المشاركة الأصلية كتبت بواسطة تزبطي
مرحبا ابو ثقيل اسمع ياذيبان شاهي ابو جبل عجزو فيه المكشاتيه قبلي انا واياك
خله برا الحسبه مايصلح لنا يا اهل نجد هههه
اوحني زين ابي اعلمك انا استخدم شاي الوزه وشاي ربيع اوراق كامله
وهن افضل مابالسوق طرت وﻻ وقعت وخل عنك كﻻم الناس
انا مدري وش برادك اللي تضبط فيه ﻻ كن خلني اعلمك بميزان استخدمه لبراد ابو تاج الهندي
مقاس 12 ...معروف لدى الكل حجمه لتر ونص او لتر و800 حول الدعوى
اذا فللته مويه مهو فل الى رقبة الغطاء عاد ﻻ ... لحد القبه اللي فوق اللي فوقها شفة الغطاء
احط فنحالين سكر بعد مايفوح الماء او اثنين ونص احيان احب السكر ...
ثم طرفه عن النار شوي عشان مايطيش الماء ثم خله يقلب مدة كويسه يضن بها ان تكون كافيه لﻻذابة كل السكر
وخر اﻻبريق عن النار وخل الماء يركد
نجي اﻻن لوزنة الشاي .....انا قبضة اﻻصابع يعني حول حجم البيضه خاصتن ابو وزه لﻻنه مر شوي
ويخدر بسرعه واثقل نكهه وطعم من ربيع ربيع خفيف شوي
او تحط مقاس فنجال قهوه ..ثم خله 5 دقايق لين يتحلل وسط الماء الحار ويتشرب الماء
ثم اطرقه طرقتين سريعه وكيف مخك
...طبعا الطرقه او قولة اطرق الشاهي ....هي عباره عن صب اول بياله من اﻻبريق ثم تردها وسطه
مره ثانيه مع رفع البياله مسافة مايقارب 7 سانتي
الهدف منها تحريك اﻻوراق الراكده اسفل عشان تبعث اللون والنكهه
يعني تحرك محتوى اﻻبريق
ولك اطيب تحيه