ابغى مشورتكم في شراء ماكينة لحام

[راجع ندم]

بعد التحية
انت تدري ان غالبية عمال الحدادة يستخدمون ماكينة مقاس ١٧٥ الصينية وهذا هم يعملون بها كل شي ،
بالنسبة للماكينة الصينية سعرها قبل اسابيع ب٣٣٠ ريال
كيبل مقاس ٣٥ ملم للمتر الواحد ب١٠ ريال
مقبض ااصياخ او اليد ب٣٠ ريال ياباني
بالنسبة لكيبل التأريث اربط بأخره مقبض اشتراك او صيخ ٨ ملم
انت خذ اللي يكفيك ولاتكلف حالك تاخذ شي غالي ، اذا تقدر كمان يلزمك صاروخ فيبر الثابت ، وكمان صاروخ يدوي ٩ بوصه لان المقاس الصغير مايقص الحديد مرة واحدة ويلزمك كل شوي تبدل مكان القص .
دعواتي لك بالتوفيق اهم شي الحذر

كمان ذكرت لك سابقاً اضفت لك رابط لموضوع مشابه

لك تحيتي

[مفترس مجهول]

اشكرك على تفاعلك معي الله يبيض وجهك

بغيت اسال لو اخذت 200 امبير كيف اشغلها هل اقدر اشبكها في الفيش على طول
والا لازم اشبك في العداد

وبالنسبة للصاروخ وش الافضل المتنقل او الثابت

[راجع ندم]

تحية طيبه اخي الكريم

عادة الماكينة يكون سلك الكهربا يكون قصير . انت مر على محلات الادوات الصحية وخذ لك سلك بالمسافه اللي تحتاجها مقاس ٢.٥ لونه ابيض مزدوج اعتقد انك تعرفه ومن ثم وصله بسلك الماكينه ويفضل انك ماتركب له راس في الطرف الاخر يعني خله اسلاك مكشوفه لسهوله تركيبها في فيش الجدار . الماكينة راح تحصل عليه من الاعلى شريط شفاف وجنبه ارقام يمين ويسار مكتوب ٢ بعدها ٢.٥ بعدها ٣. بعدها ٥
هذي الارقام هي مقاس الصيخ اللي انت تشتغل فيه ولك حرية التنقل في الفراره الموجوده بالاله .
اعتفد اني وصلت لك المعلومه.

بالنسبة لموضوع الكهربا ماهو لازم تشبكه بالطبلون فيش الجدار يفي بالغرض اهم شي لاتشبك اكثر من جهاز بالفيش الواحد

بالنسبة للصاروخ المتنقل والثابت فيه عندك شركة ( ريوبي )اسمها شركة الصقور للعدد وعندهم قطع الغيار . وفرعهم عندكم بالرياض وصراحه اشيد لهم بطيب الخدمه واسال الله ان يبارك فيهم وفي رزقهم وهذا موقعهم
http://www.assugor.com/Activities.html
الصاروخ المتنقل خذ مقاس ٧، او ٩ بوصه سعره قرابة ٦٠٠ ريال
الثابت سعره حوالي ٨٠٠ ريال
لك تحيتي
ونحن بالخدمه باللي نعرفه

[ابو البر]

انا عندي مكينة لحام صغيره لها معي فوق العشرين سنه لأني اخذت بمشورة واحد فني (نصحني) ان اركب لها مروحه لتبريدها .

قبل المروحه كنت الحم اي شي لمدة عشر دقايق تتوقف الين تبرد .
بعد المروحه ما توقف ابدا الا عند الشديد القوي .

اشتر المقاس اللي يناسب ميزانيتك وركب لها مروحه وراح تدعي لي .
لو مروحة شفط على مقاس صندوق مكينة اللحام ويبغالك تقص من الصندوق علشان تركب المروحه .

[مفترس مجهول]

مشكور على المعلومة

كيف طريقة تركيب المروحة
وكيف تشتغل
هل تشتغل مع اول ما اشغل المكينه والا كيف

[راجع ندم]

تحية طيبه وصباح الخير ،
الرجال يقولك كان عندي ماكينة صغيره اتوقع مقاسها ١٢٠ او ١٤٠
لانها راح تتعبك ولاتكمل شغلك كل شوي تطفي
طبعاً نقوله بارك الله فيه وبيض الله وجهه

اقل ماكينة تاخذها لاتنقص عن ١٧٥ يعني منها وفوق وجميع الماكينات فيها مراوح داخليه فقط الماكينات الصغيره لايوجد بها
يارب وضحة الصورة
لك تحياتي

[مفترس مجهول]

صباح النور والسرور
وضحة الصورة بيض الله وجهك عرض السماء وطولها
ماقصرت الله يعطيك العافية
قريبا بروح واشتري ان شاء الله

[ذيب المراقي]

اخذ 400 امبير صيني باسلاكها ونظارة واسياخ لحام بحدود 530
للحام وكذلك للقص علشان تتحمل ماتطفي لان كل ماقل الامبير ماتتحمل المكينة وتطفي

اكثر محلات الحدادة مكاينهم صيني وهو اكثر مافي السوق
وسلامتك

[abufahed2014]

السلام عليكم
اخوي اختيار مكينة اللحام يعتمد على طبيعة الاعمال وسماكة الحديد بالمليمتر فكلما زادة السماكة كان من الضروري شراء مكينة اقوي فيه العادية والبلازما
فانصحك قبل الشراء تتاكد من سماكة الحديد اللذي سوف تتعامل معاه وكميه الاعمال التي ستقوم بها

[محمدعبدالمجيد]

انا عندي ماكينة لحام ايطالية من شركة تولوين اتوقع بموت وبيورثونها عيالي وما قالت اح

جربت الصينية بعد تمام ولا تفرق عن الايطالية وسعرها مناسب مرررره

خذ لك صينية وتوكل على الله

لي زميل شغلته لحام يسوي بايكات واقفاص واحواش بالمزارع ماكينته صينية كبر اللي عندي
وجالدها جلد وما عليها كلام


اذا تروح الحراج تلقى لك ايطالية من شركة ( تولوين ) مستعملة يكون تمام

[ابو البر]

مشكور على المعلومة

كيف طريقة تركيب المروحة
وكيف تشتغل
هل تشتغل مع اول ما اشغل المكينه والا كيف

المكينه اصغر مقاس بالسوق ولاكن بعد تركيب المروحه صارت عمليه اكثر بفعل التبريد واقوم بعمل كل اللحمات وعمل تلحيمات في كل انواع الحديد الى اقصى شي 3 مللي .
وايضا جميع انواع التيوبات والمواصير ولا فيها اي شي ينقص عن مكاين اللحام الكبيره / لآن مكائن اللحام الكبيره تستخدم لما فوق سماكة 3 مللي .
بالنسبه لطريقة تركيب المروحه .
يوجد مراوح شفط الحمامات والمطابخ اشتر اصغر مقاس وقم بقص صندوق مكينة اللحام من ا حدالجهات على مقاس المروحه وقم بتثبيت المروحه با اي طريقه سواء بمسامير او بسلكن المهم يكون دفع الهواء للداخل وبالنسبه لشبك كهرب المروحه فهو مع سلك كهرب المكينه بحيث اذا شغلت المكينه تشتغل المروحه معها .
واقدر افيدك وارسل لك صور عن طريق الواتس
راسلني على الخاص برقم الجوال .
والله الموفق .

[ابو البر]

تحية طيبه وصباح الخير ،
الرجال يقولك كان عندي ماكينة صغيره اتوقع مقاسها ١٢٠ او ١٤٠
لانها راح تتعبك ولاتكمل شغلك كل شوي تطفي
طبعاً نقوله بارك الله فيه وبيض الله وجهه

اقل ماكينة تاخذها لاتنقص عن ١٧٥ يعني منها وفوق وجميع الماكينات فيها مراوح داخليه فقط الماكينات الصغيره لايوجد بها
يارب وضحة الصورة
لك تحياتي

فعلا كلامك صحيح / اول ما شريتها تعبتني وكل شوي تطفى / لاكن بعد تركيب مروحه تبريد / نسيت شي اسمه ان المكينه طفت / انا اتكلم عن تجربه مفيده جدا وهاذا هو اسباب تبادل المعلومات بالمنتدى .
على مسؤليتي ومستعد ان ادفع تكاليف التجربه لو صار غير ما قلت .
وكله عشان اوفر على مستخدمين مكاين اللحام لسماكه 3 مللي واقل وايضا لجميع اعمال الحداده من بسيطه الى متوسطه اما اعمال هناقر معارض السيارات والورش فلم اجرب .
والله الموفق .
سؤال : ليش كل مكائن اللحام لها مراوح تبريد ما عدا المقاس الصغير .
انا اضفت مروحه للمكينه الصغيره حقتي وصارت عمليه بشكل ما يخطر على بال احد .

[راجع ندم]

اخي ابو البر .... بعد التحية
نفتخر بردك الكريم والمشاركة معنا ، فحسب فهمي تقبل ردي

اعتقد بأن الماكينات الصغيرة صنعت من أجل الاعمال الصغيره جداً لشي بسيط يراد تلحيمه . ومن الواضح بأن كل آلة تصنع لها عزم وقدرة محددة. كما هو الحال في توصيلات الكهرباء والاجهزة الاخرى
طبعاً نحن لانعترف بهذا الشي بأن هذه المكائن الصغيرة لايزيد العمل عليها اكثر من ساعات قليله . ولهذا السبب لم يتم تزويدها بمروحة تبريد. فنقوم نحن بأعادة تهيئتها بأضافات اخرى لكي تعمل بما نريده من جهد
لك تحيتي وتقديري

[ابو البر]

اخي ابو البر .... بعد التحية
نفتخر بردك الكريم والمشاركة معنا ، فحسب فهمي تقبل ردي

اعتقد بأن الماكينات الصغيرة صنعت من أجل الاعمال الصغيره جداً لشي بسيط يراد تلحيمه . ومن الواضح بأن كل آلة تصنع لها عزم وقدرة محددة. كما هو الحال في توصيلات الكهرباء والاجهزة الاخرى
طبعاً نحن لانعترف بهذا الشي بأن هذه المكائن الصغيرة لايزيد العمل عليها اكثر من ساعات قليله . ولهذا السبب لم يتم تزويدها بمروحة تبريد. فنقوم نحن بأعادة تهيئتها بأضافات اخرى لكي تعمل بما نريده من جهد
لك تحيتي وتقديري

شكرا لك اخي الكريم واسمح لي بالرد عن تجربه شخصيه .
اشتريت مكينه صغيره وقمت با استخدامها على تلحيم تيوبات لعمل عريش عنب .وكل ربع ساعه او اكثر بقليل تتوقف عن التلحيم الى ان تبرد من نفسها بدون اي تدخل مني .
ولأن عندي عمال في نفس المهنه اشار علي احدهم بتركيب مروحة تبريد سبق ان شاف الطريقه .
فقمت بفك صندوق مكينة اللحام وعملت فتحه على مقاس مروحة شفط صغيره (اصغر مقاس )
وبعد ذلك لم اواجه اي مشكله اطلاقا من توقف المكينه واقوم با استخدامها في كل شي وبصوره متواصله ولها معي فوق العشرين سنه ولم اواجه اي مشكله .
ولاكنها تتوقف في حاله واحده فقط عندما اقوم بقطع الحديد و المواصير بصوره مستمره تتجاوز النصف ساعه لأنه عمل مجهد .
انا قمت بالتجربه بنفسي وليس كلام احد لي او نقلت الرد .
تجربتي الشخصيه في ورشتي وهي ناجحه بنسبه 100%
تقبل ودي وتقديري .

[مفترس مجهول]

اشكر لكم تفاعلكم

بصراحة الصيني ما ارتحت لها وعندي عقده من اي صناعه صيني

فما رايكم في مكينه ايطالي 200 امبير