مظلة سيارة أفيدونا

[abo zead]

السلام عليكم ورحمة الله وبركاته ✋،،

حياكم الله جميعاً

يا أخوان أنا ودي بمظلة تكون في السيارة ويمديني أفكها من السيارة
يعني بعمدانها ، او عامودين ومن الجهة الثانية السيارة
واجدين الي مركبين وكل وحدة ما شاء الله أحسن من الثانية
والزبدة س/ الي مركبها يفيدنا وين مركبها وكم تكلفتها وودي اعلقها بالسيارة فوق
علماً بأن السيارة فورتشنر


شكراً مقدماً

💐💐

[أبو سهيل]

وعليكم السلام
ستجد مبتغاك في مظلة الطرقية
وهي متوفرة عند محلات الرحلات
شاهدتها لدى السنيدي وبرق الحيا وغيرهم

[اصيل نجد]

وعليكم السلام ورحمه الله وبركاته زي ماتفضل اخي ابو سهيل مضله الطرفيه تفي بالغرض كذلك بالامكان ان تفصلها بسوق الخيام بالغرابي بس المتعب فيها انك تروح للحداد ويفصلها مكرات ويثبتها فوق الغماره بس يبيلك حداد ممتاز لايخرب عليك السياره وتاكد من طريقه التركيب قبل ماينفذ الشغل .

[abo zead]

ما قصرتوا اخي أبو سهيل و أصيل نجد
يعني موجودة في المحلات ولكن مقاساتها مختلفة
يعني ما اتوقع أني ألقى نفس عرض الموتر
ولا ؟

[الرهيف1]

وش رايكم في مظلات ورشة المميز
احد جربها؟

[sfr]

مضلة ورشة المميز ممتازة لم أجربها
لكن شفتها مرة على بليزر شكلها ممتاز
طبعاَ مسوي لها قاعدة مثبتها على التنده مخرمه بمسامير ثم ثبت المظلة على القاعدة شكلها ممتاز وثابته جداً مسوي للمظلة جراب شكلة ممتاز
ذكر لي الرجال أنه فصلها عند ورشة المميز في صناعية طريق الخرج مخرج 18 لكن الوقت كان ضيق لم استطيع اخذ وصف الورشة بالتفصيل . يذكر أنه فصلها 900 ريال .

ياليت الي يعرف مكان الورشة وصفها لنا بالتفصيل

كذلك شاهدة شكل لهذه المظلة عند محل الرماية في التخصصي وسعرها 1200 ريال

[الرهيف1]

اف رفعو سعرها
اذكرها عندهم بحول 800
وتراها جاهزة مهي تفصيل
فقط عملية تثبيتها في التندة
ومحلهم معروف باحاول اشوف طريقة ارفع فيها خريطة موقعهم

[ksaboss]

يوجد عدة انواع

هذي تحصلها عند الرماية ميزتها راكبها في السيارة لا تشيل ولا تحط لكن عيبها انها صغيرة


او مظلة الطرقية مثل اللي في موضوع الاخ سرهيد. ميزتها انك تثبتها وين ما بغيت


او مثل هذي تفصيل "مخاوي الذيب"

[almajd]

تصلح لك هذي ؟


وتقدر تزبطها مع الداخل

[abo zead]

الجميع ما قصرتوا جزاكم الله خير


الود ودي اركب سلة (شبك) فوق
وبعدها المظلة علشان يسهل تركيبها
وش رايكم في احسن السلة ؟

الموتر/فورتشنر

[shades]

وش رايكم في مظلات ورشة المميز
احد جربها؟

عن تجربه ممتازة

[أبو شيري]

يارجال مضله فصلها انت على ذوقك وبالمقاسات اللي ترغب

أو طربال هندي جاهز 3 في 4 او 4 في 6 مع اربع عمدان

تكون حر بالحركه وبالبناء في أي مكان ترغب ولا تتقيد بقرب السياره

الاعمدة التي تتحكم بالارتفاع بـ 20 ريال أربعه بـ 80 ريال
والطربال على 60 ريال واذا مقاس كبير 80 ريال

واذا تفصل تنزاني السنيدي مع الحلقات والطرايق على شكل صليب ما تكلف 200 ريال بالغرابي

[الرهيف1]

للرفع وزيادة مقترحاتكم

[نفح البرادي]

عندك مظلة رفيق الدرب

عمودين تدوس قواعده بالسيارة عشان يثبتون وتشد عليهم المظلة

عيبها في وزنها 17 كيلو

ونوع قماش المظلة بوليستر خفيف يزعج مع الهوى بس تقدر تفصل عالقياس تنزاني حتى ظله أحسن

موفق

[كاريرا]

لاتشري حقت السنيدي انبته

شريت وحده وجدعها على طول

ازعجتنا بس تخرفش مانقدر نسولف يوم جانا الهوا غير كذا مثبتات القماش الخفيف تنشق من قوى سحب الحبل ومن قو الهوا

اهم شي خذ قماش ((((((ثقيل))))))) ضد الما
وفتحات المواصير اقصد العمدان الاربع اللي بالقماش خلها داءررية جلد تفصيل دبل عشان ماتتشقق

بالتوفيق للجميع