المشاركة الأصلية كتبت بواسطة محمد العوني
ابو فهد للمعلوميه طريق الشيخ زايد طريق يقسم دبي مع المنتصف وين ماسكنت بتكون قريب منه
اقرب منطقه وافضل منطقه لسكن العوائل هي البرشاء قريب من مول الامارات وقريب من محطه القطار والخدمات كلها متوفره اضف اليها انها منطقه محترمه عائليأ
حبيت انبه عليك دام معاك عائله لاتسكن في منطقه الرقه او الجيبي ار كلها دشير الا من رحم الله
منطقه عندهم تقريبآ يقصد فيها حي مثلآ حي البرشا او حي الرقه
ارشح لك تسكن في شقق فندقيه عندك في البرشا شقق ابيدوز وشقق روز قاردن شقق مجربها وراقيه ومحترمه والخدمات قريبه منها مايحتاج ليموزين
الشقق للعوائل ترى افضل حيث مايكون فيها بار وملهى ليلي ويزعجونك عند الدخول او الخروج
برنامجك هناك انا ارشح لك سوق دبي مول ومشاهده النافوره الراقصه وعالم البحار وسينما اذا انت ارعي سينما وسوق الامارات مول لايفوووووتك سكاي دبي تجربه ممتعه جدآ خاصه اذا مامعاك اطفال والسوق الصييني لايفوتك عندهم اشياء حلوه ورخيصه مررره رغم انه بعيد شوي بس صدقني يستاهل العنوه القريه العالميه لاتفووتك مرره مررره مرره
اللبس هناك انصحك بالتي شورتات وابعد قد ماتقدر عن الثوب بيضايقك مررره لاتصير كاشخ مثل ربعنا في سكاي دبي داق اللطمه هههههههه
طبعآ اذا بتدخل سكاي دبي راسلني بعطيك تفاصيل اكثر
اذا عندك سؤال او استفسار حياك الله