رابطة ملاك ساكتون - قامو كيوتا (بنظام ضغط الغاز PCP)

[abusakr]

السلام عليكم ورحمة الله وبركاتة

ممكن احد يفيدني بالافضل بين الكيوتا والهاستان احترت بينهم
جديد على استخدامهم وقريت ولا طلعت بنتيجه
الي جرب يفيدنا تكفون عاجل

[الهنتر]

فر من التركي الكيوتا الفيبر حلوه

[ابو سلطان 44]

السلام عليكم مطلوب صتم اقزاتك 4.5 شرق الرياض

[abuelez]

السلام عليكم مطلوب صتم اقزاتك 4.5 شرق الرياض

تحصله عن محل "مآرب الصحراء" مخرج خالد بن الوليد

[ابو سلطان 44]

تسلم الله يعطيك العافيه

[compaq]

يعني نشري او لا


وبكم بكامل اغراضها واسم المحل

[زينون2006]

السلام عليكم ورحمة الله وبركاته
صباح الخير / مساء الخير
شباب انا فكرت اشتري وحده من القامو كيوتا وكنت ناوي على 5.5 فيبر ولا ادري اذا يتوفر 6.35 او لا لاكن مريت وكلمت اكثر من فرع الرمايه يقولون ماعاد يجيبون الفيبر وايهم افضل الفيبر او الخشب

[الهنتر]

السلام عليكم ورحمة الله وبركاته
صباح الخير / مساء الخير
شباب انا فكرت اشتري وحده من القامو كيوتا وكنت ناوي على 5.5 فيبر ولا ادري اذا يتوفر 6.35 او لا لاكن مريت وكلمت اكثر من فرع الرمايه يقولون ماعاد يجيبون الفيبر وايهم افضل الفيبر او الخشب

الفيبر خمسه ونص مايعلا عليه اتوقع اخف وزن

[زينون2006]

الفيبر خمسه ونص مايعلا عليه اتوقع اخف وزن

بس على ماسمعت انها قطعوها الفيبر ماعاد تجي

[PHARMYAHIA]

السلام عليكم ورحمة الله وبركاته

مساكم الله بالخير يا الربع وش حالكم عساكم بخير

فيه عضو سألني على الخاص و ما قدرت أرد عليه علشان قوانين المنتدى ما تسمح لي ارسل او ارد على الرسائل حتى اتعدى خمسين مشاركة

طبعا العضو اللي راسلني الله لا يهينه يرسل لي رقمه على الخاص و إن شاء الله ارد عليك

على العموم انا رأيي متواضع في البندقية الغازية و سبق تكلمت فيها و الكلام اتوقع ان اغلبكم قرأه لذا تحملوا فلسفتي شوي

مثل ما انتم عارفين البنادق هذه بشكل عام حساسه و تحتاج تدليع شوي لكثره الربلات فيها مهما كان نوعها و جودتها

و طبيعة الأجواء عندنا للاسف حارة و ما تقدر تعرضها للشمس مثل ما نسوي للخرازة

اي بمعنى انا و خوي لي و لأكثر من زميل نرمي الخرازة على الطبلون و متعودين على هالحركه

لكن البنادق الغازية يبي لها مثل ما قلت تدليع حبتين كأنها بنتك الصغيرة

طبعا ليش انا شريت هالبندق لاسباب بسيطة مثل غلاء اسعار الفشق للشوزن

الصندوق وصل في اوقات الى 5000 - 6000 ريال

و الغامو الكيوتي الفيبر اللي شريتها كلفتني بدبتها الفيبر و الدربيل حوالي 5260 ريال

هذا سبب و السبب الثاني اني ابي اتونس فيها في المزرعة و في اوقات مثل القميري و الصفار

السبب الثالث انها تقوم مقام الخرازة في المسافات الى 50-60 متر طبعا انا اتكلم عن الغامو مقاس 5.5 و اكبر

و اللي يبي مسافات ابعد الله يعينه يطلع قريشاته اللي كانزها و يشوف له الكريكت او الفولكان او الفايروخ

السبب الرابع فشقها ببلاش و افضل نوع اللي هو اكزاكت 500 رصاصة سعره ب 52 ريال و فيه انواع ارخص

جربت الغامو الاسود و طيب و جربت الالماني و التشيكي "ماتش" اللي في محل الصياد العربي و كلها طيبه

500 رصاصة سعرها ب 52 ريال من افضل انواع الصتم و اذا قلنا ثوب الخرازة "يجي فيه 500" سعرها 1500 تقريبا

ما أحب اصادر اراء الناس و لكني مقتنع في الغازية حاليا و اشوف انها افضل من الخرازة

خصوصا اللي مثلي ما يطلع في موسم الطيور الا وقت القميري و الصفار

اذا تبيها رخيصة ف الغامو راح تطربك خصوصا الجديدة الفيبر اذا كانت متواجده و هي خفيفة و صوتها اقل حدة من صوت الفايروخ 100

طبعا هذا الكلام صادر من رفيق لي عنده فايروخ 100 و بعد التجربة قال لي الآتي

"الغامو اخف و اقل صوت"

حاليا الرماية يقولون ان المتواجد الخشب القديمة و العلم هذا اخذته من ولد خالتي و كان عندهم الاسبوع الماضي

و تقدر تطلب منهم يغيرون لك الاخشاب للفيبر بسعر رمزي 150 ريال تقريبا

و اتوقع انها حركة تجارية من الموزع علشان يمشي سوق القديمة و الله اعلم

العيوب مثل ما كلنا عارفين وهي صيانة الغازية و قلة المتخصصين فيها

انا عن نفسي الحمد لله اعرف انكليزي و ما عندي مشكلة اروح يوتيوب و اتفحص فيه لطريقة الاصلاحات

تماما مثل ما سويت في بندقي الشوزن الستوقر ايام كنت اسوي لها صيانة و تنظيف

و اذا تخاف تسوي لها صيانة عليك بالسؤال من مجرب او تروح للوكيل حق البندق

الغامو موجود الوكيل حقها لذا انا اشوف انها تستاهل من يقنيها

في العادة الوكيل يأخذ البندق و يسنعها لك في يوم او يومين يعني وكيل معتمد و شاطر



و سلامتكم

[ابو سلطان 44]

السلام عليكم
مشكله ابيلها حل لاهنتوا
لما اعبي الكايوتي من الاصطوانه ياقف مؤشر السكتون على 180 بار ما يتعدا وينضغط الي مأدري شسبب مع العلم الاسطوانه مليانه
فكيت راس السلندر ونضفت الابره ولا نفع
ياليت من عنده علم ينفعنا بحل هالمشكله

[katb]

وعليكم السلام
المشكلة حصلت معي وحلها أنك تعبي السلندر من جديد لأن الضغط نقص وصار أقل من 200 بار،

السلام عليكم
مشكله ابيلها حل لاهنتوا
لما اعبي الكايوتي من الاصطوانه ياقف مؤشر السكتون على 180 بار ما يتعدا وينضغط الي مأدري شسبب مع العلم الاسطوانه مليانه
فكيت راس السلندر ونضفت الابره ولا نفع
ياليت من عنده علم ينفعنا بحل هالمشكله

[ابو سلطان 44]

كل الشكر والتقدير لك على تفاعلك
كنت شاك بالموضع وكلامك وتجربتك اكدت لي

[مهجدالجن]

السلام عليكم ورحمة الله وبركاته

ارجو ان تكونو بتمام الصحة والعافية

اليوم وبفضل من الله اقتنية بندقية من شركة قامو طراز كيوتا عيار 4.5 ما شاء الله تبارك الله

<------ قولو ما شاء الله

لكن ابتلشت في اسطوانة الهواء

يوجد اسطوانه 200 وكسور بار ويوجد اسطوانه 300 وكسور بار


ويجب ان تعبا البندق حول 300 بار

السؤال///// هل الاسطوانة ال 200 بار تعبي الى 300 بار في البندق ؟؟؟
ام حدها 200 بار

طبعا الاسطوانة 12 او 8 لتر وسرندل الكيوتا اعتقد 1 لتر

[ابومحمد .....]

السلام عليكم

للبيع اسطوانات كاربون فايبر 9 لتر 300 بار
مع حامل وساعة ولي انجليزي بطول متر
الموقع: بريدة ،الرياض
0546077699