ربع التايوتا ولا ربع النيسان ؟؟؟ محتار ياجماعه

[صياد القويعيه]

السلام عليكم ورحمة الله وبركاته

كيف حالكم يالربع عساكم بخير

انا ودي اشتري ربع لكن اني محتار بين التايوتا والنيسان

ودي تعطوني رايكم وشوركم

هل الربع النيسان فيه فئه اعلى من الستاندر ؟ وأقل من الفل ؟ بحيث يكون فيه ثلاجه وبعض الاكسسوارات التجميليه


ربع التايوتا فيه ثلاجه وكمره لكن يقولون ليس مريح ابداً ابداً

ياليت تعطوني اسعار الربع النيسان طبعاً جديد 2015


وشكراًً

[فؤادسعدون]

السلام عليكم ورحمة الله وبركاته
اذا تبي النصيحه خذ لك نيسان 4800 افضل لك من التويوتا
وبنسبه لللاسعار ماعندي خلفيه

[العتيبي 88]

حياك الله أخوي صياد .. بالنسبه للربع التويوتا جيد لاكن الموديلات الاخيره ماتنبغى بريال لسؤء المكينه ولسوء الصناعه .. وراح يكسر ظهرك .. لان المكينه راسين ولاهي بقويه .. بالنسبه للنيسان يوجد فئات دفلك ثلاجه ويوجد فتحه ويوجد اقل واعلى .. طبعا الأسعار من 95 وطالع ... لاكــن خذ موتر راحه وقوه وشي لايوصف المكينه 4800 .. وموتر نشيييط بالحييل مقارنه مع الربع التويوتا يفوق عليه ...

[dhoomi]

نيسان ولاتبعد عنه...

تويوتا قاسي ومتعب ولافيه دفلك وثلاجته اللي يحتسون به العالم بدائيه وماتنفع واجد
وتعليقه الخلفي سست مهوب يايات راح يتعبك ...

[صدى الاطلال]

مكاين الربع التويوتا الراسين للاسف استهلاكية وغير عملية ولاتتحمل وذات تورك ضعيف في ظروف السحب او صعود المرتفعات ، ويعلم الله أنها سيئة جيدا في الجبال من واقع تجربتي الشخصية، فلو تضطر مثلا التوقف في منتصف الطريق الصاعد في طلعة او عقبة ثم تريد المواصلة يالله تقوم السيارة وانت معشق الاول وبكل كلفة ، اما اذا استوى على الاسفلت فاشهد انه طير شلوى ، لكن اذا ابي السرعة على الاسفلت اخذ سيارة صغيرة اما سيارة دفع رباعي فاريدها للسحب والعزم القوي والجر والصعود ، واذا لم تتلافى تويوتا هذه المكاين الخايسة فوربي انها من جرف الى دحديرة وبالذات الراسين لاجاها القير عايدي مثل الربع والشاص وبعض الفورشنر وهذه انا جربتها ومسؤول عن كلامي وهذا رأيي وانا مقتنع فيه واشهد الله اني شريت ربع 2010 اول مانزل الراسين وبعته وهو ماشي 10الاف مارتحت لعزمه الخايس في المرتفعات والجبال وذلك عن التوقف في الطلوع ثم المواصلة اقسم بالله تخجل انك في جيب ، وشريت جيب لاند كروزر 2013 يوم قالوا طوروا مكينته وصارت 271 حصان وووو واخذت قير عايدي وربي انه ثقيل وخايس بقوة اما على الاسفلت والخط المستوي فأشهد بالله انه يطير
ولو تقول لي ربع تويوتا راس 2009 وتحت اقول لك خذ وانت مغمض هذا الموتر اللي ينومس ويبيض الوجه في جبال وسحب وعزم ومايقصر على الاسفلت والخط المستوي
النيسان ماجربت مكينة الفتك 4800 ولكن جربت مكينة 4500 يعني تمشي ولكنها ثقيلة موت .
ولذلك اشور عليك اذا كانت المقارنة بين ربع تويوتا راسين وربع نيسان4800 فعليك بالنيسان لقوته وعزمه وراحته كما سمعت ممن جربوه شخصيا لكن الله يعينك على وكيله اذا كنت خارج المدن الكبيرة.
هذا رأيي بدون تعصب ولعلمك سياراتي كلها تويوتا منها ربع تويوتا2006 الآن أما الراسين بعد التجربة المريرة فتوبة منه. والحق يقال

[ابوراكان تبوك]

مع اني لا اطيق النيسان لكني انصحك فيه ليهـــــــ
1- فيه وسائل امان والتويوتا مافيه غير حزام الامان فقط لا غير
2- التويوتا من 10 وطالع سعره يدحدر بسرعه عكس 2009 وتحت
3- الراحه للنيسان اكيد
4- العزم للنيسان ايضا بحكم المكينة

لكن يعيب النيسان الجديد كثرة نقاط الكهرباء كل شيء بكتاوت وشغله لكن الامان بعد الله النيسان افضل من التويوتا بفرق كبيييير شف التشاليح اعوذ بالله نصها جيوب تويوتا ربع بسبب خف الموتر وعدم وجود اي وسيلة امان كفانا الله واياكم كل مكروه مع اني من عشاق الربع التويوتا لكن يشهد الله اني كرهته بسبب ماشفت

[إبو عبدالعزيز]

وعليكم السلام ورحمة الله وبركاته
هي بالنهاية رغبات وأذواق تختلف من شخص لآخر
أنا ما جربت شي منهن لكن إن جيت للمقارنة الظاهرة والمتعارف عليها فأظن أن النيسان متفوق على التيوتا
و من الأسباب:
نسبة الأمان المرتفعة في النيسان بالنسبة للتيوتا(وهذي من أهم النقاط فالسلامة لا يعادلها شي)
المركب (من حيث الراحة والرساوة وعزل الصوت) يتفوق فيها النيسان
السعر (حيث أن الفرق أكثر من 10آلاف ريال بين الفئتين السياحية)
النشاط وقوة المحركات بشكل عام (مكينة وقير ودبل) من صالح النيسان

أما مايعيب النيسان:
فصرفيته عالية جدا للي رجله حارة - ويعيبه ثقل وزنه نسبيا مقارنة بالتيوتا
وبالتأكيد السعر عند البيع (فالمتعارف عليه أن التيوتا يمسك سعره أكثر)
و على المدى الطويل 5سنوات فأكثر:
أرى أن (الفتك خاصة) يعاني بعض أصحابه من مشاكل حرارة وغيرها والعلم عند الله

لعلي أعنتك ولو بالشيء البسيط
و أنبه أن ماقلته يحتمل الخطأ والصواب لكن الجود بالموجود

أسأل الله لك التوفيق والخيرة في أمرك

[الحربي حاتم]

التويوتا سمعة فقط وإن شاء الله إنها الى زوال .

[التعـ King ـديل]

النيسان
راحه - رساوه - فخامه - قوه - مواصفات - تعليق ممتاز - نسبه الامان فيه عاليه

التويوتا
غير مريح - غير امن - سريع الانقلاب - لا يوجد فيه مواصفات مقابل القيمه - المحركات ضعيفه مقارنه بالموديل السابق والمنافسين

[الدبل الثقيل]

وعليكم السلام ورحمة الله وبركاته
ليس ماتاخذ باترول صالون فتك اوسع لك؟؟

[قليقلان]

من وجهة نظر محايده

اشوف ان ربع التايوتا اجبر واقوى كهيكل

بالنسبه للمكينه لها الان على الشاص والربع اكثر من خمس سنوات وهي اقتصاديه بالقود والزيت اكثر من سابقتها وقوتها مناسبه للاستخدام اليومي سواء بر او مدينه

ريع النيسان افخم واريح لكن المكينه كما يقال يبيلك محطة بانزين معك تستهلك كثير

من وجهة نظري خذلك ربع تايوتا ولن تندم

[فارس العمور]

لو مكانك ولا عندك خيار ثالث بختار النيسان طبعاً
ولو فيه خيار ثالث بشوف الباجيرو الربع سعره اقل من 100 اصفار وياباني 100% ويعجبك

[نواف685]

انا استخدمت الربع التويوتا منتاز وقوي ولايرده شي لكن فيه مشكله اهه متعب جدا جدا
يعني بصراحه على قوته وخفه تنساهن بسبب انه متعب ولافيه اي وسيله من وسائل الامان
وجربت الفتك الصالون انشهد بالله انه سياره لامن راحه ولامن قوه ولامن امان من بعد الله سبحانه
وموتر يبيض الوجه لابغيته بالشدايد الا هو عندك
اكيد ان الربع الفتك اخف من الصالون

[شاق النفد]

خذ ربع الفتك ولاتشاور قوة عزم راحة رساوة عزل هواء صاحي
والله يا ربع ا لتويوتا ما يجاريه لا راس ولا راسين سوا في خط ولا ضلع ولا نفود

واللي يقولك انه يصرف اشرطلك انه ما جربه انا معي ربع فتك 14 فل 95 مشى 550 كيلو خط امشي 140 مع مكيف
وفي الديرة فله يمشي 450 كيلو

كان معي ربع تويتا 2007 الراس اللي صاجينا به والله لا قوة ولاراحة والرساوة وعزل الهواء صفر
ويشرب شرب الهيب مثله مثل اخوانه فيا لخط نعمه ان مشى 450 كيلو

العلم انك ان خذت التويوتا بتحسف واسالني انا المجرب الثنين

[خالد الشمري20]

أقول نصيحتي لك يا بعد حيي التايوتا ولا تشاور هذي ما يبيلها مشاور


هذا مقطع واحد يستشير خويه في الربع وشف وش رد عليه





وهذي قصيده في الربع


ياشاري الجيب الربع لاتحسف

كم واحدٍ قبلك مشانه تسلف

وغير الربع اقسم بربه وتحلف

مايركب الا الربع لو صار ماصار

4500 ياسامع الصوت

اصبح خوى للذات وبالقلب منحوت

ماهوب مى ولابعد يالغلا قوت

لكنِ بقلوب العشاشيق له دار

لا مر كنه بارقا بالسما لاح

واليا حضر كل جيب قدره ترى طاح

ماهوب قصدي يوم انا اوصفه مداح

هذى الحقيقه لاتفكر وتحتار

تشهد عليه النفد وتشهد له اطعوس

مرقاه يسمر عاشقه ويسمر الروس

قوته شيئا واضحا حيل محسوس

طيب ولكنه على الطعس جبار

لاشفت بديه يعجبك زين تصميم

قايد على غيره بلايات تعميم

بأمر الربع ياناس بالامر تسليم

4500 دانه بمحار