رابطة ملاك ساكتون - قامو كيوتا (بنظام ضغط الغاز PCP)

[الذيب الاغبر]

شباب كم تكلف البندق مع منفاخها وكيف جودتها

[HW77 ONLY]

شباب كم تكلف البندق مع منفاخها وكيف جودتها

تكلف طال عمرك ومن يقرأ 2600 ريال مقاس 4.5 و 2650 ريال لمقاس 5.5 والطرمبة 850 ريال من انتاج شركة هاتسان.
بالنسبة للجودة ننتظر اﻹخوان اللي جربوها لكن كعادة أي منتج جديد على السوق ماراح تقدر تحكم عليه الا بعد فترة من الاستخدام.

[الذيب الاغبر]

تكلف طال عمرك ومن يقرأ 2600 ريال مقاس 4.5 و 2650 ريال لمقاس 5.5 والطرمبة 850 ريال من انتاج شركة هاتسان.
بالنسبة للجودة ننتظر اﻹخوان اللي جربوها لكن كعادة أي منتج جديد على السوق ماراح تقدر تحكم عليه الا بعد فترة من الاستخدام.

شكرا لسرعة ردك علي

وش رايك طيب بالتركية هل هي افضل ام الاسبانيه الجديدة

[طرقشون]

بارك الله فيكم وابشرو بالخير خل استلمها بس

انا سألت عن التعبيه لان الفلبيني قال لي تعبيها الى 332 وترمي 100 رميه واستشكيت صراحه

على كل حال وش الصتم الزين في السوق ووين القاه

الرمايه الصتم الي عندهم اعلى شي 16 قرين

[الشمروخي]

الفلبيني داج تراه ومعلوماته خرطي الصتم كروسمن عند صاب ناجح ماعليه بالفايروخ بس غيره مااعلم

[ابو كشتة]

الشباب الي اشترو القامو نحتاج اختبار دقة وتجميع للقامو لابد من تثبيت البندق ووضع هدف على 30 م مثلا ورمي 10 طلقات بنفس المكان عشان نشوف التجميع بصراحة اهم شي التجميع اذا انها دقيقة وبهالسعر فهي لقطة صراحة
وتغيير نوع الصتم حتى يبين الصتم المناسب للبندق

[فراس الدوسي]

في انتظار تجاربكم لرماية الاهداف والتجميع

انسب شي لها تقريباً الكروس مان

[HW77 ONLY]

بارك الله فيكم وابشرو بالخير خل استلمها بس

انا سألت عن التعبيه لان الفلبيني قال لي تعبيها الى 332 وترمي 100 رميه واستشكيت صراحه

على كل حال وش الصتم الزين في السوق ووين القاه

الرمايه الصتم الي عندهم اعلى شي 16 قرين

بخصوص الصتم جعل عمرك طويل على طاعة انا اطلعت على تقرير خاص بتجربة تمت على قامو كيوتا 5.5 لعدة أنواع من الصتم وكان الأفضل كالتالي :
1- كروسمان 14.30 قرين.
2- جي اس بي اكزاكت 14.35 قرين (JSB Exact).
3- اتش اند ان 14.66 قرين (H & N)

مع العلم ان هناك نفس الصتم رقم 3 ولكن 21 قرين وكانت نتائج سيئة جدا ممايدل على أن ليس ثقل الصتم وحدة دليل على دقته أثناء الرمي لكن قد يكون تأثيره على الهدف أقوى.

ملحوظة : هناك نتائج تم تجاهلها حفاظا على وقت القارئ الكريم ولأن نوعية الصتم غير متوفره في سوقنا المحلي.

الصور أدناه منقولة من موقع Hard Air Magazine وحقوق الملكية محفوظة للموقع المشار إليه

[IMG]





[/IMG]

[ابو كشتة]

مسافة ١٠ ياردة قليلة جدا كتجربة دقة وتجميع وصتم كروسمان بريمر غير متوفر

[مكشاتي اتي]

شباب اللي يبي ساكتون قوية عليك بالجامو هنتر 1250 شريت لي وحده ممتازة جدا وعندي افضل من الجامو الغاز لانها نفس القوة وبعدين الشكل جديد ويمكن يطلع عيوبها ولا تجد قطع غيار بعد كم سنة المثل يقول قديمك نديمك لو الجديد اغناك الهنتر اقوى من الباتريوت ودقتها عالية وصيانتها سهله

[ابو كشتة]

شباب اللي يبي ساكتون قوية عليك بالجامو هنتر 1250 شريت لي وحده ممتازة جدا وعندي افضل من الجامو الغاز لانها نفس القوة وبعدين الشكل جديد ويمكن يطلع عيوبها ولا تجد قطع غيار بعد كم سنة المثل يقول قديمك نديمك لو الجديد اغناك الهنتر اقوى من الباتريوت ودقتها عالية وصيانتها سهله

تكفى لاتذكرنا بايامنا السوداء الله لايعيد ايام التعب والطخ السماوي
كانت عندي الهنتر وبعتها من الكسر مابقى عندي الا الفايروخ 80
عموما الكسر حلوة وتمشي الحال ولاتحتاج صيانة لكن لاتقارن بضغط الهواء من ناحية الدقة
والراحة

[طير ابابيل]

يا اخوان ادري ازعجتكم بس الله يعينكم


بغض النظر عن السعر وش الأفضل من كل النواحي قامو كيوتا او هاتسان bt65 ؟! (هذي المتوفرة الآن في الرياض) اغلب صيدي حمام وأحياناً ضبان فقط !

انا اسكن في وادي الدواسر ونادر ما اروح الرياض وابغى اشتري كل شيء دفعه واحده › ما هي الأشياء اللي تخص بنادق pcp لكي اشتريها ؟

وجزاكم الله الجنة والله لا يحرمنا منكم يا اهل مكشات

[طرقشون]

اشتر البندق ومنضار مع قواعده وطرمبه عشان تعبيها

وارشح لك القامو لرخص سعرها لان الهاستان 4500 مع المنفاخ

لاكن القامو صتم 5.5 اهر وحده عندهم خذتها منهم امس

[الشمروخي]

انتظر الرميح سنه كامله ولا اخذ غير الفايروخ سعر اقل جوده دقه متانه شكل عندنا بالسعوديه واللي بيجيب من الكويت وبيدفع ياخذ اف اكس
وسلامتكم

[HW77 ONLY]

انتظر الرميح سنه كامله ولا اخذ غير الفايروخ سعر اقل جوده دقه متانه شكل عندنا بالسعوديه واللي بيجيب من الكويت وبيدفع ياخذ اف اكس
وسلامتكم

أنا معك أن الفايروخ ممتازة لكن الوكيل مايشجع .... لاهو موفرها ولاموفر قطع غيارها واكسسواراتها وبصراحة ما أستبعد بأي لحظة يقفل ونبلش بها وبغيرها من السواكتين.
غير كذا لاتحكم على القامو وتتجاهلها قبل أن تجرب الثنتين وفي رابطة ملاك الفايروخ 100 هناك بعض من اقتنوها اشتكوا من بعض المشاكل وهي لازالت جديدة كالتنسيم وعدم الدقة احيانا.

يعني اللي صنعوا الثنتين كلهم بشر ومايصنعه البشر معرض للنقص والخطأ.