15 نوفمبر 2015 - 16:514 نوفمبر 2015 - 21:27
 |
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي
السلام عليكم ورحمه الله وبركاته
اخواني عندي وكرية 15*15 الطير على حسب كلام راعيه كان يجي الدعو ويرغب الحمام بس الطير مرض عندي وعالجته الحمدالله سليم الان مافيه شي بس لي جيت بدعيه الطير تحسه صنيع مايجي على الحمامه طوفته يوم وجربت مثل الشي مع العلم انه يروبج بس مادري شفيه مرات يجي للحمامه ومرات مايناظرك حتى يلتفت لمكان وخليك اعطيه نسر بسيط ومافاد اذا احد يقدر يفيدنا
مكشاتي
شنذره وبعد اربع ايام حله بسكر نبات
مكشاتي متواصل
و عليكم السلام و رحمة الله و بركاته
خلّل قطعة خيلة (الحلتيت) حجم عين الكروان في ماي (دبة ماي صغيرة) مع فص ثوم مقطع
اترك الخيلة و الثوم في الماي مدة يوم الى يومين مع رج الدبة بين وقت و وقت
اسحب في ابرة مقدار 2.5 مل من دبة الخيل و الثوم + 2.5 مل ماي صافي و عط الطير في فرسته شرط لا يوجد معشى في فرسة الطير و قبل معشاه حوالي ثلاث الى اربع ساعات
و فج البرقع عن الطير لانه بيتاوع و حط له ماي بيشرب
هذي الطريقة افضل عن الشناذرة في ها الوقت لانك في وقت مقيض الطيور و تظلم الطير لو شنذرته و مقيضه عقب اسبوع او اسبوعين
مكشاتي برونزي
عليكم السلام ورحمة الله وبركاته
أخي الكريم انت تطوف الطير يوم ثم إذا عرفته ثاني يوم تعطيه علف واجد وهذا خطأ
علف الطير يوميا لكن أقصر عشاه بدل ماتعطيه نص حمامة عطه رجل وشوف وش يبي يصير
مكشاتي متقدم
الشنذره يحل محلها السكر النباتي
ولازم ضروري جداً جداً جداً توفير الماء له اذا مايشرب من الفنجال قطع قطع لحم صغيره وحطها في الفنجال وبيشرب
وطريقة تنزيل وزن الطير قالها لك اخونا القصيرلان تطويف ماهو طيب
هذا اذا انك متأكد انه سليم
مكشاتي
الشنذرة حلوة بس فيها مخاطرة لكن جرب تقلل العلف لمدة وبعدها طوفه يوم وجرب وانشاء الله ينفع
مكشاتي متقدم
انا ضد التطويف نهائي لانه يسبب دود
اتبع التالي مرت علي زي الحاله الطير مكتفي وصنيع الله اعلم
عطه وانت في المجلس نسرتين وبرقعه
وخله لليوم الثاني عطه نسرتين وبرقعه
واليوم الثالث نسرتين وبرقعه
ورح يبين معك اذا شفقان للعلف ورح يتشفق مابه كلام
اطلع به اذا شفته يدور العلف
وخله ياكل نص ثندوه بس
واليوم اللي بعده ثندوه كامله
واستمر على ثندوه تراها كافيه له
مكشاتي متواصل
إذا كان مريض أرسل لي صورة منه علي بريدي لمعرفة أعراض المرض التي تبدو عليه وأرسل لك إسم الدواء بإذن الله
وفي بعض المرات يحتاج إلي رعاية فقط
البريد rlonglasting@gmail.com
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس