مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
تجربه جديده لعدد الكيلوات اللي يمشيها بطل الدروب بعد اضاءه اللمبه الحمراء لتانكي البنزين
ولعت علي اللمبه ومشيت حوالي 110 كيلو اضافيه داخل الرياض وعبيت بنزين من المحطه قبل تطفى السياره وعبيته فل بتاكد كم باقي فيه وكان باقي فيه حوالي 3 ريال تقريبا
أشكرك اخوي التعديل على الموضوع الجميل
وأشكر الاخوان على التفاعل
الحمدلله امتلك باترول ١١ ٤٠٠
لكن راعيه يقول مغير زيت القير وماشي ١٣٥
وين أغير زيت القير وكم يأخذ لتر
وهل هو نفس زيت الفتك
وليت المعلومات بالتفصيل الممل وشكرا لكم
العفو ماسوينا الا واجبنا في هالمنتدى
الله يطعمك خيره ويكفيك شره ،، وطبعا على كلام ابو ابراهيم الثنيان صاحب ورشه الثنيان في صناعيه الدائري خلف المسجد المقابل لمكتب التقديرات ان زيت القير يغير اول مره عند 100 الف وبعدين كل 80 الف بحوالي 450 ريال عنده ولكن بالوكاله ماادري كم بالضبط
السلام عليكم ورحمة الله وبركاته
اسعد الله جميع اوقاتكم اخواني الكرام
انا باختصار نويت اخذ باترول بلاتونيوم (320) 2014 طبعا الفئة مثل مانتم عارفين اعلى فئات ال se
السعر قبل كم شهر عند العيسائي 258 الف ريال
السياره اليوم سعرها بمعارض الرياض 235 الف
الفرق بينه وبين ماكينه 400 رادار ونظام حقن للوقود وسبع غيارات
وبعض الفروق الي يتعبرها الكثير فروقات للفخامه فقط
كنت افكر اخذ(400) مكينه جباره ولكن بعد قراءة عدد من المواضيع عن مشاكل في القير بسبب قوة المكينه هونت
===============================================
الان دخلت على موضوعكم ولاحضت بعض الاخوان يشتكي من صوت صرصره وطقطقه بالسياره وهي جديده
اذا بدفع 235 الف ريال بسياره وقبل ماتمشي 7000 كيلو تطلع فيها مشاكل فهذي بحد ذاتها امور محبطه وتخلي الواحد
يراجع حساباته
تكفون ابي مشورتكم
================================================
انا ملاحظ بيع كثير للباترول بموقع حراج وبالمعارض وبمواقع بيع السيارات على النت مع ان الاستخدام بسيط والممشى قليل
واغلبها موديلات جديده 2014
هل السياره فيها عيب ؟
اولا الله يكتب لك اللي فيه الخير سواء باترول ولا غيره
الشي الثاني انا من الناس اللي استخدمت الباترول القديم والجديد والموتر طيب بالحيل واكلمك عن تجربه لي وتجربه لغيري ناس اعرفهم
الموتر مالاحظت عليه عيوب ولكن الغالب اللي اشتروه ماقدرو يتكيفون مع حجمه ويحسون بصعوبه مع ان الموتر مرن بشكل لا يتصوره احد
وبالامكان اخليك تجرب موتري وتشوف بنفسك
معي سياره الان ماشيه 60 الف قير تماتيك وامورها طيبه وكان عندي قير عادي بعته ماشي 40 الف ولا شفت منه الا كل خير
احد الزملاء اشترى واحد موديل 2011 400 حصان تحت الفل كان ماشي 41 الف واستخدمه حتى 94 الف وباعه والسبب يقول اولا كبر حجم السياره وخوفي من الوكاله بعد ماسكر الحمراني مراكز الصيانه خفت مايجي وكيل بداله وبعدين ابلش بالسياره
عموما انا جربت السياره الحقيقه رائعه جدا جدا
واكثر شي يعجبني فيها الانطلاقه من الصفر لكن ماجربتها في البر
والله يكتب لك الى فيه الخير
الله يجزاك خير
ويبارك لك في مالك وموترك ويعطيك خيره ويكفيك شره
الف شكر اخوي الكريم ولا خلا ولا عدم ومقابلتك والتعرف عليك وجه لوجه يزيدني شرف
انا ركبت اللكزس وركبت الباترول طبعا مع ناس من اخوياي شرواك
بصراحه من ناحية الوسع والراحه بالممشى ماتقارن
والافضليه للباترول بالرساوه وعزل الصوت بالنسبه للكزس من وجهة نظري يتفوق على الباترول بالشكل فقط خصوصا السبورت 2014 لكن السعر مبالغ فيه بالحيل
الله يرزقنا وياك من واسع فضله
تحياتي لك
الله يعطيك العافيه اخوي الكريم ماقصرت وجزاك الله خير
بالفعل كبر حجم السياره يمكن يكون عائق لبعض الناس انا لاحضت كثير من السيارات المعروضه
بالمعارض لابد يكون فيها حكة سواء بالصدام الامامي او الخلفي مع العلم ان البلاتونيوم مزود
بكاميرات واخرها امس لاقي بلاتونيوم 2014 بالمعارض فيه حكة بالصدام الامامي والخلفي ويوم سئلت
صاحب السياره يقول انا ماني قادر اسوق السياره كبيره واحس بربكة بالزحمات
الوكيل هو اكبر مشكله عندنا خصوصا بالسعوديه وانشاءالله العيسي يتغلب على هالمشكله
بالنسبه للسياره فالبر قويه جدا خصوصا بالرمال ولا يتغلب عليها اي موتر اخر من واقع تجارب ناس اعرفهم
تحياتي لك
نبي ياالربع تلبيسة القير للباترول الجديد وتانكي وطبق وتلبيسة الشنطه من يضبطها والا نلقاها جاهزه
اذا ماحصلتها عند السنيدي رح فصلها على ذوقك في الغرابي او الريان او الخليج اذا تبي معلومات راسلني خاص
السلام عليكم و رحمة الله و بركاتة
معي باترول 12 مكينة400 فل كامل هيدروليك
وودي اركب ياي استرالي هل فيه مشكلة؟
لاني ركبت تانكي ماء
الذين يشاهدون الموضوع الآن: 1 (0 من الأعضاء و 1 زائر)