ودي بشور النشاما..ودي بسجة تالي هالسبوع وين تنصحوني اتجه

[norhsa]

السلام عليكم ورجمة الله وبركاته

في خاطري انا وخويا لي شرواكم يا النشاما ...تمشية هاليومين
وين تنصحوني اتجه وانا رجال ما احب اقيم في محل واحد

بداية الرحلة من الرياض ...شمال... والا شرق ...

[ريان البدراني]

وعليكم السلام ورحمة الله وبركاته
والله ياخوي مالي خبره بالديار اللي
حول الرياض لكن يفيدونك الاخوان
مايقصرون

[الواصل111]

من الرياض لرماح للرفيعة ثم مع عروق النفود ممطور ويازين المشي فيه الين ام رقيبه ثم ترجع للزلفي الغاط المجمعة الرياض وانتم سالمين ان شاء الله[

[KQAH]

الله يهنيكم و يرجعكم سالمين

[سحابة غائمة]

كلام اخي الواصل ممتاز وممكن تمرون التنهات والشعبان اللي حولها وموفقن ان شاء الله في الطلعة

[النغيمشي]

الواصل كفى ووفى عطاك العلم المضبووووووووط .

[فتى رامه]

من الرياض لرماح للرفيعه ثم مع عروق النفود ممطور ويازين المشي فيه الين ام رقيبه ثم ترجع للزلفي الغاط المجمعة الرياض وانتم سالمين ان شاء الله

[ابوريناد1979]

من الرياض لرماح للرفيعة ثم مع عروق النفود ممطور ويازين المشي فيه الين ام رقيبه ثم ترجع للزلفي الغاط المجمعة الرياض وانتم سالمين ان شاء الله[

رايي انه مشوار بعيد وبيروح عليك الويك اند خطوط
دور اماكن السيل واجلس حولها وبالليل امرح بالنفود

[ضحكة الدنيا]

انا متابع للموضوع لاني مثل اخوي ريان ودي بجوله لاماكن الشعبان والغدران ورحلتي يوم واحد .. من الفجر الى الليل .. هل تكون جهة التنهاة ثم اقطع لام رجوم وتجول بتمير ثم طريق القصيم ونازل للرياض .. ام الى جهة الحريملاء والمستوي ثم ننزل للزلفي في السبله ؟ مشورتكم يالربع

[norhsa]

بيض الله وجيهكم على كل حال
والله يسر امرنا وامركم

[DSR284]

اشور عليك بواحد من اثنين
اما تكشت للدهناء جهة طريق الدمام
تروح لروضة المسعودي وام القطاء وتمرح في النفود حولها
والثاني الدهناء شرق خريم وتتمشي في شعبانها مثل خويش العطشان وخويش الريان وشعيب غيلانه
ودمت بخير

[ابو البر]

مع هالمطر فكل الأماكن تقريبا ممتازه للي يبحث عن الهدؤ مع الغدران

عليك بشعيب البسيتين الأقصى من يم هضاب الطوقي ( شرق روضة الخفس الشماليه )
والمبيت خله بروضة التنهات عشان صباحك يكون على منظر يفتح النفس.
واللي ما راح يطلع في هالأيام الجميله فمتى يطلع .