بسم الله الرحمن الرحيم
يابن عويف وشبلا الوقت ما زان
............................. عيّا يزين ولا تبدّل حواله
يابن عويف لي على القول برهان
......................... ماني من اللي يدّعون الشكاله
ناظر يمين ومن يسارك لك تبان
.......................... كل العلوم اللي بها لك جهاله
الوصل ضاع وحطّمو منه الاركان
........................ واللي بقى يرعاه قصرت حباله
والصدق ماله مع هل العرف ميزان
.......................... واللي تمسك به وصف بالهباله
والا الامانه يوم حمّل بها انسان
.......................... ثقلت عليه وما خذ الصدق ناله
والمرجله وصف(ن) نسيناه نسيان
.......................... ما عاد له ذكر(ن) ولا يعتزى له
هاذي ترى بعض الوصايف وما كان
............................ خافي عظيم ومنك نبغى الكماله
لكن ترى دنياك بالخير تزدان
............................. باقي بها ناس(ن) تعرف الجماله
آل- بوهلال التميمي (ابوراكان)
مع خالص التحية والتقدير لأخي الشاعر/بندر بن عويف