اتمنى من الجميع ابدا رئيهم خصوصا الطواريح

[عياش]

السلام عليكم ورحمة الله وبركاته وبعد
اعزائي اعضاء وزوار منتدى مكشات انا اعرض وابيع الشبك على المنتدى وبرا المنتدى وسبق عرضت شغلي بموضوعي السابق اللي هو (( الشرك الطيب (الشبك) ولكن صادفني مشكله من عدد من الاخوان الطواريح اتعامل معاهم من مبدى الثقه وارسله الشبك قبل قيمتها توصلني وللاسف منهم اللي يجحدني ولا يرسلي شي ومنهم اللي يرسلي جز بسيط من القيمه ويجحد الباقي اتمنى من الجميع ابداء الري

[عياش]

اشكر الجميع على التفاعل

[القصير111]

عليكم السلام ورحمة الله وبركاته

أخي الكريم أنت تعاملت مع الناس بمبدأ تربيت عليه أنت وهذا جميل

ولكن تعاملت مع بعض اﻷشخاص الذين تربوا على الغش والكذب (والخيانة)

وهذا إن دل فإنما يدل على طيب معدنك وطيب أصلك وتربيتك

ولكن من رأيي المتواضع وكثيرا ما أشتري سلع بهذه الطريقة ولكن يكون تحويل المبلغ قبل إرسال السلعة

أتمنى لك التوفيق
بارك الله فيك ولك

[عياش]

مشكور طال عمرك وشهاده اعتز بها

[ابرق الحرار]

وعليكم السلام ورحمة الله وبركاته

اخوي عياش من المفترض انك ماترسل شي مباع حتى يتم استلام الملبغ ولله الحمد يوجد تحويل سريع عن طريق الهاتف المصرفي وعن طريق الصرافات ولايوجد عذر للمشتري ولكن اذا كان هناك تفاهم او معزة بينك وبين المشتري هذا شي راجع للثقه بينكم ولكن بشكل عام لابد ان تستلم المبلغ قبل تسليم السلعه

[أبو العنود1]

السلام عليكم ورحمة الله وبركاته ...

اشكرك على طيب معدنك وطيب اصلك ولكن باذن الله حقك محفوظ عند رب العالمين ومن اكل حق بالباطل سيأتي يوم يدفع اضعافه على نفسه او اولاده
ولكن وانا اخوك انت تتعب وتجتهد وتعمل كي توفر المال ومن اراد الشراء يدفع مقدما اما بعد التعامل مع الاشخاص بفتره ستعلم من هم اللذي يثق فيهم ومن لا فمن خلال ممارستك لعملك بهذه الطريقه تصبح لديك درايه بالرجال
ووالله المرجله صعبه قويه ماكل واحد يقاله رجال

[أبو محمد 201]

ماقصرو الاخوان فوق
ومن رايي انك ماترسل شبك واحد الا وحساب عندك
لان الصابع كفك ماهي سوا
والناس ماهي سوا
فيه الوفي وفي الردي الي الريال الي هو تعب الناس مايدفعه

[محمد1151]

السلام عليكم ورحمة اله وبركاته :
اخوي عياش الله يعوضك خير ويهدي الجميع لم يحب ويرضى
والبيع عن طريق النت يحتاج لطرف ثالث وسيط بين البايع والمشتري
(نفس فكرة الاعتمادات المستنديه عن طريق البنوك) وهنا ياليت الاخوان في إدارة المنتدى يوسعون صدورهم ويتقبلون مني هالمقترح البسيط
يكون البيع عن طريق الموقع بحيث يودع المشتري الثمن بحساب مخصص للمنتدى
والبايع يرسل المطلوب للمشتري وان جازت له البضاعه وكانت بنفس المواصفات المطلوبه يرسل للاداره بقبوله البيعه والادارة تحول كامل الثمن للبايع مع خصم عموله على البايع وهنا اعتقد الكل مستفيد وان صارت ماهي على الوصف المطلوب يرجعها للبايع وياخذ دراهمه بس وصولها للبايعبنفس الحاله الاصليه وبدون نقص
الفكره ماهي جديده عليكم
وانتم اساتذتي واكثر مني خبره بس حبيت اذكركم فيها

[المضلي]

السلام عليكم ورحمة اله وبركاته :
اخوي عياش الله يعوضك خير ويهدي الجميع لم يحب ويرضى
والبيع عن طريق النت يحتاج لطرف ثالث وسيط بين البايع والمشتري
(نفس فكرة الاعتمادات المستنديه عن طريق البنوك) وهنا ياليت الاخوان في إدارة المنتدى يوسعون صدورهم ويتقبلون مني هالمقترح البسيط
يكون البيع عن طريق الموقع بحيث يودع المشتري الثمن بحساب مخصص للمنتدى
والبايع يرسل المطلوب للمشتري وان جازت له البضاعه وكانت بنفس المواصفات المطلوبه يرسل للاداره بقبوله البيعه والادارة تحول كامل الثمن للبايع مع خصم عموله على البايع وهنا اعتقد الكل مستفيد وان صارت ماهي على الوصف المطلوب يرجعها للبايع وياخذ دراهمه بس وصولها للبايعبنفس الحاله الاصليه وبدون نقص
الفكره ماهي جديده عليكم
وانتم اساتذتي واكثر مني خبره بس حبيت اذكركم فيها

ياليت يعمل بهذا الاقتراح

[القنــ أبو تركي ـــاص]

*



وعليكم السلام ورحمة الله وبركاتة
والله شوف هي الدنيا تجارب والانسان كل يوم يتعلم
واحب اضيف على الاخوان اللي فوق حط نكاتهم المستعاره هنا حتى الكل ينتبه منهم

وبالاخير ترى اللي اخذوه انا اعتبرها قيمتهم فلاتزعل نفسك
والحمدلله انك عرفت قيمتهم

[ابوفوز]

الله يعينك ،، مشكلة ان المقناص مبني على الثقة ولاحترام والتقدير بين الرجال ،، لكن للأسف يستغل بعض ضعاف النفوس الخجل من طلب المادة ،،

لكن تعود على طلب المبلغ قبل كل شيء .

[لامبالي]

هذا لان معدنك طيب
وبعض الناس خسيس ولافيه خير ياكل تعب المسلم
.
انصحك لا تحول شي الا بعد ماتوصلك الدراهم وبعدين ارسل له الغرض
وتقدر تقيم عليه شكوى في شرطة وهم يوجهونك بالاجراءات ويجيبونه على خشمه

[المطيري99]

الاخ/عياش

السلام عليكم ورحمة الله وبركاته/نشكر الاخوان على تفاعلهم على هذا الموضوع ومن باب الامانه لديهم انهم جميعا منكرين هذا التصرف والذي لايمت للاسلام بصله
وكيف الانسان يقنص ويطلب من الله الرزق وهويفعل مثل هذه الفعلة الشنيعه وهي اكل اموال الناس باالباطل ولكن اقول لك وكل امرك الى الله وسوف ترى مايحل بهم والايام ستثبت ذلك.
(ويمكرون ويمكر الله والله خير الماكرين) (ولاتحسبن ربك غافلا عن ما يعمل الظلمون)
وارى ان يكون الدفع مقدما وبدون وسيط والله خير الشاهدين واذا كنت السلعه مخالفه للاتفاق فترجع لصاحبها كما استلمت
{رأي شخصي} والله يرزق الجميع ودمتم غانمين.

[باليسار]

الله يرزقك على قد نيتك رجال تربيت على اصول الله يعوضك بالخير والبركة

[بو سعود 38]

ومن رايي انك ماترسل الشبك الا الفلوس عندك