ماشريت.

ولكن كم بار ضغط الهواء عندما كنت ترمي فيها؟

[فايروخ 370]

المشكله من حجم الصتم وسرعته عاليه تخرق القمريه وتطير مسافه وتاخذ وقت وتموت

يعني بالنسبه للفايروخ 100 4.5 لازم صتم ثقيل من 10 قرين وطالع طبعا ماعندنا فالسعوديه غير نوع او اثنين

مع الصتم الثقيل 1.راح تكون السرعه اقل 2. والاختراق اقوى 3. وتكون الدقه افضل بعد