اشيروا علي بارك الله فيكم مشكلة تقطيع في الاكسبديشن ويطفي الموتر

[من الصفرات]

من فتره بسيطه يجي في الموتر تقطيع مفاجئ وهاليومين بالذات يقطع اول ما امشي ولايقبل بنزين ابد ويطفي احيانا حتى وهو واقف
وجربت فضيت الموتر ودعست البنزين كله ضغط المكينه مايوصل 3

افيدوني جزاكم الله خيرا هل هي بخاخات ؟ او طرمبة بنزين مع العلم اني مغيرها قبل سنه

[من الصفرات]

وين الردود بارك الله فيكم

[فؤادسعدون]

هذا اذا ماخاب ظني انه حساس الهواء

[من الصفرات]

شكرا لك
الان اصبح الموتر كل مامشى يطفي وبعد خمس دقايق يشتغل

[من الصفرات]

ولمبة المكينه تأشر

[سيف وقلم]

هل لمبة المكينة مولعة، افحص كمبيوتر.

قد صارت لي مشكلة مشابهة وكان من حساس الهواء منحل الفيش، وركبته زين وضبط.

[من الصفرات]

المشكله ماقدرت اوصل الورش كل ماهديت ورفعت رجلي عن البنزين يقطع ثم يطفي ولايشتغل الا بعد شوي

[خالد الدغيم]

الله العلم انه طرنبه بنزين

[1824]

شيك على حساس الهواء اذا هو راكب صح والله اعلم يبيلك تنظف حساس الهواء وحساس IDLE SPEED والثروتل بدي وتغير فلتر الهواء والله العلي العظيم اعلم ويفضل طبعا تفحص كمبيوتر وتجيب الاكواد واكتبهم وان شاء الله سهالات بالتوفيق لك

[حسين2002]

أتوقع المشكلة من طرمبة البنزين تتطفى السيارة إذا احتمت الطرمبه وإذا بردت تشتغل السيارة

[يكفيني نظرة]

شيك على فلتر الهواء فكه وشف الهوز حقه لايصير مسكره شي وشيك على الحساس حق الهوا ايضاً.

[الحربي 591]

اخوي ثلاث احتمالات ان شاء الله ما تكون غيرها

انا مره من المرات نظفت الثروتل و الحساس اللي جنبه حساس الدعسه وانا انظفه بالمفك قفلته لا يدخل هو ولا يطلع هههههه اسوي مهندس
وجلس ثواني والا والسياره تهز وطفت على طولة نفس طريقه السياره القير اذا شلت رجلك عن الكلتش تناتع وتطفي و الحساس بعد ما فكيته السياره الابنص طااير فوق 3



.......
الاحتمال الثاني من طرمبه البنزين
ما مرت علي وانا اقول شغل السوتش وروح يم التانكي واسمع فيه صوت زززززز اذا فيه معناتها شغاله ما بها الا العافيه
واذا تشتغل وتطفي السياره ما تتفتف ....مثل يوم ينقطع البنزين السياره تطفي وهي ماشيه..

.....
الاحتمال الثالث
حساس دخول الهوا جنب قربه فلتر الهواء
.......................

[فتى العرض]

السلام عليكم ورحمة الله

صارت معي وفحصت كمبيوتر - الأمريكي لازم كمبيوتر ويختصر عليك - صار فيه بخاخ رقم ١ مايشتغل وغيرت معه صفاية البنزين والبواجي

وللعلم البوجي الأخير في الاكسبيدشن مايغير لأنه صعب جدا وماغيره الا فني مخرطة وأكثر الورش يقولون غيرناه اذا عجزوا عنه ،،،