15 نوفمبر 2015 - 16:514 نوفمبر 2015 - 21:27 منتديات مكشات


لمتابعة "الأحوال الجوية والرحلات" عبر جوال مكشات أرسل الرقم 1 إلى 809207 (اتصالات) - 601259 ( موبايلي )

::::::: تابعونا على تويتر مكشات :::::::


مرحبا بكم في منتديات مكشات

::::::: تطبيق مكشات للأجهزة الذكية :::::::


تفعيل العضوية

إرسال كود التفعيل

مركز تحميل الصور

باحث قوقل لمكشات

الرصد الجوي

رادارات المناطق

إستعادة كلمة المرور

تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية
النتائج 1 إلى 13 من 13

الموضوع: الصيانه الدوريه لمحرك السوزوكي رباعي الاشواط (4ستروك )

  1. #1
    تاريخ التسجيل
    Nov 2008
    المشاركات
    333

    الصيانه الدوريه لمحرك السوزوكي رباعي الاشواط (4ستروك )

    في الفتره الاخيره كثرو ملاك مكينه السوزوكي والكثير منهم ما يعرف بصيانتها شئ ويروح لفنين الصيانه وهوم بدورهم ان المكينه جديده ومعقد وشغالين ذبح اسلامي بالعالم

    للعلم ترا مكينه السوزوكي سهله جداً وخاليه من اي تعقيد واي أحد يسويلها صيانه

    موضوعنا اليوم كيف تسوي صيانه لمحرك السوزوكي ال 4 ستروك بنفسك

    أول شيء كل 100 ساعه
    زيت المكينه فقط
    الزيت لازم يكون10W40 وأفضل الي بالسوق هو كاسترول ماجنتيك والسبب انه هو الوحيد الفولي سنتتك او وهو معناه ان الزيت مصنع بالكامل
    الجدول موجود فيه كل مكينه وكم علبه زيت تاخذ ورقم الفلتر

    الي بالاحمر عدد العلب والازق باللتر ,القائمه الاولى oil capacity w/out filter يعني من غير تغيير الفلتر والثاني الي مع الفلتر
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نجي للتغيير
    نفك الصره الي تحت لتفضيه الزيت مع فك الغطاء الاصفر الي تعبي منه وتركه لمده 5 دقائق لحد ما يبطل ينزل الزيت
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    تركب الصوفه ونعبي الزيت وتذكر تفتح مقياس الزيت وأنت تعبي , بعدها تشغل المكينه لمده دقيقه وتتأكد من معيار الزيت


    ثاني صيانه كل 200 ساعه
    زيت المكينه , فلتر الزيت وموضح رقم كل واحد في جدول الزيوت فوق
    زيت القير
    التشييك على الملاحات الداخليه والخارجيه وتنظيفها او تغييرها اذا تحتاج
    التشييك على البواجي وتغيرها اذا تحتاج
    التشييك على بلف الحراره وتنظيفه وتغييره اذا يحتاج
    تغيير طرمبه ماء التبريد وتشحيم عامود القير
    تغيير فلتر البنزين


    زيت المكينه والفلتر
    الزيت خلصنا منه قبل في رقم واحد الفرق هنا انك بتفك فلتر الزيت وتغيره بس تغير الصوفه ويفضل تغيير الصره كامل مع الصوفه في 200

    نفك فلتر الزيت ونركب الجديد مع مسح وجه الفلتر بالقليل من الزيت

    تبيه لما تشد الفلتر تشده بعزم اليد مهو بوزن جسمك لأنه ممكن يفرط الفلتر ويهرب من هذي الجهه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    وتأكد انه ثابت عشان ما يهرب عليك ويفضل ان تخلي كم عليه زيت معك وتشيك عليه بعد ما تحمى المكينه وتمشي ما يقارب 10 دقايق وان حصلت تهريب وقف وطفي المكينه
    شد عليه وتأكد من مقياس الزيت وعبيه ان يحتاج

    زيت القير
    لازم تنتبه منه ولا تستخدم زيت الياماها مثل بعض الشباب الي شفتهم قبل والسبب ان زيت ياماها هو GL4وسوزوكي لازم تستخدم GL5 SEA90
    ان ما تبي تستخدم زيت سوزوكي او انه غير متوفر بالمنطقه الي انت فيها في زيت من شركه بالبيد يجي تنك اخضر وانا استخدمه لي 4 سنوات وهو الوحيد الي بالسوق السعودي GL5
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    تفكه من الصرتين الي تحت القير اول شيئ بعدين في وحده فوق بالساق مكتوب عليها oil level الي بالصوره وتغير الصوف ونعبي من تحت الزيت الين ما تشوفه طلع من الصره العلويه ونقفل الصره العلويه وبعدين نقفل السفليه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    لا تعبي زيت القير الى لما تخلص من تغيير طرمبه الماء وتشحيم العامود وتركب القير مكانه
    تقدر تستخدم علب العصار او تشتري مضخه زيت القير وقيمتها بحدود 80 ريال وتركب على اي علبه زيت

    الملاحات
    وكل مكينه وموديل يختلف عن الثاني في العدد ولاكن نفس طريقه الفك والتنظيف

    الملاحات الخارجيه هذي شكلها
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    تفكها وتنضفها بنقعها بدلو فيه خل تفاح وماء دافي مائل للحراره (انا شخصياً افكهم اول شي وانقعم لين ما اخلص باقي الصيانه وارجع لهم في الاخير)
    ان شفتهم متآكلين غيرهم بجديد وان زينين خليهم
    الطويله تحت الهايدروليك وفي على القير على الاقل 2 من المربعات
    الفور ستروك يختلف عن 2 ستروك بالملاحات وهو ان الزعنفه الي عند البروانه (الرفاس ) هي للتوجيه وليست ملاحه مثل 2 ستروك

    ثاني شي في بعض المقاسات من المكاين في ملاحات تحت غطاء الساق فيفضل انك تفكه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الملاحات الداخليه وتفكم ونفس ما سويت بالملحات الخارجيه وممكن تحتاج تحكهم بورق صنفره ناعم نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ان شفتهم متآكلين غيرهم بجديد وان زينين خليهم
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    لزم ننتبه ونشيك على المكينه والقير لأنه في بعض الملاحات مهي واضحه من اول نظره
    بس راح تعرفوها لأنها كلها نفس الشكل
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    هذي ملاحة القير الداخليه متخبيه ورا جهت الهايدروليك
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    البواجي
    تفك الكويلات وتفك البواجي ويفضل تغيرهم على 200 ,
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    سوزوكي تستخدم NGK وبالجدول ارقامهم لكل مكينه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  2. #2
    تاريخ التسجيل
    Nov 2008
    المشاركات
    333

    رد: الصيانه الدوريه لمحرك السوزوكي رباعي الاشواط (4ستروك )

    بلف الحراره
    تفكه وتنظفه كل 200 ساعه وتنقعه بالماء والخل تفاح وعلى ال400 ساعه غيره
    اول شيء تفك غطاء البلاستك العلوي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    الحين نجي لفك القير
    لازم تكونو شخصين على الاقل , تفك البروانه او الرفاس بفك القفل اول وبعدين تفك الصاموله والواشرات (حاول رتبها بحيث ما تضيع ترتيبها لما تركب وخصوصاً اوله مره )
    في بدايه الصيانه فضينا زيت القير
    نجي نفك القير بفك المسامير . في بعض المكاين 5وبعضها 7 مسامير الي تثبت القير من تحت نفكها ونزل القير
    نفصل هوز مقياس السرعه ان موجود ويصير عندنا القير بالشكل هذا
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    على الصوره بتشوفو بعض التسميات

    نفك اول شي الهاوسنج حق الطرمبه عن طريق فك الاربع مسامير
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ونفك العلبه الستيل الي فيها الطرمبه ( في السوزوكي لازم تغير العلبه الستيل وتركب الجديده الي مع الطرمبه ولا راح يصير ضغط الماي ضعيف وترتفع حراره المكينه )
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    بعض المرات تحتاج شوي قوه ولاكن بلطافه وان مره معلقه جيب مسدس تسخين الهواء وسخن الهاوسنج شوي وفكها
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    حط شوي شحم في الهاوسنج وركب العلبه الجديده
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نشحم العلبه الجديده من الداخل ونسقط الطرمبه الجديده (ننتبه ان الشفرات تكون مايله من لليسار لليمين )

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نفك بليته وقازقيت الطرمبه القديمه ونركب الجديده ونغطي البلوط بالشحم زين ونجمع الهاوسنج والطرمبه على القير ونشدها
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نشيك على مجري الشافت حق القير والبيرنقات الداخليه ونتأكد ما في تآكل او كسور ونغسله بماء حلو
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

    نشحم الشافت ونجمع القير من جديد
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    ونركب القير

    نشيك على بيرنقات شافت البروانه ونتأكد مافي شقوق او كسور

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    نغسل المكينه والساق والقير زين بليفه وصابون ونغسلها باء حلو
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    شخصياً انا ارش ماده اسماها lithium grease spray وهو عباره عن بخاخ شحم ابيض
    ميزته يسوي طبقه عازله عن الماء المالح والقطع القير والمكينه الخارجيه والي تتعرض للبحر ويحمي المكينه
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي


    كل مكينه تحتاج من علبتين ل 3 علب ومتواجد عند ساكو بقسم السيارات ومنه انواع كثيره
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي



    نغير فلتر البنزين

    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي









    وكذا خلصنا صيانه المكينه الدوريه

  3. #3
    تاريخ التسجيل
    Feb 2011
    المشاركات
    77

    رد: الصيانه الدوريه لمحرك السوزوكي رباعي الاشواط (4ستروك )

    جزاك الله خير

  4. #4
    تاريخ التسجيل
    Jun 2011
    الدولة
    جدة - بريدة
    المشاركات
    403

    رد: الصيانه الدوريه لمحرك السوزوكي رباعي الاشواط (4ستروك )

    ماشاء الله عليك موضوع ممتاز جدا وبيض الله وجهك ورفع قدرك ويستاهل خمسه نجوم وعندي اضافه صغيره اذا تسمح لي


    بالنسبه لزيت الجربكس يوجد زيت افضل من زيت بالبيد وهو زيت بتروين وهذي صورته




    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  5. #5
    تاريخ التسجيل
    Nov 2008
    المشاركات
    333

    رد: الصيانه الدوريه لمحرك السوزوكي رباعي الاشواط (4ستروك )

    زيت بترومين لو تشوف تحت مكتوب GL4

    ولو تدور بموقع سزوكي محذرين من استخدام GL4 في قيور 4 ستروك

  6. #6
    تاريخ التسجيل
    Oct 2006
    المشاركات
    64

    رد: الصيانه الدوريه لمحرك السوزوكي رباعي الاشواط (4ستروك )

    مشاء الله تبارك الله

    موضوع تشكر عليه

  7. #7
    تاريخ التسجيل
    Dec 2013
    المشاركات
    380

    رد: الصيانه الدوريه لمحرك السوزوكي رباعي الاشواط (4ستروك )

    ماشاء الله تبارك الرحمن الله يجزيك خير ويزيدك من فضله
    معلومات خبير ماقصرت نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعينقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

  8. #8
    تاريخ التسجيل
    Jun 2011
    الدولة
    جدة - بريدة
    المشاركات
    403

    رد: الصيانه الدوريه لمحرك السوزوكي رباعي الاشواط (4ستروك )

    صحيح كلامك المستخدم مع الياماها GL-4 و المستخدم مع السوزوكي Gl-5

  9. #9
    تاريخ التسجيل
    Feb 2004
    المشاركات
    242

    رد: الصيانه الدوريه لمحرك السوزوكي رباعي الاشواط (4ستروك )

    شكر الله لك
    موضوع متميز جدا ،،،

  10. #10
    تاريخ التسجيل
    May 2011
    المشاركات
    1,922

    رد: الصيانه الدوريه لمحرك السوزوكي رباعي الاشواط (4ستروك )

    موضوع جدا جميل .... واثابك الله على هذه المعلومات

    عندي تعقيب وهو توضيح مابين GL4 و GL5

    80W-90 GL-4 with LSD
    80W-90 GL-5 with LSD

    الزيت بنفس اللزوجه الحاره والبارده .. والاختلاف فقط في كميات التركيز في المواد
    المضافه لهذا او لذاك الزيت . وبين قوسين ( الكبريت _ الفسفور ) وهي موضوع الجدل
    والتخوف من زيادتها في الزيت يمنع بعض المصنعين من الاستخدام لمحركاتهم
    في حال وجود نحاس في تركيبت المعادن للاجزاء الداخليه للجيربكس لان بعد دراسات عديده
    وجد ان لها تأثير على جلب النحاس من تفتت للاطراف الخارجيه وروس اسنان التروس
    خصوصا بعد تلف اللزوجه للزيت واحتراق تركيبته وميلانه الى اللون الاسود تبقى المادتين
    قوية في تاثيرها على المعدن . لذلك وبعد تجربه مع الزيوت . لامانع من استخدام النوعين
    في حالة وجود صيانه دوريه لها .. اي لاتجعل الزيت يحترق ونستبدل باستمرار كل 150 ساعه
    لان الزيت في حالته الجيده في النوعين يبقى امن على الاجزاء ... هذا للمعلوميه

  11. #11
    تاريخ التسجيل
    Nov 2008
    المشاركات
    333

    رد: الصيانه الدوريه لمحرك السوزوكي رباعي الاشواط (4ستروك )

    اقتباس المشاركة الأصلية كتبت بواسطة م/عبدالله مشاهدة المشاركة
    موضوع جدا جميل .... واثابك الله على هذه المعلومات

    عندي تعقيب وهو توضيح مابين GL4 و GL5

    80W-90 GL-4 with LSD
    80W-90 GL-5 with LSD

    الزيت بنفس اللزوجه الحاره والبارده .. والاختلاف فقط في كميات التركيز في المواد
    المضافه لهذا او لذاك الزيت . وبين قوسين ( الكبريت _ الفسفور ) وهي موضوع الجدل
    والتخوف من زيادتها في الزيت يمنع بعض المصنعين من الاستخدام لمحركاتهم
    في حال وجود نحاس في تركيبت المعادن للاجزاء الداخليه للجيربكس لان بعد دراسات عديده
    وجد ان لها تأثير على جلب النحاس من تفتت للاطراف الخارجيه وروس اسنان التروس
    خصوصا بعد تلف اللزوجه للزيت واحتراق تركيبته وميلانه الى اللون الاسود تبقى المادتين
    قوية في تاثيرها على المعدن . لذلك وبعد تجربه مع الزيوت . لامانع من استخدام النوعين
    في حالة وجود صيانه دوريه لها .. اي لاتجعل الزيت يحترق ونستبدل باستمرار كل 150 ساعه
    لان الزيت في حالته الجيده في النوعين يبقى امن على الاجزاء ... هذا للمعلوميه


    تسلم مهندسنا وأستذنا على الرد الجميل

  12. #12
    تاريخ التسجيل
    Sep 2009
    الدولة
    الشرقيه حاليا
    المشاركات
    859

    رد: الصيانه الدوريه لمحرك السوزوكي رباعي الاشواط (4ستروك )

    يعطيك الف عافية مجهود تشكر عليه

  13. #13
    تاريخ التسجيل
    Jul 2014
    المشاركات
    8

    رد: الصيانه الدوريه لمحرك السوزوكي رباعي الاشواط (4ستروك )

    السلام عليكم مهندسا الفاضل انا توني شاري طراد عليه مكاين سوزوكي 90 موديل 2010 بس ماشيه 200 ساعه وش تحتاج لها الحين من صيانه

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •