استفسار بخصوص التوصيله الالمانية 50 متر ( البكره )

[بدران الدوسري]

هذا الكلام المحفور هو الاصلي الي ماعليه غبار على ماقالو

الستكرات ما ارتحت لها نهائيا وخاصه ان السلك 1 ونص مل فقط في النوع الي يقولون انه الماني

[صاحب الجيب]

وعليكم السلام ورحمة الله وبركاته
مثل ما أشار اخوي اصيل نجد عندك خيارين
الأول: الملز شارع الامير عبدالمحسن شارع الكهرباء والله يعينك على اللف والدوران
الثاني: الغرابي شارع الريل عندك الشركات المعروفة خشيم وكيل أجهزة الماكيتا وكذلك شركة روبي مقابله وشركة الفانوس شركات كبيرة لها سمعتها بالسوق وتضمن بإذن الله أن البضاعة نظيفة

[بدران الدوسري]

الله يعطيك العافيه على الاضافه المفيده


جزاكم الله خير جميعا

[:: AhMaD ::]

إن شاء الله تحصل طلبك ..
لكن نصيحة من خلال تجربة .. سواءاً كانت التوصيلة أصلي أو لا ..
إذا بتشبك عليها شيء ثقيل مثل مكينة لحام أو كشافات كبيرة أو حولها ..
نصيحة لازم تفل السلك كامل من البكرة ، علشان ما يسخن ويذوب العازل اللي عليه ، ويسبب مشكلة ..
حفظ الله الجميع من كل مكروه ..

[بدران الدوسري]

الله يعطيك العافيه

صحيح هذا كلام اغلب المحلات الي مريت عليهم وكلهم يقولون الضمان ماله علاقه بذوبان السلك

امين وياك وجميع المسليمن

لاهنت

[المستعين بالله]

السلام عليكم
قبل شوي بحراج بن قاسم شفت وحدة خمسين متر ان كاني منيب واهم حدها راعيها بمية وخمسين
عليها ستكرات صناعة المانية والنظافة جيدة جدا الى ممتازة
الوصف وانت جاي مع الدايري الجنوبي بالخدمة وخلفك شارع البطحا اول دخلة يمين من عند المسجد ادخل معها شفهم باسطين على اليسار

[بدران الدوسري]

انت قصدك مابين المسجد ومحل المنيع ؟

لاني رحت للحراج ثلاث مرات بدون فايده

[المستعين بالله]

حياك الله اخوي بدران
نعم صحيح اذا دخلت مع اللفة اللي بعد المسجد مباشرة يصير المنيع على يسارك تجيك دخلة يسار اتجه لها تلقاهم على يسارك باسطين
ولو تستمر قدام شوي مع اللفة هذي بيجيك تقاطع تعده يجيك تي شف على يمينك واحد ثاني باسط معه وحده المانية لكن نظافتها وسط

[المستعين بالله]

الكلام هذا اليوم على اذان العصر كنت هناك وانا والله هالحين بعيد والا ان كان اخدمك باللي اقدر عليه

[بدران الدوسري]

بيض الله وجهك وجزاك الله خير

شاكر لك

[المستعين بالله]

امين واياك اخوي بدران

[درباس فرناس]

هذي مجموعة من صور الكابلات من موقع أمازون الألماني

[بدران الدوسري]

لك رساله وانا اخوك

[المساعيد 1]

قيل يومين اشتريت نفس الصورة
ب 230
بالمدينة

[النادر2000]

عليكم السلام
ماقصروا الربع بالردود
التوصيلة اللي حطيت صورتها انا شريتها من شارع الريل بحدود 230 ريال تقريبا
تحصلها بأول شارع الريل من جهة الشرق المحلات اللي تفتح جنوب
عند ثالث او رابع محل من بداية المحلات اظنه هو وكيلها يفتح جنوب
مارية المحل صغير وفتحة وحدة بس