بسم الله الرحمن الرحيم
الوداع......
الوداع ان حل ياشين الوداع
....................... لي معه حزات ما فيها دعه
والوداع ان حل وقته لاع لاع
.........................من يعيشه غير منهو يسمعه
لي معه وقت(ن) غدا كله صراع
............................ والليالي فيه ما فيها سعه
الحزن خيّم ونصّب له شراع
....................... والسعاده والهنا راحت معه
من يقول العيش باق(ن) به وساع
............................ قله انك ما دخلت المعمعه
ما عرف فرقاً تلت عقب اجتماع
........................... ولافقد من راح قبل يودعه
يازمان(ن) ما تهيا بك متاع
....................... قالو ان الوقت ما طاعك طعه
ليتني عايش مثل عيشت يراع
............................ سالين ما همه الا المنفعه
اوكما طفل(ن) عقب سن الرضاع
.......................... كل همه من يبي يلعب معه
او كما البهلول في دنيا الضياع
.......................... ما على باله سوى ما يشبعه
آل- بوهلال التميمي(ابوراكان)
15 نوفمبر 2015 - 16:514 نوفمبر 2015 - 21:27
 |
رد مع اقتباس
المشاركة الأصلية كتبت بواسطة صافى السريره
