ماهي طريقة تنظيف الدافور من الداخل

[لامبالي]

بعد ماشفت مواضيع عن انفجار الدوافير
وما سمعت من اصدقاء لي يعرفون اشخاص انفجر بهم دافور عندنا في تبوك
اللهم ارحم من مات منهم
تولدت لدي رغبة في تنظيف الدبة من الداخل وعمل صيانة شاملة لها ومن تنظيف وتغيير
.
ابغى طريقة التنظيف والصيانة من المجربين واصحاب الخبرة
وشكرا

[أبوتركي V8]

المشكله الدوافير الرديئة الصنع الصيني لا تقربها

خذ هندي او ايطالي لك وللعمر وشي الثاني بعظهم يلك الشي بزود وهذا خطأ يسبب التهريبات وسنن تبوز ونصيحه لاتعبيه مره مره

[لامبالي]

الدافور صناعة برايموس الهندي له عندي 5 سنوات وانا استخدمه
وليس من الصناعات الرديئة
ومشكور يالامير على النصيحة
انا ابغى اسوي له صيانة شاملة وان شاء الله يجي اللي يفيدني
انا افكر احط بداخله بنزين او تنر حار عشان يذوب اي شي داخله
وايضا ياكل الصداء لو فيه صدء

[لامبالي]

للرفع
.............................

[تزبطي]

تنظفه وﻻ ماتنظفه

ماله دخل التنظيف باﻻنفجار

اﻻنفجار سببه الدوافير التجاريه او المصديه

موفق

[م.سعيد]

الدافور صناعة برايموس الهندي له عندي 5 سنوات وانا استخدمه
وليس من الصناعات الرديئة
ومشكور يالامير على النصيحة
انا ابغى اسوي له صيانة شاملة وان شاء الله يجي اللي يفيدني
انا افكر احط بداخله بنزين او تنر حار عشان يذوب اي شي داخله
وايضا ياكل الصداء لو فيه صدء

يا ابن الحلال..تراك مشغل نفسك ومعطي الموضوع اكبر من حجمه..
صيانة شاملة؟
ترا كلها اسطوانة..ان كان فيها تهريب راح يبين معك مصدر التهريب وتصليحه بسيط.
وان كان فيها صدأ راح تشوفه بشكل واضح من شكلها الخارجي وعينك ميزانك...احذفها وخذ غيرها يوروكامبنق بسعر ما يتعدى 200 ريال وكان الله غفور رحيم

[ابورايف]

السلام عليكم

الدافور لا يتنظف من الداخل لكن أحرص أن لا يكون فية تنسيم أو صداء

والأمر الأهم البعض عند تعبئة الدافور يحرص على تعبئته فوق طاقتة وهذا قد يتسبب في الأنفجار والله اعلم

وتقبل مروري وردي

[لامبالي]

الله يعطيكم العااااااافيه
كفيتو وووفيتو
انا اشوف ان الاسطوانة راح تخدم سنتين اضافية
بعد مافكيت الراس تم تغير الربلات والابرة
شاكر لكم يااخواني

[adnanmgh]

اتفضل

http://www.mekshat.com/vb/showthread.php?t=299483

http://www.mekshat.com/vb/showthread.php?t=157816

[لامبالي]

الله يجزاك خير
اذا كان خوفي في محله
الله يعطيك العافيه