رد على يابن عويف وشبلا الوقت ما زان+عيّا يزين ولا تبدّل حواله لصافي السريره

[بن عويف]

بسم الله الرحمن الرحيم

تحيه طيبه للجميع

وهذا ردنا على اخونا صافي السريره

نقول فيها

ببدا بذكر اللي خلق إنســ ن وجـــان
ما خـــــاب من سبـح وتــاب ولجـــاله

الــواحد الفــــرد الصمد رب الاكــوان
اللي اصطفى عبـــده باكمل رســـاله

ثم الصـــلاة عـــــداد مــا هـــل ودان
وعــــداد ما حـــَول بدعبـ ن و ســـاله

وعــــداد ما ذعــذاع يلعب بالأغصان
على شـــفيع الخلق عـــرب الســــلاله

لا هـــان مـــن صلى وسلم ولا هـــان
من اقتفــى شـــرعه ووصــى عيــــاله

ويا مرحبا باللي شكى مــر الازمــان
الشــــــاعر اللي خصنـي في مقــاله

الســابح الغطــــاس دكتــور الاوزان
يلعب بقيفـــــانه عـلى مـــا طـــــــراله

يجيبهـــا حكمــه وشــرهه ووجــــدان
ويغوص في غب العســر مــا يهــــاله

يا صـــاحبي والوقت لو زان مــا زان
يا قل منهــــو شــين وقتـــه صفـــا له

ولولا التسامح والتغاضي والاحسـان
كان التـــرابط مــــا تــــوثق حبـــــاله

ولولا المـــواقف والشـــدايد والاحـزان
ما شفت مـــا بين الخـــلايق جمـــاله

بعض الخلايق لارتكى ضلع جمــران
كســــاب للطـــــالات لا جـــا مجـــاله

ما يتبــع القـــاله ولا يحمـــل اضغان
شــــيخ المراجــل والوفــــا والجـــزاله

راســـه من علــوم الطحاطيح مليــان
واليــــا نهمتـــه فـ اللــــزوم ارتكـــاله

وترا القطاعــه حاصله بين الاخـــوان
والا الموفــــق مــــاشيـ ن بـ العـــداله

ولا يجــازا المحسن بـ غير الاحسـان
واللــي تجمـــــل جمـــل الله حـــــاله

تمت وســـلم لي على الشيــخ راكان
جعـــله يبــرك فـ بن عمــــه وخــــاله

:Twitter
بندر محمد بن عويف
y7b511@

[صافى السريره]

الله الله يابندر هذا القصيد اللي فقدناه من مده وبارك الله في هالبويتات اللي هيضك حتى نستمتع بالنظم اللي على حله ( وفرد حمزه على الدوام جاهز )وزهابه من الاصلي ،

انت المحيط ان كان للبحر سباق

........تلحق عقيد القوم بالحيل لحاق

[أبوعبدالرحمن99]

ما شاء الله ،،، بارك الله لكما و فيكما على هذا التدفق العذب ،،، و هذه المساجلات الجزلة التي تثري الخيمة و ترقى بها على عروش الشعر في صفحات الانترنت ،،،
و الله انكم كاسبين فينا جميل ،،، لا حرمنا الله منكم ومن مثل هذه الإبداعات ،،،
دمتم بتوفيق الله و حفظه .

[ذيب الفقارة]

صح لسانك يا ابن عويف

لولا التسامح والتغاضي والاحسان .......كان الترابط ما توثق حباله

قصيدة جزلة بارك الله فيك

تحياتي

[بن عويف]

الله الله يابندر هذا القصيد اللي فقدناه من مده وبارك الله في هالبويتات اللي هيضك حتى نستمتع بالنظم اللي على حله ( وفرد حمزه على الدوام جاهز )وزهابه من الاصلي ،

انت المحيط ان كان للبحر سباق

........تلحق عقيد القوم بالحيل لحاق

هلا ومسهلا وانت مقباس الجزايل يبو راكان
لا عدمناك والله

وفي كل ما كتبته اقول ما عليك زود

[بن عويف]

ما شاء الله ،،، بارك الله لكما و فيكما على هذا التدفق العذب ،،، و هذه المساجلات الجزلة التي تثري الخيمة و ترقى بها على عروش الشعر في صفحات الانترنت ،،،
و الله انكم كاسبين فينا جميل ،،، لا حرمنا الله منكم ومن مثل هذه الإبداعات ،،،
دمتم بتوفيق الله و حفظه .

مشرفنا الغالي
وفيتامين الخيمه المغذي المنشط

لاهنت ثم لاهنت ثم لاهنت
ردودك تشفى الغليل
وتشرح الخاطر وتنشنش

اخبر لي مشرفن ما هوب حولك كنه مغصوبن على الرد الله لا يبلانا

فزعتك ي الامير
صغر لي صورة التوقيع بحيث تتوازن مع الصفحة كانك قدرت
وكذلك هل من الممكن ترد قصيدة المواقف لهذا الخيمه
حيث نقلت لخيمة الشيلات والأناشيد
وهي لاهيب شيله ولم تنشد

قصيدة ألقيتها فيديو

و
عفاك

[بن عويف]

صح لسانك يا ابن عويف

لولا التسامح والتغاضي والاحسان .......كان الترابط ما توثق حباله

قصيدة جزلة بارك الله فيك

تحياتي

صح بدنك
والله يحييك ويبارك فيك
ي كحيلااان

حضورك وردك يشبه حضور عميد للسرية وفي جعبته رخصة أسبوع لكل فرد

[عدم الانحياز]

الشاعر الأخ أبن عويف
السلام عليكم ورحمة الله وبركاته
احسنت وابدعت واجزلت - زين وكل ما سطرته زين - وانوه بالبيت اللي يقول

ولولا المـــواقف والشـــدايد والاحـزان
ما شفت مـــا بين الخـــلايق جمـــاله

الله لا يتكلنا على جهد مخلوق
وصدقت وانا اخوك استغنوا الناس فتقاطعوا
الا من رحم الله - راعي العداله اللي تقول فيه

وترا القطاعــه حاصله بين الاخـــوان
والا الموفــــق مــــاشيـ ن بـ العـــداله

ياسلام صح لسانك ملايين واعتلا شانك وسلم فكرك
دمت بخير

[ابوالدانه 99]

لولا التسامح والتغاضي والاحسان .......كان الترابط ما توثق حباله

[بن عويف]

الشاعر الأخ أبن عويف
السلام عليكم ورحمة الله وبركاته
احسنت وابدعت واجزلت - زين وكل ما سطرته زين - وانوه بالبيت اللي يقول

ولولا المـــواقف والشـــدايد والاحـزان
ما شفت مـــا بين الخـــلايق جمـــاله

الله لا يتكلنا على جهد مخلوق
وصدقت وانا اخوك استغنوا الناس فتقاطعوا
الا من رحم الله - راعي العداله اللي تقول فيه

وترا القطاعــه حاصله بين الاخـــوان
والا الموفــــق مــــاشيـ ن بـ العـــداله

ياسلام صح لسانك ملايين واعتلا شانك وسلم فكرك
دمت بخير

عدنا بعد ان بعدنا
لنقول لك السموحه على التأخر
وصح الله بدنك
مرورك يسعدني
كيف وهو مرور وتعليق وإشاده وإطراء
دمت بخير

[بن عويف]

لولا التسامح والتغاضي والاحسان .......كان الترابط ما توثق حباله

هذي بركات قريحة صافي السريره هو القلب النابض في ذا الدكه
ولا يهونون الباقين