ياهل الشاصات

[qx55]

السلام عليكم ورحمة لله وبركاته
ياخواني عندي استفسار وودي بالجواب الشافي تعبت من الوسوسه
معي شاص2015بريمي لله يعطيني خيره ويكفيني شره
طلعت معي قبل فتره بالتحديد بعد تغريزه قوًيه فالدهنا طلع صوت بعدها تقريباً بسبوع فالقير
يعني لاقومت الموتر بواحد والثاني والثالث والرابع اما الخامس فيطلع صفير والصوت مثل التكته معها ونه وديته لكثر من فني وعرضت المشكله وقالو لي القير سليم المشكله فالكلتش ضعيف
ونا حالياً ابي شوركم
اوديه لوكالة عبداللطيف جميل
ولا اغير الكلتش
علماً انه ماشي 14الف

[المميـز]

:

الافضل انك تجرب موتر ثاني نفس موترك وتتأكد هل هو نفس الصوت عنده او لا
اذا كان الصوت موجود عندك بس .. لاتروح الورش اللي برا
على طول وجه للوكيل عبداللطيف جميل ويتأكدون لك من المشكله على الضمان ان شاء الله

:

[ابن كديميس]

المشكله عندك بالقير او بالكلتش،فيه ورش عندهم سماعات زي سماعات القلب يفحص القير فيها والفحمه والدسك والصحن ويحدد الصوت من وين والوكالة عندهم الفحص ذا

[عمرين العمري]

أخي الكريم
إفحص عند ورشة زينة حتى تاخذ العلم وبعدين إذا عرفت الهرجة روح الوكالة سيارتك جديدة ما شاء الله

[ابوحسام9]

اول خطوه
قارنه مع شاص نفس المديل
بعد كذى رح للورش

[مليار]

الكلتش ميه بالميه وهو قطعه مستهلكه وومكن ينعطب معك من تغريزه وحده اذا جرت عليه وبدون تنسيم كفرات

[qx55]

مشكوررررررررين لله يتقبل طاعتكم في ذا الشهر الكريم
تم ادخال السياره للوكاله

[برق بريده]

اذا كان الصوت غير منقطع ما يحتاج تخاف هذا صوت فحمة الكلتش اما اذا صوت ثاني منقطع الله اعلم