15 نوفمبر 2015 - 16:514 نوفمبر 2015 - 21:27 منتديات مكشات


::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 8 من 8

الموضوع: ديوان الشاعر / ناصر الجابر

  1. #1
    تاريخ التسجيل
    Mar 2004
    المشاركات
    7,663

    ديوان الشاعر / ناصر الجابر

    بسم الله الرحمن الرحيم
    السلام عليكم ورحمة الله وبركاته
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    (((المقدمه)))

    الشاعر / ناصر الجابر- من الشعراء المميزين والذين أثروا قسم الموروث الشعبي في منتديات مكشات بالقصائد الجميله والمعبره وقد قامت الإداره مشكوره بجمع هذه القصائد في
    دواوين خاصه لكل شاعر وهي إذ تقدم ذلك إنما تسعى لحفظ جهود شعرائها وجعلها
    في متناول القارئ وهي تقدر للشاعر مايبذله من جهد وتفان ٍ في هذا المجال

    ((السيرة الذاتية))

    ناصر خلف محمدالجابر
    الشاعر الأستاذ , شاعر الحائط الكبير كما يلقبونه ولدبمدينة الحائط التابعة إداريا لمنطقة حائل والتي تقع جغرافيا جنوب غرب مدينة حائل
    وتبعد عنها بما يقارب 240 كلم وتقع شمال شرق المدينة المنورة بما يقارب 270 كلم .
    ولد شاعرنا عام 1366 هـ وترعرع ونشأ في بيت والده أي بوسط بيت آل جابر الذينهم أمراء الحائط منذ القدم وحتى الآن . نشأ وترعرع كما ينشأ غيره من أبناء القرىوالأرياف نشأة ريفية حتى بلغ العاشرة من عمره حيث فتحت في بلده الحائط أول مدرسةإبتدائية عام 1377 هـ التحق بها وواصل دراسته الإبتدائية بهذه المدرسة التي كانتتحمل اسم المدرسة السعودية أنذاك إلى تم تغيير اسمها إلى الاسم الحالي مدرسة النصرالابتدائية حصل على الشهادة الابتدائية منها في عام 1381 ثم انتقل إلى مدينة حائلليواصل دراسته في معهد المعلمين الابتدائي آنذاك . وتخرج منه في عام 1384 هـ حيثعين على إثر تخرجه من هذا المعهد مدرسا في بلده الحائط ، حيث عمل في نفس مدرتهالابتدائية والتي تخرج منها ولمدة خمس سنوات يدرس فيها . ثم انتقل إلى منطقةالمدينة المنورة وعمل في مدرسة حسو مطير ولمدة سنتين ثم انتقل إلى داخل المدينةالمنورة , وعمل مدة وجيزة في مدرسة أنس بن مالك في المدينة ثم نقل إلى مدرسةعبدالله بن رواحة وعمل بها مرافبا إلى جانب عمله كمدرس كمدة ثلاث سنوات , بعد ذلكعمل مدرسا في مدرسة قباء مدة سنتين عمل بعدها مدرسا في مدرسة بني النجار في المدينةغادرمن خلالها إلى الطائف ليدرس في مركز الدراسات التكميلية حصل على دبلوم تربويبعد عامين دراسيين في هذ1 المركز تخرج منه عام 1399 هـ عاد من المركز إلى مدرسة بنيالنجار ليعمل فيها سنتين ثم انتقل إلى منطقة حائل عين على إثر ذلك مدير لمدرسةحارة الأشهب بمدينة الحائط عامين دراسيين ثم انتقل إلى مدرسة أبي ذر الغفاري بفيضة أثقب عمل بهامدرسا 14 عاما متواصلا انتقل بعد ذلك إلى مدرسة العرادية التي لم يطل مقامه فيهاأكثر من شهر حيث تقدم بطلب تقاعدا مبكرا بعد خدمة في التعليم طالت ولمدة اثنانوثلاثون عاما .
    شاعريته
    أما حياته كشاعر فهوشاعر مجيد وفحل من فحول الشعراء في الشعر الشعبي بجميع أنواعه وأغراضه وهو بحرلا ينضب في نظم الشعر والقصائد ولا غرابة في ذلك فهو ابن الشاعر الأمير خلف بن محمدالجابر وجده لأبيه الأمير محمد الجابر كذلك شاعر مجيد إذن فليكن كما قيل عنه شاعرالحائط حيث أنه يقرض الشعر ويقول فيه حتى أجاد منذ نعومة أظفاره .
    وقد ساعدهعلى ذلك سعة الإطلاع على دواوين شعراء الجزيرة العربية واستماعه ونقله عن الرواة منأبناء البادية والأرياف . وجالس وناقض الكثير من الشعراء




    """""""""""""""""
    """"""""""

  2. #2
    تاريخ التسجيل
    Mar 2004
    المشاركات
    7,663

    مشاركة: ديوان الشاعر / ناصر الجابر

    {تـعـال يـاهـمي}
    تعال ياهمي أوحبي من الناس=ياللي غلاك إبداخل الروح مغروس
    نبته إبقلبي ماصفقه كل نسناس=مانبت في روس الشفاشيف بطعوس
    داخل حشايه بين الأضلاع غطاس=بأعماق روحي بالصناديق مغطوس
    مخفيه أناعن كل حاسدأوبلاس=بأقصاضميري خافي الحب مدسوس
    ماجاه في روحي من الرودعساس=قلبي تحفظبه أولاالقلب معسوس
    ياعين حرجدع الريش قرناس=فرخ وحش ماهوعلى الكف محبوس
    ماجوده قضاب للرجل حباس=ماحطبه برقع على الراس ممسوس
    يلعب مع الذاري إبعيدعن الحاس=بأعلاالفضاماجاه بالجوحاسوس
    البرق من شوفه إلياحام تنحاس=لأدلى عليهن منحمق حاسهن حوس
    أدلى على أولهن أوللتاليه داس=فيهن عثابإدلايته داسهن دوس
    والعنق عنق اللي إتخزخزبالأطعاس=لدت إلخشف دوب بالمشي تالوس
    يامازعجهامن القنص حس نداس=حذف الرصاص اللي إلياثارنادوس
    ترعى عشيب مابدافيه الأيباس=توه جديدمالتوى ذبل وايبوس
    الضين ماله في مفاليه مرواس=بس أم سالم غيرهامابه أونوس
    عله سحاب والرعدفيه رجاس=ياخذبه الريم العفركل قانوس
    والنهدفوق الصدرمركوزجلاس=حمرالثمرفي لبته قعدإجلوس
    ماناشه الرضاع باللهج لساس=زامي أولاهوبالملاميس ملسوس
    يجزع إليالمسه ولودوب لماس=ماهوإبدقات الأصابيع ملموس
    هذي وصا يف صاحبي عذب الأجنا س=زاهي جماله زاهي الزين بلبوس
    يذريه ربي عن حواسيد الأ نجاس=اللي إمراعاهم به الغش وانجوس
    هذا الحبيب اللي نقيته من الناس=اللي غلا ه إبداخل الروح مغروس
    {ناصرالجابر}

  3. #3
    تاريخ التسجيل
    Mar 2004
    المشاركات
    7,663

    مشاركة: ديوان الشاعر / ناصر الجابر

    {قـصـيـدة الإبـل}

    طربة هوى بالي إعـراض التـوادي=إمدلهـات اللـي إبقلبـه هواجيـس
    وضح خزايز كـل أبوهـن اتــلادي=منهن فحلهن ماضربوهاالـحـراسيس
    لاطـق راعيهـن اغربـة الشـدادي=صكن على القعدة إسوات الحراريـس

    مثـل المـزون إمزبـرات نـوادي=ياماحـلا فيهـاالشمايـل معابيـس
    حبيتهـن واغلـيـت فيـهـن ودادي=أخير وأبرك من إمخـاوى الهلابيـس
    أخير من خـوة أخفـاف السـرادي=اللـي مجالسهـم ملـم الأبالـيـس
    وأخير مـن كثـر اللغـاء والـدوادي=في مجلـس فيـه الوجيـه المفاليـس
    اللـي إمقابلهـم يـغـث الـفـوادي=عوج الدروب إمدوريـن الدعاليـس
    أيـام عمـري توعـادن إجــدادي=أوزالت إهموم الصدرمابه حواسيـس
    من حب زينـات اللحـى بإعتقـادي=أوكل على شفـه يـرودالمراويـس
    يا مكثريـن القيـل غايـة مـرادي=شمة عبسهن مع هبوب النسانيـس
    ماني من اللـي يشتهـون البـرادي=في كسرة الفيه وظل الدهـاليـس
    شفي إبمربـاع الخرم والحمـادي=إن وكدواعشبه أوجونـاالعواسيـس
    أسوقهـن يمـه إبرفـض وهـوادي=من غيرراضه بالمهل والمجاليـس
    حتـى يجنـه والزهـربالـردادي=متخالف الأشكـال مثـل الفوانيـس
    مقياضهـن بالقيـض يــاوي وادي=وادي القهد يبني عليهـن طعاميـس
    البل وقـت فـات فيهـاالعنـادي=يامااتعبـن إمعسكـرات السواديـس
    كم لحيـة طاحـت نهـارالطـرادي=إن وردن الخيل جمـع وكـراديـس
    بقفيهـن راحـة عمـار الــولادي=خطو الولـد مـايتقـي بالمتاريـس
    واليوم خطو الـدودلـي والربـادي=يذمهن من فيه قـول أوتـلاميـس
    {ناصرالجابر}

  4. #4
    تاريخ التسجيل
    Dec 2006
    المشاركات
    18

    وش مضى بالفايتات


    {وش مضى بالفايتات}
    قايل بالزمن هذايقول=أوكل قوله في إعلوم إملفقات
    يحسبن الكون هذامايزول=ويحسبن أيام عمره دايمات

    ماذكرمولاه بالعقل إمعلول=علته يحكي سوالـف فايتات

    السنين أدوارحول بعدحول=ماأعـتبربسنينه اللي ماضيات

    وين جدك يوم صولات الخيول=وين عمك بالليالي السابقات

    وين ابوك اللي إيسددبالخلول=وين خاله والقصورالعامرات

    ياخراب الوقت في رد والعقول=قـام من نوم طويل بالسبات

    صارأميرأوشيخ ماله من قبول=دله العـقـل الردي بعدالمبات

    قام من نومه أوشاف اللي يهول=إحلوم الليل سواله إسوات

    قال ماهومن مقالاته خجو ل=يحتكم للكيف في بضع إكلمات

    مايهـتل با لعـبا دألا الهـتول=خارب الذمه تفلت بإ نفلات

    يوم راحت منك وأنته في ذهول=أوغطيس النوم ياعفن الصفات

    كيف أخذهامنك شيال الحمول=قل لنافسرإعلوم مبهـمات

    الوكادأبغاه دورلي إحلول=كل قول إيقال يبغاله ثبات

    أنت أميرالوقـت بالشبعه تصول=مامضى ما لك إعـلوم إموثقات

    ما تخاف الله تهذ ل كا لذلول=إذ كراللي فـيك من قبل الممات

    هرجة بلسان ماتجيب إمحصول=مثل هباب الهوى بالذاريات

    إنشدالناس لاتملا الحثول=في سوالف مالهاثبت أوبرات

    عندخلق الله إتحصل مايجول=في خواطرخاطريصفـق حصات

    لاتسيرإبخطوة التيهه عجول=أولا تعاندكاسبين الطايلات

    الله أكبرياهـبيل وش تقـول=كذ بتك منها تهزالرا سيات

    {نـاصرالـجـا بـر}


  5. #5
    تاريخ التسجيل
    Dec 2006
    المشاركات
    18

    مشاركة: ديوان الشاعر / ناصر الجابر

    { إمـجـهـزالـكـيـف والـكـلـي }



    بديت بإسم اللي على العرش متعلي=رب على عرش السماوات عاليهـا
    محصي عدادالخلق في دقه أوجلـي=سبحانه اللي عدالأنفاس محصيهـا
    منشي سحـاب بالهماليـل منهلـيي=سقيبه اللي ممحل الوقت مظميهـا
    بـأمـره سقاهابالمطرعلهاعـلـي=من غب سيله مخضـرات مفاليهـا
    تدلهبـه القطـعـان بالخدتنجـلـي=راقت أوهادت يوم زانت مراعيهـا
    وافرعطاه مـن المطاليـب ماملـي=بيديه رزق الخلق تطلب أويعطيهـا
    بديت بإسمه وإبتداالقـاف يحتلـي=فكرأوبصيـره بالقصيدأومعانيـهـا
    لازم إفوادي مثل مالازمـن ظلـي=من وين ماوجهت بالكـون ألاقيهـا
    قم يانديبي فوق مركـب كماالزلـي=بعدالمسافه قرب الجيـب قاصيهـا
    جيـب تيوتالوتوخـرت وامتـلـي=يوصلك ماتبغاه والنفـس يرضيهـا
    واردجديـدبـأول أورودبمظـلـي=ماداج بأسواق المعارض أواهاليهـا
    من عبداللطيف إمجهزالكيف والكلي=إركب أوربك مكتفل فـي تواليهـا
    أسبق من اللي رفعت باغيـه تلـي=قبل المغيب إتشيل شـي بأياديهـا
    تنقـل عشالعيالهامـنـه تنتـلـي=عنده إصغارالعـش وده إتعشيهـا
    لاندالكروزررايـح العمروامـولـي=مهمابلغ سعره رخيصـه مشارهـا
    إركب نباالمقناص وقتـه إلياحلـي=لوهووراعمـان قـرب حراويـهـا
    إركب تراالشطه إبممشـاه تنحلـي=والليل فوق الجيب طابت مساريهـا
    بكره إحجاجك مع سناالصبح ينفلي=بفياض روادالعسس مامشوا فيهـا
    فيهاالخزابالنـدى بـلـه الطـلـي=قطرالنـدى لولوبـالأوراق حاليهـا
    تلقاأم سالم ترفع الصوت واتهلـي=فوق الغصون إترددإلحون أغانيهـا
    قودالسوالف قلـت وأنتـه بعدقلـي =أوعندالوريث إدلال صفرإمراكيهـا
    للكيف بالحامي علـى الصلوتنملـي=وفي جنبهاالجمري على النارنشويها
    مع ربعة والكل سلـوان وامسلـي=زان القنص والصيدهذي مداحيهـا
    زانت لناالفرجـه أوهـذي لنادلـي=سلم الرجـال اللـي إكبارهقاويهـا
    مابه دلولى لأدبـح النجـم نندلـي=والكل مناصامـل الـراي صافيهـا
    مافيه واحدمـن إمخاويـه ينعلـي=أولاعندنااللي فيه طـاري إمخفيهـا
    ياماحلاخـرب أودمانـه إتشـلـي=مـن فعـل حرشلهامـع ثناديـهـا
    قمناإنتـدافـع يمهاالطيرمايخـلـي=بـأول هـداده جايـع مايخليـهـا
    يكفـي نقورالحلـق بالـدم يبتلـي=الثانيه تدرج نبـي منـه يرميهـا
    حصـل الغداوالطارفـه خلهاتولـي=الله هواللي خالق النفـس واليهـا
    مكشات ردالـروح لأجسادناياللـي=بالبيت رجلك مامشت فـي فيافيهـا
    والعذركان القاف به حرف مختلـي=دمح الخطامنكـم بالأمثـال باغيهـا
    أوصـلاة ربـي عدهمـال ينهلـي=على النبـي تعدادحـي أوفانيهـا

    { ناصرالجابر }

  6. #6
    تاريخ التسجيل
    Dec 2006
    المشاركات
    18

    قاد الغلا في خاطرماتمناه


    {قاد الغلا في خاطرماتمناه}

    قاد الغلا في خاطرماتمناه=أولاد كله بالقلب والروح طاري

    كله صواد يف إبد ربي صد فناه=ماصارمقسوم بالأقدارجاري

    ماقد رالله كان يجري إبمجراه=عن قد رة الله ماتفيد الحذاري

    شخص صد فلي بالغلا ماعشقناه=لوكان في عشقه صد وق إنتحاري

    ماأد ري علا مه كيف وشلون وش جاه=هذي عليه إبسد خافيه داري

    يد ري ويعلم في خفية خفاياه=إن ماصد ق يصبح علي فيه زاري

    كثرالزراياتفقد الحب معناه=ماصاب مايخطي سد يد العياري

    وإن كان قلبي في غلا صاحبي تاه=من د برته بيه إمحد الشباري

    ياهل الهوى شكواي تكبرإبشكواه=سيد العذارى لا بسات الخزاري

    يوم إعتلقني بالغلا قلت حياه=أعطيته الخافي بليامداري

    لكن إسلوبه ماأعجبتني سجاياه=مبدا وداده قال هات المصاري

    أرخص لي الغالي إبطيبه وبرضاه=من غيرماأقله كشف بالستاري

    كشف مكانين الخفالي ماأخفاه=بأول ند ب طق الفشق منه ثاري

    يبغاالهد ف ميرإنحرف عنه وأخطاه=ماصاب رميه لويشيل السواري

    عرفت مقرون الحجاجين بأرياه=من عمي الأرياماقتدى كل ساري

    وش عاد لوقلب الشقاحب وأغلاه=نسيان ود ه في هواي إختياري

    ماهي غصيبه تركته يوم أناأنساه=مالي هوى باللي هواه إضطراري

    مضطرلأجل المال يعشق إبمشهاه=أوبعد ين ماأد ري عن مهب الذ واري

    بانت سرايرنيته من نواياه=يقول سيرلأد مسن المساري

    حسيبي الله وين لرحت أبلقاه=وأناغشيم ماعرفت الحواري

    ماأعرف طريق الدارماأد ل مرباه=يمكن نطيح إبشبك واللا مجاري

    ياماويامابالغلا مثل شرواه=عفناغلاهم بالغصايب إجباري

    ماأحب أنااللي في هواهم إمهاداه=في حبهم يسقط علي إعتباري

    الريم شارد بالخلا ماقنصناه=يسرح أويلعب بالخلا والبراري

    لكن ياللي خاطري ماتمناه=شفلك هوى مالي إبشرواك طاري
    {ناصرالجابر}






    [/poem]
    التعديل الأخير تم بواسطة ناصر الجابر ; 27/12/2006 الساعة 11:10 AM سبب آخر: أخطاء حرفيه

  7. #7
    تاريخ التسجيل
    Dec 2006
    المشاركات
    18

    قلبي إلياهب الهبوب الشمالي



    {قلبي إلياهب الهبوب الشمالي}

    قلبي إلياهب الهبوب الشمالي=هبهب من اللوعه إبداخل حناياه

    ريح الشمال إيذكرالقلب غالي=يذكرإسنينه خافق ماتناساه

    يذكرعليه يوم جاله مجالي=يفزقلبي يوم أناسمع إبطرياه

    ظبي المهاالمجمول زين الدلالي=يلوعني لوع الهوى حرفرقاه

    لصفقت نبت على راس عالي=أونبت الشفاالعاصوف سوه إلياجاه

    من يوم فارقني وأنابي صالي=بالروح ولع لاهب النارماأطفاه

    في حبة كنه حليب المتالي=إن روحن من خايع توماأسقاه

    وبل من الرحمه سحابه إثقالي=نوه حقوق وأمطرالمزن في ماه

    ليته عطاني علم وأبصرإبحالي=وأشيل صبري بالضلوع أوخفاياه

    أقفى حسين الدل والحض مالي=والحض الأقشروافق اللي تلقاه

    اللي تمنى والتماني إهبالي=كثرالمنى ماجاب شيئ أولا أعطاه

    ياأبوإخديدمثل لون الهلالي=لبان من غيم توزى أوخلاه

    عيني تخيله في ثناياالخيالي=والروح تصعق له إبصوت أولاأوحاه

    لج الضميرأوفي ضميري لجالي=حب الحبيب اللي سطتبي كواياه

    كي على كي بالأعماق كالي=بأقصاالضميراللي أوساع هواياه

    مالوم لودمعي على الخدسالي=مالوم أناعين الغرابيل ببكاه

    مالومهاتبكي ولاأحدبكالي=اولاأحدفزعلي بالهوى واحلالاه

    تبكي إفراق اللي شغل كل بالي=من بدجيله عاشق الوديبغاه

    ياشوق بعدك بالغلاوش بقالي=غيرالشقاماحشت للروح معناه

    منك العذاب اللي حصلي أوجرالي=يامذهب القلب الشقي في سواياه

    مع كل مايجري فلاني إبسالي=وشلون أبسلاعنك والغيض يشعاه

    يشعى الفواداللي به الغيض طالي=لاناسي حبك أوللبعدعزاه

    كل مانتحى له وجهة طق جالي=لين إنبرت حالي وأنابالمراجاه

    مع لوعتي يازين ماني إمبالي=أجرح إجدارالصمت بالشعرواغناه

    ياحبيبي ياللي غلاه إستوالي=ماني إمدوربالغناديرحلياه

    راحت ليالي واقتفتهاليالي=والشوق في قلبي إيبني بناياه

    دق الطنب وأرسى عمودإجلالي=ماينشلع مادامني حي وأهواه

    حتى يقوم الميت ماله زوالي=مايزول حب بالنحانيح مرفاه

    بين الحناياللموده مشالي=في مشة إفوادي بالأعماق شلناه

    منك الظليمه غيرهاماهيالي=سهمك لجافي داخل الجاش ماأخطاه

    مالي جداألادمعتي لطرالي=طاريك نثربالخفانازف إدماه

    تنزف إجروحي منك ماأحدصخالي=وأكض عبراتي على كبربلواه

    بلوى الفراق اللي من أول اوتالي=أبعدحبيب عن حبيب أوداه

    أبعدوليفي والبهاذيل فالي=وأصبحت انافي صحصح قفرمضماه

    ماحولي ألامن الخلادوخالي=ماداج به نزال واللارعاياه

    هذاوانالهب ريح الشمالي=أبكي أوقلبي يرتجف في حناياه

    {ناصرالجابر}






































  8. #8
    تاريخ التسجيل
    Dec 2006
    المشاركات
    18

    مشاركة: ديوان الشاعر / ناصر الجابر

    {جارالزمان أوفرقتنالياليه}
    جــــــارالـزمـان أوفـــرقـتـنـالـيـاليه=وأصحبت في وادي أوخلي إبـوادي

    أصبحـت مثـل اللي حــدروادي التيه=تايه إمـضـيـع بـالـمـتـايـيـه غــادي

    مثـل الذي حفيت من المشي رجـلـيه=أفخت حديدالشام بــأرض الحمادي

    حـسـيـبـك الله ياهـــوى البال غالــيه=يـاللي سقيت الروح مـرالـــــودادي

    مـرك شربته قـبل ماأذوق حــــالــيه=يــوم إن غيري من حلاك إستزادي

    حسيبي اللي كـل مخلوق يــــرجــيه=الـواحد اللي تـــــرتـجـيـه الـعـبـادي

    ياللي عـليك القـلب يصفـق مـحـانيه=صفـق الرعـدوالتج داخـل إفــوادي

    زلزل ضميري وارتجف كل خافـيه=وإليانـهـيـتـه قـلـب الأ تــلاف زادي

    أخـلـفـت ظنه واخـتـلـف نــوطـاريه=أوحــدالقدم ياطاهـصـيـرأوعــرادي

    ود ه عـلى السلوان لكن حــــــــاديه=من طاري الأحباب يحداه حــــادي

    يد له وينسى مـيـريــرجــع إلماضيه=لـمـن تـذ كـرعــاد ه الـمـسـتـعـادي

    عــــــاده بلاه اللي من الحب كاويه=واستنزف الإحساس واتلف مرادي

    ود ك رتــــع بالقلب وأصبح مفالـيه=يرعى إبحشايه مثل رعي الجرادي

    يامن نسيت الود وانهـيت بــــــاقــيه=أوكد رت بالهجران فـرحة عـيادي

    لواخـساره يــــــوم عـيني إتــراعـيه=زولك تحبه لوإبشـوفـك إجـــهـادي

    قـلبي مليته غــــدروأد مـيـت خـافـيه=أبغاأتجلد مـيـرويــــــــن الـجـلادي

    يــــاصـبـري الـتـايه إبحـب إمـعـنـيه=مـــافـاد فـود ولاهـــــــواه إستفادي

    يـحـفـن شقاه مـــن الغـرابـيـل بـيـديه=أطلق عـشيري مــن هـواه الأيـادي

    كـل ماأعـتليت إبنايف الـرجـم راقـيه=مــاأشوف اناياغـيرجـرد الـريـادي

    شفت السراب اللي إيخادع إبـظـامـيه=في صحصح مايـنـزلـونــه بـوادي

    ناديت بأعلى الصوت ماأنته إبموحيه=سديت سمعـك عـن شـفـيـق إينادي

    فـوق الطويل اللي عـسـيـره مــراقـيه=عـد يت وأطول بالمشافي إقــعادي

    فضيت بالنايف مـن الجـوف مـــافـيه=مـن عـبرة حره للأعـماق كــــادي

    الله أولاغـيـره حـبـيـبي إيـــــــجـازيه=مـني عـلـيه إبـكـل يـوم ســــــوادي

    الله إيـسـود وجـه من خـان بــــــاغـيه=عـقـب السهـل يرقاعـسيرســــنادي

    اللي غــد ربي جعـل الأيام تـــــرمـيه=في حـفـرة تـجـدع عـليه الـهـوادي

    مـن ويـن مــــاوجه عـسى الله يغـد يه=بـد روب لـجـاهـالـقـاســـــــــدادي

    بـد روب فـيهاخالق الـكـون يــعــمــيه=يضيع مايرجع أولا له مــــعــادي

    خـلـه لعـله لـيـن يرضـون أهــــــالــيه=اللي رمـوبه في غرام الــسـرادي

    أخلف وعـد حـبـه أوضـيــع مـمـاشـيه=تيهات رايه في طـــــريقه زوادي

    يـاهـيـه ياللي مـانـظـرويـش قــــــافـيه=د نياك بعـدالصيف فـيهابـــــرادي

    الـعـلـم يـابـد ه يـجي فـيـه حــــاكـيه=مـــاصارصارأويكـثـرن الـــدوادي

    صبرت صـبـرماحـسـبـتـواإبراعـيه=صبرت أنابـالغـبن صـبـرالـمهـادي

    صـبـرالـخـسـاره بـأولـه لـيـن تــاليه=لأجلك ولـكـنـك مثيل الـــجـــمــادي

    من غـيرك اللي كـل حـبي إلـعـيـنـيه=ومـن غـيرك اللي حط بيه مــقـادي

    يـقـود ني وأتـبـع هـواه أومـــشـاهـيه=إن طبت واللا جبتني بـالــعـــنـادي

    يوم إستوى حبــك إبـقـلــب إمـهـاويه=خـليتني وأسقـط حـسبة إعـــــدادي

    ماغـيـرهـمي في زمـــــاني إمخاويه=مع لوعـتي في وحد تي وانـفـرادي

    ماغـيرعـيني د مـعــهـاراح صـافـيه=تبكي إلقلب عــقــب نـاره رمــادي

    نبت الضميرالغدرزاله أومـــــاحــيه=عـقـب الـحـياه أصبح هميد سمادي

    أد له القلب الشقي عــنــك أعــــــزيه=ليته يـعـيـش إبـجـورايـق أوهــادي

    ماينفع الـشـفـقـان كـثـرة رجــــــاويه=لوكان بـالمـمـشى تـعـدى الـحدادي

    لــعــاد حــب بــهــذلــتــني لــيــالــيه=حــب إبـوادي والـمـهـاوي إبوادي

    {ناصرالجابر}









معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •