ابغى مشورتكم في شراء ماكينة لحام

[مفترس مجهول]

السلام عليكم

انا يالربع فكرت اشتري ماكينة لحام
وانا متاجها كثير وباستخدمها في تلحيم انواع الحديد الخفيف والثقيل
فرحت لساكو في مخرج 16 وحصل عندهم اربع انواع طبعا كلها صناعة المانية
الانواع اللي حصلتها
1 قوتها 5-120 امبير صغيرة الحجم سعرها 830
2 5-160 امبير نفس الشكل
3 من 40-140 قيمتها 500
4من 40 - 190 قيمتها 850
فبغيت مشورتكم وش تنصحوني به واللي عنده لحامه يعطينا تجربته
والصور
http://www.gulfup.com/?eTG6pD
http://www.gulfup.com/?6ceWsz
http://www.gulfup.com/?xTmCnq
http://www.gulfup.com/?Ytff2W

[فوق الشمس]

والله ونا خوك الي نعرفه ان الحديد الثقيل لازم

200 إمبير وفوق مثل الجسور وخلافه

واذا شغلك بيدك وفي السنه حسنه فيه نوع صيني ممتاز ب ٢٠٠ ريال

شاور نفسك وسأكو غاليه الايطاليه عندهم

السوق مليان عليك بشارع الريل

[مفترس مجهول]

شاكر لك مرورك
الحديد بيكون 16 ملم وتحت مو بذك الثقل
والشغل والله بيكون لا باس به ما بيكون قليل لاني بسوي محمية وبسوي اقفاص ....
وانا ما اعرف الا ساكو ما اعرف محلاتها في الرياض ياليت تعطيني الوصف لاهنت

[ابولولو]

أخوي الغالي

فيه تاوانيه ممتازة بشارع الريل عند الفانوس بحوالي ٥٧٠ عمليه وطيبه

أنا أخذت من عندهم صينية وماشي الحال بس الزين يفرق

مر الفانوس محل كبير وسعره زين وانت باتجاه اول شارع الريل غرب يجيك بعد ثاني أشاره على يدك اليسار يفتح شمال

[مفترس مجهول]

بيض الله وجهك يالغالي
بمرهم اقرب فرصة ان شاء الله .

[فوق الشمس]

تفضل موقع الفانوس

http://alfanoos.com.sa/ar/

[سلطا]

شارع الريل
صيني 390 مع الاسلاك والاغراض
160 امبير

[مفترس مجهول]

جزاكم الله خيرا جميعا
شاكرا لكم تعاونكم

[بواسامه]

شيك الخاص
وابشر بالخير

[اصيل نجد]

اخوي لاتاقف الا بشارع الريل ارخص من ساكو بكثير بس الفانوس تراه ماهو رخيص عندك المحلات علي مد نظرك بس لاتقرب المحلات الكبيره لانها تغالي بالسعر يمكن النوعيات اللي عندها تكون حقت مشاريع يعني ماهي استخدام شخصي .
وبعدين اللحام تراه ماهو سهل انا شريت مكينه لحام قبل فتره وعجزت اللحم مره يلزق الصيخ بالقطعه اللي الحمها واذا طولت المكينه يصير يقص الشي اللي الحمه وتبهذلت لدرجه رحت للصناعيه بسوق الحدادين مالقيت احد يعلمني وبفلوس ماهو ببلاش . موفق خير اخوي

[مفترس مجهول]

بيض الله وجيهكم يرجال

طيب فيه نوعية تنصحوني فيها
طبعا الاستخدام شخصي لكن استخدامي متوسط لاهو بالقليل ولا بالكثير

[MNH]

هل فيه نوع خفيف وبدون كهرباء يعني بالغاز وين نحصلها

[مفترس مجهول]

مساكم الله بالخير

رحت شارع الريل ومريت محل الفانوس وسويت تمشيط لكل المحلات
وحصلت اربع صناعات صيني وايطالي وامريكي وياباني طبعا الامريكي والياباني غاليه فوق 4000 وماحصلتها الا في
محل واحد تقريبا
المتوفر الصيني والايطالي ومحتار وش اخذ
الايطالي
190 امبير ب 870 ريال
200 امبير ب 750 ريال الشركة تختلف عن اللي فوق
250 امبير ب 1250 ريال
300 امبير ب 1950 ريال
بالنسبة للصيني ارخص بكثير
180 امبير 320
200 ب 340
250 ب 350
300 ب 360
400 ب 400
500 ب 540



فياليت للي عنده خبره يفتينا وش الافضل الصيني اشوفها معقولة من ناحية السعر لكن ما ادري عن الجودة اخاف تشتغل مرة وتخرب

[راجع ندم]

اخي المفترس .... بعد التحية

نسأل الله لك التوفيق وصراحة عالم اللحام واسع . اهم شي عيونك ثم عيونك . لاتتهاون في النظارة ولامانع من لبس كمام ع الانف والفم للحماية من دخان اللحام. اعتقد فيه اصياخ لحام بالسوق قليلة الدخان اظنها صناعة ألمانية

بالنسبة للمقاس المناسب للماكينة اذا انت شغلات بسيط وبالبيت . خذ ماكينة قوتها من ١٨٠ وفوق طبعا مقاس الصيخ راح يكون ٢،٥ المتعارف عليه . اما اصياخ لحام الهياكل العملاقه والهناجر يستخدمون ٥ملم وفوق . هذا ليس مهم الان . اهم شي الحرص والوقاية

((( قدر الاستطاعة : لايكون حولك اطفال ، لايكون حولك مصدر اشتعال او اسطوانة غاز )))

اختصر الكلام حيث سبق وان تم طرح موضوع مشابه لهذا في هذا الرابط

http://www.mekshat.com/vb/showthread.php?t=654618

لك تحيتي وتقديري

[مفترس مجهول]

يعطيك العافية اخوي راجع ندم

المكينه انا مشتريها لاعمال البيت لكن في بعض الاحيان قد اعمل اشياء كبيرة
مثل اني اسوي بايكة للسيارة او اسوي محمية وبران وارانب وووو
يعني احيانا بشتغل شغل طويل

على شان كذا محتار وش اخذ الايطالي يمدحونها ومعروفه لكن اذا اخذت مقاس كبير بتكون غالية
والصيني اخاف ما تخدم معي

بدا يترجح لي اخيرا بين مكينتين
ايطالي 200 امبير او صيني 300 امبير

فمارايكم واللي عنده مكينه لحام ياليت يعلمنا بنوعيتها ومدى جودتها وخدمتها معه


وجمعه مباركة للجميع