أرسل لي رقمك عندي لك علم .
والعيب في الشحادة والتذلل للناس بإسم الشعر والمدح الكاذب لإستعطاف الأمراء والملوك وغيرهم بإسم الشعر وغيره . ذا عند الناس ماهو عيب !!! سبحان الله العظيم . بغض النظر عن نظرة المجتمع المنكوسة والمخالفة لشرع الله وللعرف الحقيقي للحق . صارت التجارة عيب وصار فيها كلام . طيب اللي يتاجر بالغنم ماهو مثل الجزار . واللي يتاجر بأدوات السباكة والمراحيض أكرمكم الله هذا ماهو عيب . واللي فاتح محل أحذية أو بنشر أو مطعم ماهو مثل المجزرة . واللي أشد منه اللي يتاجر بالحبوب والمخدرات ويسوون لها غسيل أموال بإسم مزاين البل ومزاين الغنم ويتفاخرون بها وهي حرام وإخلال بالشرف والمروءة والرجولة والنخوة هذا ماهو عيب وقبل هذا ماهو حرام . ولا هذا عادي بإسم المفاخر وعلوم القبايل المنتكسه وغيره ، واللي يتاجر ويتكسب بلسانه ودجله وكذبه وتملقه للملوك والأمراء وأهل المال ورجال الأعمال وغيرهم بشعره ويستجديهم ويستعطفهم ويشحدهم بإسم الشعر وفي النهاية هو ذليل وشحاد ومحتال هذا ماهو عيب عند الرجال أهل العرف والعقول الحكيمة والراي السديد ، ولا عشانه بإسم الشعر صار مفخره وعزة !!! واللي يبيع بناته للأمراء والملوك بإسم الزواج وهي في النهاية تجارة وتقرب وتملق لأهل الشان لأجل المال ولو كان الموهوب فاسق وفاجر وصاحب مال حرام وتجارات مشبوهه وعلم ناكس وىدى وخزي وعار ، هذا ماهو عيب وعند القبايل المنكوس فكرها وعرفها كل هذا مافيه شي . واللي يشتغل حارس عند الأمرا والملوك بإسم الخوي هذي مافيها شي . أو قهوجي عندهم بإسم إنه في مجلس ملوك أو أمراء وفي محل ملك وأماره هذي مافيها شي ، واللي يتدنفس في مجالس الملوك واللأمراء والأعيان ويدور وينتظر الصدقات بإسم المنايح والعطايا والهبات وغيرها ولو تحمل من أنواع الإهانات والذل ويتذلل لذلك ويسترحم ويستعطف ويستجدي ويقف علي بيبان الملوك ساعات وأيام هذي مافيها شي في سلوم العرب !!! سبحان الله بل هذه منتهى الذلة والصغار وتخالف فطرة النفس الأبية والعزيزة والشهامة والمروءة والرجولة !!! سبحان ربي العظيم . والقائمة تطول وفي النفس الكثير ولكن في هذا كفاية .