استفسار بخصوص التوصيله الالمانية 50 متر ( البكره )

[بدران الدوسري]

السلام عليكم
كيف الحال

تنوعت الاشكال وكثرت بالنسبه للتوصيله هذي

وحتى في السعر ايضا فروقات مهيب بالسهله ,

سؤالي الاصلي منها وين يباع ؟ يستحسن في شمال الرياض

وبكم سعرها تقريبا ؟


والي عنده مستعمله للبيع فلا بأس اشتريها منه كانها نظيفه




صوره للي مافهم مقصدي

[أبو بسام]

وعليكم السلام ورحمة الله وبركاته
بخير جعلك بخير يا أبن الأجواد
بما أنني بالمدينة فلا يمكنني وصف مكان لك ولكن أحببت أن أوضح لك أمور
أشتريتها من حفر الباطن قبل 15 سنة وربما أكثر ب 120 ريال والأن التقليد ب 120

شغلت عليها مكينة لحام حجم صغير ولم تتأثر
ما زلت أستخدمها إلى اليوم ولله الحمد وأعتبر أنها من أثمن المقتنيات لخدمتها المميزة
تأكد أخي الكريم أن الصناعة ألمانية بالفعل
هنالك بكرات بنفس الشكل سلكها رديء من حيث صغرحجمه وليونته الشديده فأنت تلاحظ
أنه لا يملأ البكره فقط إلى منتصفها وهذه أبتعد عنها
إن شاء الله تجد الجيد منها فهي تستحق إقتنائها
دمت بحفظ الرحمن

[هاوي]

اشتر سلك زين يتحمل واشتر بكرة وزبط لك اسلاكة

[بدران الدوسري]

أبو بسام جزاك الله خير على التوضيح

فعلا الله يبارك لك الي عندك لايعلى عليها والتفريط بها صعب

اخونا هاوي البكره لحالها ماتباع والا انك تولف سلك وتتحكم بجودته مامثلها لكن ماتباع الا كامله


بيض الله وجيهكم جميعا

[أبو بسام]

أخي بدران ويجزاك ربي كل خير إن شاء الله
الله يبارك بعمرك وكل من تحب إن شاء الله
ووجهك أبيض الله يحفظك
مشورة أخونا الفاضل هاوي طيبه
ولكن عند دراسة الموضوع إتضح لي أنها ستكلف الكثير ولن تجد السلك المرن والقوي بنفس الوقت كما يوجد بها لسهولة مده وطويه بالإضافة لغلاء تصليح بكرة بنفس المواصفات إما من خشب أو حديد
تحياتي للجميع

[بدران الدوسري]

فيه حركه جت في بالي لكن يتضح مثل ماذكرت انها بتكلف حول قيمه الجديده

وهي لفه سلك الدش تجي في بكره حديد توخذ هالبكره وتنفذ فيها الفكره ,

هذي صوره مشابهه



انسب كيبل من رايي هذا




لفته كامله توصل لـ 90 متر 2 ونص ملل بـ 130 ريال وفيها

بالاضافه للافياش خلنا نقول على اقل تقدير بـ 10 ريال للفيش الواحد وبتحط اربع يساوي 40

اشوف الجاهز افضل وارتب وارخص والله اعلم


شاكر لك اضافتك

[أبو بسام]

أخي القدير بدران
الفكرة طيبه ولكن تحتاج عدة أمور كما ذكرت
1- سلك
ولن تجد السلك المناسب من حيث القوة والمرونة التي هي أساس بهذه البكرة السلك الذي شرحت
ممتاز ولكن عيبه عدم مرونته فهو لن يريحك أثناء العمل وعند طي البكره فسوف يأخذ حيز كبير
2- الأفياش يراد لها تركيب جيد لتفي بالغرض
3- تصميم قاعده تتحرك عليها البكرة
كل هذه الأمور تجعل الإنسان يتراجع عن الفكرة بما أنها مكلفة ولن تصل للدرجة المرغوبة
بالنظر للبكرة التي تباع جاهزة
هذا وأسأل الله التوفيق للجميع

[بدران الدوسري]

فعلا صدقت

تدفع على شي جاهز ومضمون باذن الله , احسن من شي قد يتعبك ويخسرك جهد ومال

الله يوفقنا وياك وجميع من يقرا

[بدران الدوسري]

يالربع الي عنده مثلها وبسعر مناسب بشتريها منه

[ناصح]

قبل شهر اشتريت الماني اصلي من شارع الريل

280 ريال

وبالتوفيق

[بدران الدوسري]

اخونا ناصح لو تصورها لنا ولا عليك امر

ودنا نشوف شكل الاصليه

[ناصح]

اخونا ناصح لو تصورها لنا ولا عليك امر

ودنا نشوف شكل الاصليه

ابشر

اصورها لك

[م.سعيد]

شفتها قبل شهر عند ساكو في فرع الهفوف

[بدران الدوسري]

يعطيكم العافيه جميعا

الي عنده مستعمله يا اخوان ونظيفه لاباس اننا نشتريها منه

[اصيل نجد]

ياجماعه اللي يبي اصلي ١٠٠/١٠٠ يروح سوق الكهرباء بالملز ويشتري الماني اصلي بموجب فاتوره الان السوق كله مكتوب الماني او ايطالي او انجليزي من توصيلات وافياش وطفايات شف اخوي اللي ماهو محفور علي السلعه مكان الصناعه لايهمك الستكر يدخل عن طريق الامارات وهناك يحطون الستكر لو تبي مصنوع بالمريخ حطوه اهم شي محفور حفر وعساك تسلم من الغش . ربي يحفظ الجميع