بسم الله الرحمن الرحيم

تعدّل واعتدل ثمن تساما
..................... وسلّم بالسلام اللي تماما

وانا اهلّي وارحب به واسلم
....................عليه وكل من يقرا الكلاما

الا ياساهر(ن) ليله يغني
................ سهر بالليل يقصد في الغراما

سرى مسر(ن) بغدراً مستظيمه
.................... على شان القصايد له مداما

يبي خله يغذي ما تهاوى
.................... وهيهات المطر يحيي الرماما

طلب صدر الغضي يشفي هيامه
........................ فهل في الصدر ما يشفي الهياما

وهل يبرى صويب الحب مما
.............................. تمكن منه لو حلو الكلاما

نياح الورق حوله تستهيضه
........................... ويبكيه النياح امن الحماما

ظلام الليل هيّم في زمانه
............................. فلا والله ما والله يلاما

وسهم الوقت في قلبه تمكن
...................... تمكن ناصب(ن) فيه الخياما

تحطم ضلعه الواقي لشوقه
................... لهيب الشوق قد طال العظاما

يتيم(ن) نازف(ن) جرحه ينادي
...................... على لاماه يصرخ مستهاما

عظامه قد غشاها البين حتى
....................... معد ينفع بها جبر السلاما

هموم(ن) خالطت راسه وصارت
........................... على فكره يلاويها تواما

الى صد الغضي عن صاحب(ن) له
.......................... ولا جا له سلام ولا كلاما

يشوف البين مثلي يوم شفته
...................... وتلعب فيه نيران الغراما

تمنى مغرم(ن) واسرف خياله
...................... يبي يدرك ولو بعض المراما

يبي شوفت حسين الدل مره
...................... وتكفي له وهي " مسك الختاما "

ألا يالعاشق المغرم ترفق
.................... ترى ياما الهوى يذبح وياما

وياما من عذابه قد شكينا
................. وعانينا من الفرقا عواما

آل- بوهلال التميمي ( ابوراكان)