اقتراحي الجديد : تصليح القهوة العربية بالسكر والحليب بالصور

[bader14_]

هو الحليب اذا كان فاتر تحط معه ملعقة بن هذه مجربة وطيبة

وانصر الربع يجربونها وأعرف كثير يسويها بس بالسكر ما قد جربتها

هي الفكره معقولة بس الأسلوب اللي انطرحت فيه تستاهل الطقطقة
هههههههههههههه

الله يوفقك واستمر بقتراحاتك حنا كذا نحب نحطم بعضنا لو انك اجنبي وتطرح الفكرة على ربعك يحولونها ماركة عالمية
وتشوفهم منتشرين حول العالم
أكثر المشاريع الناجحه و الماركات العالمية كانت بدايتها مضحك ونهايتها ثروة لا تقدر بثمن

[بو حجل]

السؤال المهم انت فى الاصل قدمت لهم القهوة العربية على اصولها

وبعدها قدمت لهم قهوتك الجديدة

ولا خميت الرجاجيل بقهوتك وقلت عقبها عبو الأستبيان

[تجافينا]

انت متاكد انك سعودي..........

[كم كيلو باقي]

جعلها بالعافية عليكم
أهم شيء انها أعجبتكم
الناس أذواق انا اشرب الشاهي مر ولا استطعمه حالي

[faresalsaedi]

السلام عليكم ورحمة الله و بركاته

ايش هذا الي يصير يا اخوان ماهو بخلق مسلم و لا بسلم الرجال

الردود الي يقول انت منت سعودي و لا يستهزي به هو اخطئ في دينك او سبك طبخه ي اخوان انت تحبها كذا هو يحبها بالطريقة الثانية عشان ترد عليه بهذا الرد

و اذا هو ماهو سعودي يعني ما نقبله حياه الله و هذا صرح للكل

بالنسبة لمقترحه انا سابقا كنت استعمل السكر في اغلب الاشياء لكن الان اعوذ بالله ما اتسصيغه الا التمر و يالله يالله

حليب مع قهوة مع بن مع جنزبيل مع سكر و اخذت عليه فترة و فيه عندنا في شي اسمه الشاهي العدني حليب مع شاهي مع خلطتهم

و كثير وصفات تختلف و هنا اقولها للي ما عجبه شي علق بكل ما تحب لكن في حدود الادب اذا اضركم في شي لكم الحق في الرد و ان اخطى فهناك مشرفين يردون عليه بالي يتطلب


و ابداع بالي تحب منت محدود في فكر احد لعل تخرج بشي جدا متميز

[درجلان الشمال]

بس يا اخ مخ مكشات القهوه (كيف) ورثناه من الاباء والاجداد صعبه التغيير مثل الطبخات فيه شي مايقبل التغيير زي الرز تضيف له سكر بدل الملح او الشاهي ملح بدل السكر
بااختصار النفس ماتتقبل اشياء معينه وهذا رأيي واحترم مشاركتك وعساه بالعافيه

[تجافينا]

اعتذرعلى كلامي اللي قبل
واعتذر للاعضاء على كلامي ان اخطيت
لكن اول مره اشوف قهوه بسكر

[طلال مكشاتي]

اترك القهوه لاهلها
وشررب ضيوفك كابتشينو افضلك تحط سكر عادي

[ابوطلال1111]

السلام عليكم ورحمة الله وبركاته

سبحان الله اغلب المجتمع ماقول كلهم عندهم تكبر وعلو ومادري على وش انا يوم شفت اليحان لاعت كبدي بس مو معناته نقل الادب ونسئله سعودي ولا لاوندعي الكمال تراها قهوه ماهيب قران منزل مايتغير ترا الشعب بعضهم مايعرف يصف طابور ولا حتى يربط الحزام ومانفعنا الابالهياط

[عادل بن جابر]

بس يا اخ مخ مكشات القهوه (كيف) ورثناه من الاباء والاجداد صعبه التغيير مثل الطبخات فيه شي مايقبل التغيير زي الرز تضيف له سكر بدل الملح او الشاهي ملح بدل السكر
بااختصار النفس ماتتقبل اشياء معينه وهذا رأيي واحترم مشاركتك وعساه بالعافيه

السلام عليكم ورحمة الله

انا جربت القهوه العربيه بالسكر الله يجيرك طعمها لا يصاغ بسبب الشغاله

لكن رز مع سكر طعمه خيال لكن لازم مع سمك الوجبه ذي منتشره على

مستوى الخليج السعوديه الشرقيه تحديدآ الكويت البحرين عمان قطر

ونسميه محمر او برنيوش أكيد غريبه عليك لكن انا اتكلم عن شعوب

وليس أنا فقط

تحياتي لك

[أبوخالد 2011]

ما شعرت إنها مناسبة .. الحمدلله

[فارس شمال]

انا لا اعترض فكرة تجربة شي جديد لاكن ان تبي تسويها سوها على اصولها الله يجزاك الخير مو خشب مقاولين هذا له ريحة سيئه جدا .. بعدين موجود بعض الناس يخفف مراره القهوة وحرارتها بالحليب لاكن سكر ... ماينفع لانها ماهي قهوة سودا ... انا بالنسبه لي حتى القهوه السودا اشربها كذا بلاك لذتها بمرارتها

[فارس شمال]

سو اختراعك وسمها قهوه مخمخينو .. على اسمك بمكشات هههه

[ابو رنا -1]

ق

هوة بسكر يا الله لك الحمد
الله يغفر لك

[أبو عيد]

لاحول ولاقوة إلا بالله