مواقع حداق في الجبيل

[CSD]

السلام عليكم

اخوكم من البحرين و ناوي انا و الربع انروح الجبيل السبت الجاي بقصد الحداق و بغيت مواقع لو سمحتوا.

بغينا شعوم و سبيطيه. اذا ممكن تصفون لي الموقع بالارشادات بيكون افضل.

شئ اخير, ممكن تدلوني سوق السمك في الجبيل, و هل احصل عندهم ربيان و ميد و جواف؟

شكرا جزيلا و جزاكم الله خير.

[دابوي]

وعليكم السلام حياك الله اخوي في بلدك الثاني انا من اهل الجبيل وصعب اوصفلك لأنك يمكن ما تدل اذا تبي احطلك احداثيات لوانك بتجي على جهاز هذا رقم جوالي اذا تبي تفاصيل اكثر وإنشاء الله ما راح اقصر معاك بشي 0551145692 ابو عبدالله

[diver-1]

والله ماشاء الله البحرين قدام الجسر فيه او على الجسر في النهاية عند فتيش المملكه على اليمين مكان 100% حلو

[عجيبان]

وعليكم السلام
اسمع يا طويل العمر انا بقلك الاماكن الي اعرفها
بس ماراح اوصفك لنك بتضيع وبتجيب العيد
شوف عندك
كورنيش الفناتير
المردومه
جزيرة ابوعلي بس اضاهر انها مقفله الحين من زمان مارحت لها
هاذي الاماكن الي اعرفها بختصار
عاد انت لاوصلت الجبيل اسئل عن الاماكن
الي قلت لك عليها وبيدلونك انشاء الله
وعسى اني ماقصرت معك
تقبل مروري

[جراح العيسى]

السلام عليكم

اخوي تبي مواقع سيف ولا داخل البحر ؟

[CSD]

ما شاء الله, شكرا على الردود.

ابوعبدالله: و النعم باهل الجبيل. مشكور يا الغالي. انا ان شاء الله باجي على جهاز جي بي اس, يعني باستفيد لو تعطيني احداثيات. بس ترى حداق سيف يا طويل العمر. و ممكن تتأكد لي من اللي قاله الاخ عجيبان انه رأس ابوعلي ممنوع؟ يعني مستحيل الدخول لو بتصريح؟ و من وين ممكن احصل تصريح و ما هي المستندات المطلوبة؟

diver-1: تسلم يا الشيخ, لكن والله مليت من البحرين, مافي صيد. و الناس تمدح بالجبيل, قلنا نجرب. منها حداق و منها زيارة منطقة جديدة.

عجيبان: كفيت ووفيت يا الشيخ. ان شاء الله الجماعة ما بيقصرون لا وصلت الجبيل. بس عندي ملاحظة: تراك كتبت "انشاء الله" و هذا ما يجوز يا الغالي, و انا ادري ان من غير قصد, بس حبيت انبهك.

وحيد: عليكم السلام: ما شاء الله عليك, رديت علي في المنتدى الثاني بعد, جزاك الله خير. حداق سيف

[فراس ابومحمد]

[دابوي]

ابشر والله بكرة الاحداثيات بتحصلها انشاء الله واسماء مناطقها جزيرة ابو علي ياخذون لها تصريح من قيادة حرس الحدود بالجبيل حاولت اتصل فيهم لاكن ما ردو عساس اعطيك الي يطلبونه واذا هم يعطون لغير السعوديين وعلى فكرة انا عندي طراد اجار وادل محلات شعوم قريبه واسمح لنا على القصور

[accentkool]

الهيئة الملكية عندك كورنيش الفناتير خل مطعم كودو وراك

[CSD]

جزاكم الله خير.

بوعبدالله, تسلم ياخوي. ممكن تعطيني رقم حرس الحدود عشان احاول اكلمهم؟

وبانتظار احداثياتك.

[دابوي]

نظراً لعدم تواجدي في المنتدى بعد هذه الرسالة لا تتردد بلأتصال بي +96633610134 تحويلة 129 رقم حرس الحدود

[دابوي]

ابشر بلإحداثيات
حوض الدفي : N27 07 349 E049 31 218
مردومة خلف مخيمات الشركات : N27 08 602 E049 30 019
جلمودة محلة طيبه : N27 10 525 E049 32 672
شاطئ الفناتير : N27 07 777 E049 34 170
شاطئ النخيل: N27 06 909 E049 34 321
مع تمنياتي للجميع بالتوفيق في منتدانا الغالي على قلوبنا

[CSD]

ياخوي يا بوعبدالله, والله انك ما قصرت, تعبتك وياي يا الشيخ.

معلوماتك و مساعدتك جدا قيمة, و بتساعدني كثير, خاصة الاحداثيات.

جزاك الله الف خير.

[همس الغدير]

الله ييسر لك من يوصف لك

[نمط]

عليكم السلام ورحمة الله وبركاته

أخوي الآن الأسياف أغلبها تعبانة والصيد شحيح
عندك كرنيش راس تنورة فيها سبيطي الآن وفيها شعم , بس تواقيت
أما الجبيل فقل الصيد فيها الآن مو مثل أول
بس في راس أبو علي فيها محادق طيبة , وتصريحها صعب مو مثل أول
حنا صرحنا بس مدة التصريح 10 أيام فقط , وطلعنا قبل ثلاث ليالي
وكان صيدنا كله عريضي كبير ضرب معنا على القراحة , وفي المد مابين معنا شيء

نصيحة روح جزيرة ابو علي اذا قدرت , ولو بتجي خميس أو جمعة بنحاول لك في الدخول

واذا ماحصلت تصريح ابعد عن الجبيل حدود 100 كيلو وبتلقى أسياف طيبة ان شاء الله
عندك راس الزور وعندك السفانية وعندك عمودة قريبة للخفجي
وانصحك من بينهم عمودة
وتصاريحهم سهلة , تروح للمركز بهويتك والجواز يمشي , وتصرح عندهم كم يوم تبي تجلس

وتقدر تراسلني عالخاص لو بغيت شي ثاني حتى ادز لك رقم جوالي
ونخاويك للمكان اللي تبيه ونجهز جيمتك ولو ما عندك سنارات ابشر بعزك
كل العدة موجودة يالاخو