ابي تتبيلة سمك حلوه

[عسولة الرياض]

السلام عليكم .

زوجي جايب لنا سمك بلبيت ويبيني اسويه

ونفسي بتتبيله حلوه كذا ع ذوقكم لاني بصراحه مو شاطره بتتبيلة السمك

وانتم ما شاءالله عليكم باين من طلعاتكم حسب ماني متابعه انكم شاطرين بهل شغلات.. اكيد كل واحد له خلطه وكل واحد له تتبيله غير .
اتمنى كل واحد يعطينا طريقته ومشكورين من الحين والله يجزاكم الف خير .

[الصياد 7000C]

فلفل اسود وملح وشويه كمون وملعقه ليمون تخلطيهم وتبلي
والفلفل اختياري,,, وفالك تتعلمي الطبخ مننا ان شاء الله
ايوه تتطبخي بالصاخ تحطي شوية زيت وتولعي النار بالولاعه او الكبريت بس لازم اول تفتحي الغاز شويه عشان يولع
وتشيلي السمك بس لازم قبلها تشيلي حراشفه واتمنى اني افدتك وشكرا وبالهنا والعافيه

[عسولة الرياض]

ههههههههههه شكرآ وليت الكل كذا زيك توصف من البدايه للنهايه
الله يعطيك العافيه يارب

[الصياد 7000C]

ان شاء يجوكي الطباخين .,,,
وشكرا..

[ابوانس1]

تاخدين خلاط وتضعين فيه اربع فصوص ثوم واقل من ربع حزمة كزبرة وملعقة بهارات ويفضل بهار السمك وملح وتعصرين حبتين ليمون ونص كاسه مويه وتخلطينهم زين وتاخذين السمك وشرحيه بالسكين وصبي عليه التتبيله وخليه بالثلاجه اقل شي ساعتين وبعدين جيبي طحين وشوية ملح مع بعض غمسي السمك في الطحين زين وحطيه علي الزيت حول العشر دقايق او حتى يصير لون السمك ذهبي وبالعافيه

[لبتون]

فيه تتبيلات في بنده مخصصه لسمك اسعارها مايقارب الثلاث ريالات وجدا ممتازه

[فوتوغراف]

خدي ياستي دي الوصفه
ثوم مفروم + كركم ( الهرد )+ ملح + فلفل اسود + كمون
طبعا بعد ماتشرحي السمك تتبلي السمك بالوصفه
اهم شي الملح يكون مية مية
لاتقلي السمك علطول خلي السمك يتبهر نص ساعه
وبعدها عالزيت
وبالهنا والعافيه
وحتدعيلي

[ابوتركي1]

شوفي هذا الرابط ممكن ينفعك .... التتبيله فقط مالك في الباقي

http://mekshat.com/vb/showthread.php?t=88182

لاتنسينا من الدعاء لو سمحتي

[1بوخالد]

يا جماعة الخير لكل سمكه طريقه خاصه ومفضله بالطبخ والدعوه ماهي خبط لزق. فيه سمك يصلح مشوي وفيه سمك يصلح مقلي وفيه اللي يصلح صالونه وفيه اللي ينكبس عالرز. وهذا من خلال معرفتنا القديمه بانواع طبخ السمك وماهوب فلسفه خاصه.
وطبعا الكل حر فيما يطبخ وياكل ولآكن كل شي له اصول وخاصه الطبخ
الزبده انكم جوعتونا في نهار رمضان.
وان بغيتي الوصفه الصح قولي لنا وشهو نوع السمك اللي تجيبونه عادتا ونجتهد بما عندنا والشباب ما قصروا.

تحياتي
أبوخالد

[الرحموني]

شوفي هذا الرابط

مطبخ مكشات.....للوجبات البحريه


وكلام ابو خالد صحيح كل سمك له طريقة اما شوي او قلي او صواني فرن او على الفحم

[فوزي احمد]

هذي احسن بهارات سمك نوعية هندية مو حارة

[محمد أبو حمد]

أنا أتوقع يا عسولة الرياض فيه حل ثاني

قولي لزوجك إذا جيت تجيب سمك جب من المطعم جاهز

أنا أشوف إن هذا حل جدا مناسب