عليكم السلام ورحمة الله وبركاته
حياك الله أخي الفاضل
الرز إذا تبيه مثل المطابخ يطبخ بماجي ابيض لكن الطريقه الأساسيه لطبخ الرز الابيض وهي الاصل هي:
1أسلق اللحمه او الدجاج بالملح والبهار(كمون دارسين كزبره فلفل اسود ) وخل البهارات عدله من غير طحن عشان ماء اللحم ما يصير غامق والافضل اربطهم بقطعة شاش أو تلاقي عند محلات المواعين شي على شكل كوره صغيره ستيل مخصص للبهارات والشاهي،،وحط بصل على قد مقدار طبخك والبصله حطها عدله من غير تقطيع ..
2قطع كميه من البصل شرايح رفيعه بعرض 1إنش تقريبا على شكل نصف دائره ولين تحمرت طلعها بصحن على جمب ،،ببياله حط ملعقه صغيره كركم ومويه حاره ،،وان بغيت وهذولي إختياري ضفهم للكركم والمويه ،،موية ورد وزهر وغطها واتركها على جمب..
3جب قدر وحط فيه السمن او الدهن اوزبده اللي يناسبك وكميه كافيه لمقدار الرز ،،وحط عليها الرز وقلب الرز والسمن زين حول 5دقايق،،ثم صب عليه موية شوربة اللحم او الدجاج وخله ألين يتشرب المويه وقصر عليه لا يحترق ..
4 لين تشرب خلاص صب عليه مقدار الكركم ووزعها على وجه الرز،،والبصل اللي قليته حطه بعد فوق الرز من غير تقليب ..
5 خله حول نص ساعه بعد إضافة البصل والكركم ،،وبالعافيه..
6 عند الغرف شل البصل وشوي من الرز اللي على وجه القدر ولين قضيت غارف الرز زين بها وجه التبسي او البلم يعني مثل مانحط (البزار)..
تحياتي