تثبيت ماطور هواء ولمبات وغيرها على ديماكس

[اسم قديم]

ابدا ما شفت منها مشكله ومجربها من سنين على سيارات ثانيه. اللمبات اخذتها من رفيق الدرب ومن وجهة نظري انها الافضل بس انتبه فيه تقليد منها نفس الشكل بالضبط لذلك الافضل تشريها من رفيق الدرب او موزع معتمد.

كيف وصلت سلك السالب؟

مشكلتي حراره فيها عجيبه

سلك السالب خليته زي ماهو ما فصلته دخلته داخل الكبوت واعتمدت على المسامير بدل السالب ووصلت السلك من سلك اللمبه مباشره ما فصلته ممكن يكون ضعف السلك السبب الصادر من اللمبه

[N.m.a]

اخوي بالنسبة للموزع ما فهمت وضيفته

هل هو موزع للماص ؟ او موزع كهرباء؟
اشرحه بالتفصيل لا هنت

[سوبر VTC]

شغل مراتب ما شاء الله

اقترح عليك تحط لستك بين زوايا كرسي الماطور و بين الرفرف
يمتص الاهتزازات

[المميـز]

:

ماشاء الله تبارك الله

موضوع ممتاز ومتميز

يعطيك العافيه على هذا المجهود

يستحق التقييم والتثبيت ويضاف للمواضيع المميزه

:

[sa13]

مشكلتي حراره فيها عجيبه

سلك السالب خليته زي ماهو ما فصلته دخلته داخل الكبوت واعتمدت على المسامير بدل السالب ووصلت السلك من سلك اللمبه مباشره ما فصلته ممكن يكون ضعف السلك السبب الصادر من اللمبه

وعليكم السلام ورحمة الله وبركاته

الحرارة تكون من سببين: 1- ان نوعية اللمبات فاشله. وش نوع اللمبات؟
2 - ان المسامير ما هي ثابته واللمبه تتحرك, هذا يخلي السالب يشبك ويفصل مما يسبب حراره وان اللمبه تشتغل وتطفي.

هل اللمبه راكبه على حديد مباشره, والا فيه عازل بين اللمبه والحديد؟

اللمبه تستهلك كهرب قليل جدا جدا, والسلك اللي جاي معها كافي لها. لو كانت المشكله من ضعف السلك, راح يحتر السلك نفسه وليست اللمبه.

مرفق رسم توضيحي لطريقة التوصيل

[sa13]

اخوي بالنسبة للموزع ما فهمت وضيفته

هل هو موزع للماص ؟ او موزع كهرباء؟
اشرحه بالتفصيل لا هنت

جهة البطاريه اسلاك واجد وفلتر الديزل. لو وصلت الاكسسوارات (اللمبات, الماطور, الثلاجه, وغيرها) من البطاريه مباشره احتاج اني اطلع سلك لكل منها, الطريقه هذه راح تزود الحوسه جهة البطاريه وعند تغيير فلتر الديزل راح يضيع بعض الديزل على الاسلاك ويفك الشطرطون. علشان احل هذه المشكله فكرت بأحد حلين: 1- اما استخدم علبة فيوزات واشوف ان علب الفيوزات المتوفره جودتها غير مناسبه وطريقة توصيلها غير مناسب لي. 2- استخدام الموزع.
الموزع بكل بساطه عباره عن قطعة حديد فيها مسمارين توصل الاسلاك فيها واستخدمته هنا كموزع للكهرب (اعتبر ان الموزع هو اصبع البطارية الموجب). طبعا الحديده داخل قطعه بلاستيكيه لمنع الالتماس.

الرسمه هذه توضح فكرة الموزع:




اتمنى ان الفكره وضحت لك, وانا مستعد اجاوب استفساراتك لين توضح الفكره

[sa13]

شغل مراتب ما شاء الله

اقترح عليك تحط لستك بين زوايا كرسي الماطور و بين الرفرف
يمتص الاهتزازات

شاكر لك تعليقك
اعتقد ان اللستك راح يخفف الاهتزاز بشكل بسيط لان الاهتزاز راح ينتقل عن طريق المسامير للرفرف.

حاليا ابحث عن ربلات نفس اللي في الصور ولكن تكون قويه بشكل كافي ان الماطور ما يقطعها ويطيح






تقبل تحيتي وشاكر لك تعليقك

[sa13]

:

ماشاء الله تبارك الله

موضوع ممتاز ومتميز

يعطيك العافيه على هذا المجهود

يستحق التقييم والتثبيت ويضاف للمواضيع المميزه

:

شاكر ومقدر لك تقييمك وتثبيتك للموضوع

واتمنى ان نُفيد ونستفيد

[sa13]

وصلني سؤال على الخاص عن طريقة توصيل كهرباء الماطور وقلت اجاوبه هنا للفائدة

هذه الرسمه توضح طريقة التوصيل



الماطور يسحب 30 أمبير والمفتاح ما يتحمل 30 أمبير لذلك نحتاج كتاوت علشان نتفادى عطل المفتاح.
طريقة توصيل الكتاوت تختلف على حسب الحاجه والفكره من استخدامها. تسمية مداخل الكتاوت تختلف من شركة لاخرى وراح اوضح الدارج في المحلات:

1 - ( COM - 30 ) هنا نوصل السلك اللي جاي من البطارية, في الرسمه رقم 1, ومن الافضل يكون قرابة 4 ملم.

2 - ( COIL - 85 ) هنا نوصل سلك موجب, في الرسمه رقم 2, وسلك صغير يكون كافي مثلا 1 ملم.

3 - ( COIL - 86 ) هنا نوصل سلك اللي جاي من المفتاح (سالب), في الرسمه رقم 3, وسلك صغير يكون كافي مثلا 1 ملم.

4 - ( NO - 87 ) هنا يطلع السلك من الكتاوت للماطور, في الرسمه رقم 4, ويكون حجم السلك نفس رقم 1

لو عكسنا رقم 1 ورقم 4 نفس الشي. ولو عكسنا رقم 2 ورقم 3 نفس الشي.

اتمنى ان الفكره واضحه ومرحبا باي استفسار او تعليق

[N.m.a]

جزاك الله خير على شرحك اتعبتك معاي

بخصوص الموزع وين القاه ؟ وبكم سعره فعلا البطارية عندي فيها الف سللك

[sa13]

جزاك الله خير على شرحك اتعبتك معاي

بخصوص الموزع وين القاه ؟ وبكم سعره فعلا البطارية عندي فيها الف سللك

الله يجزانا واياكم خير

شف الرد رقم 6 في الصفحه الأولى، صورته وهو راكب على السياره وانا اخذته من صاحبي في التشليح

[الزافر]

الله يعطيك العافية

ماقصرت في هذا الموضوع المفيد

استفسار
بخصوص ماطور الهواء مايتأثر مع الموية لمن اغسل السياره او الامطار ؟
ثانياً هل بلامكان توزيع ليات الهواء على الكفرات الاربع

[sameer_1798]

بيض الله وجهك شغل ممتاز الله يعطيك خيره ويكفيك شره

[sa13]

الله يعطيك العافية

ماقصرت في هذا الموضوع المفيد

استفسار
بخصوص ماطور الهواء مايتأثر مع الموية لمن اغسل السياره او الامطار ؟
ثانياً هل بلامكان توزيع ليات الهواء على الكفرات الاربع

الله يعافيك ويبارك فيك

نعم يتاثر في الماء, شف الموضوع
http://www.alrahalat.com/vb/showthread.php?t=9200

بالنسبه لتوزيع الليات على الكفرات ممكنه ولكن تحتاج شغل وبعض القطع مثل هذا البلف للتحكم بتشغيل الماطور واطفائه تلقائيا عند توصيل احد الليات للكفر


وعدد من هذه الوصلات

[sa13]

بيض الله وجهك شغل ممتاز الله يعطيك خيره ويكفيك شره

ووجهك ابيض وجزاك الله خير