فرصة لهواة السيارات التراثية

[ابو ابراهيييم]

السلام عليكم ورحمة الله وبركاته

سيارة اثرية موديلها والله اعلم انه في الخمسينات

السيارة بحالة جيدة وشغالة وتحتاج الى تشييك

السيارة بدون اوراق او استمارة او لوحات

الموقع الخرج

للاستفسار الاتصال او واتس 0502404478

[ابو ابراهيييم]

[فتى الوادي]

بكم السوم أو حدك ؟

[ابو ابراهيييم]

بكم السوم أو حدك ؟

السوم بــ 45000 ريال

والبيع قريب

[ابو ابراهيييم]

صور زيادة

[GM_400]

[راعي العجراء]

اعجبتني علبة زيت الفرامل على المرتبه

ذكرتني زمان اول مع الفروت

بكل جحر بالكبوت علبة زيت فرامل وخرقه حمرا وتغليقة زيت عربي او

زيت ابو طير

غير اللي ملفوز تحت المرتبه

.

الله ياهي ذكريات الناس يتعطرون باطياب

وانا عطري زيت فرامل تفوح ريحتي زيت والا بانزيم

من كثر مانشقت له بانزيم بالكلبليتر

.

سنين ومنين انا والفروت مامصع ايديني الا الدركسون

.

تصدق ودي اصيح بس مستحي من عيالي والشغاله

.

ياكنت اعرف كل موديلاتها اللي عندنا بديرتنا

وبعطيك فكره بعد عنهن

كل الفروت شمعه وحده الا موديل واحد وستين جاء شمعتين

.

اسف اياخوي على مداخلتي ومنك السموحه

بس الذكريات عقدت عبره بحلقي

.

الله يربحك ويكتب لك البيعه اللي تسر خاطرك

ويرزقك الذريه الصالحه

وحسن الختام

.

مع تحيات اخيك راعي العجراء

ربيب الفروت