السلام عليكم

[سم الكراوين]

السلام عليكم
يا اخوان انا عندي استفسار عن البودرة قبل المقيض هل تنصحوني فيها وكيف اعطيها الطير
ثاني سؤال الطير في المقيض اطلعه وافرعله ولا اخليه في غرفة المقيض
افيدونا جزاكم الله خير

[مقناص الكويت]

وعليكم السلام ورحمة الله

اخي الفاضل انا لم افهم قصدك البودره هل تقصد بودرة الريش

اذا كان هذا ماتقصد ف انا انصحك البتعاد عنه يسبب ضعف بالريش وعند نقلك الطير من المقيض ممكن اي ضربه تنكسرت الريشه والسبب نمو الريشه ليسه بالطريقه الطبيعيه
بخصوص نقل الطير في المقيض ينقل الطير لسباب فقط اذا كنت تلاحظ علف الطير ليسه طبيعي كل معتاد تنقل الطير والذهاب لقرب عياده متخصصه. (((( اسباب عدم نقل الطير بالمقيض ))) الطير يكون في حال نمو الريش وعند قدومك له او نقل الطير ممكن يضرب الجدار او الوكر او الارض وتنكسر الريشه وهنا يصعب خروج الريشه مره اخر ....
واسف علي الاطاله واتمنا اكون افدتك بشي وبالتوفيق

[القصير111]

وعليكم السلام ورحمة الله وبركاته

الطير يبقى في غرفة المقيض مفرع ولا تحاول تجيه أبد غير وقت العلف ولو يكون في مكان تقدر ترمي منه العلف بدون مايشوفك الطير وتقدر تشوفه انت يكون أفضل

[a.a.]

اذا كنت تبي الطير يكون يبدل بدري فيه طريقتين انا جربتها

الاولى : العلف زد عليه وانقص ثم زد عليه يعني مثلاً اسبوع تعطية وجبتين واسبوع وجبه

ثاني شي: تنويع العلف وافضل يكون طازج عندك السمان والجربوع وفروخ الدجاج او فروخ الحمام

وفيه بودرة ماتضر ان شاء الله هي مجموع فيتامينات تنفع الطير ولا شفت لها ضرر على طيري

[أبو محمد 201]

مانصحك بفروج الدجاج والحمام
لانه امراضه كثيره واغلب الموجود حامل للمرض اذا ماهو مريض
بدل الدجاج بط
وبدل الحمام بالسمان
افضل للصحة طيرك مايصيبه شي ولا ينقل مرض

[البازيار]

وعليكم السلام ورحمة الله ٠٠بالنسبة لحمل الطير في المقيض لاينبغي حملة الا للضرورة للعلاج مثلا ٠٠ والأفضل عدم الدخول علية الا لاطعامة او تغيير الماء او لتنظيف مكانه وبالنسبة للبودره سواء لحذف الريش او مجموعة الفتمينات فالابتعاد عنها افضل لانها تلحق الضرر والاذي بالريش
ولحم السمان الحي والعصافير وقليل من البيض هو الافضل عندي بالتجربة لعدة سنين من القرنسة بشرط تكون خالية من الامراض والله الموفق ٠

[سم الكراوين]

جعلكم تسلمون يارجال وجعلني ماعدمكم