خبز ابو يمن اربع بريال

[حصان القايله]

صباح الخير شباب
أحد يعرف مخبز ابو يمن القديم اللي يبيع اربع بريال ؟ ياليت في شمال الرياض
وله جزيل الشكر

[ابوريناد1979]

قليل تحصله . فتح واحد عندنا بالحي ولاكمل 6 شهور الا مقفل مع ان عليه سوق قوي .
يبدو لي انه مغير مجدي ماديا ومتعب عشان كذا صار قليل .

[abomohannad]

انقطعوا ، أنا أشوف الوالد قبل كم يوم يقول وينهم ودنا نشري منهم
طبعاً يسأل عنهم ببريدة ، وأنا والله ما أخبر الا حقين التميس

صار ذاك الفرن حق الطيبين

[ابولولو]

فيه حولك بالدرعية

وكان عندنا باالعماريه ابو يمن قبل كم شهر وطول بس للأسف تعب لوحده وسكر ياخساره كنّا مستمتعين فيه

وفيه قدام بوابه الحرس اللي إمداد مخرج ١٦ هذا قديم مره واذكر قبل كم سنه الحين ماأدري عند إشارة سمنان

[ساقان]

في حي الصحافة اسواق ومخابز العقيق مقابل مصرف الراجحي
وفي حي الصحافة طريق الملك عبدالعزيز سوبر ماركت بعد محل على كيفك

[هاوي الديرة 1]

موجود على طريق انس بن مالك وانت متجه شرق يجيك كبري جامعه نورة
ديور من تحت الكبرى يجيك محطه بنزين على يمينك المطعم بعد المحطة بـ 150 م
ويبيع الحبتين بـ بريال

[MrD7om]

في الدرعية بعد ماتدخل ثاني دوار تروح معه يمين
يجيك على اليمين لوحته زرقاء كبيره ومكتوب مخبز بالابيض

[الصيادالمليح]

راحوا الطيبين

[ولد وايل]

موجود بالرياض

ثلاث محلات بحارتنا


شارع حمزه بن عبدالمطلب

باتجاه الشمال بعد ما تتعدى طريق المدينه بيجيك خبازين عاليمين

وفيه بعد اسواق ريماس

[ابولولو]

موجود على طريق انس بن مالك وانت متجه شرق يجيك كبري جامعه نورة
ديور من تحت الكبرى يجيك محطه بنزين على يمينك المطعم بعد المحطة بـ 150 م
ويبيع الحبتين بـ بريال

الله يجزأك الجنه حول بيتي ولا دريت عنه

بارك الله فيك

[حصان القايله]

صباح الخير شباب
أحد يعرف مخبز ابو يمن القديم اللي يبيع اربع بريال ؟ ياليت في شمال الرياض
وله جزيل الشكر

[اشتاء الشمال]

الله الله على الخبز اليمني القديم ياسلام

[جني نت]

اسمه علي ما اذكر الخبز العادي

فيه خبز لبناني اسمه الخبز المشروح يشبه له

[تميم2222]

الله من اليباسه 😂