نصيحه اخوك ما مثل عييلك اذا متزوج
واذا عزابي لحالك تسوى الدنيا ومافيها
واذا ملزم شف خوالك او عمانك اذا ترتاح معهم
منتب لاقي شخص قرم وكريم وعلوم تسر نادر
بالتوفيق
15 نوفمبر 2015 - 16:514 نوفمبر 2015 - 21:27
 |
| 15 نوفمبر 2015 - 16:514 نوفمبر 2015 - 21:27
|
| مرحبا بكم في منتديات مكشات |
| مركز تحميل الصور | رادارات المناطق | |||||
| تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية | ||||||
مكشاتي متواصل
نصيحه اخوك ما مثل عييلك اذا متزوج
واذا عزابي لحالك تسوى الدنيا ومافيها
واذا ملزم شف خوالك او عمانك اذا ترتاح معهم
منتب لاقي شخص قرم وكريم وعلوم تسر نادر
بالتوفيق
مكشاتي متقدم
والله الشخص يبحث عن شخص يونسه ويستانس معه الطلعه لحالك صعبةالمشاركة الأصلية كتبت بواسطة الحربي حاتم
مكشاتي متقدم
خوي الطرقه كااااااااايد
نصيحه لاتخاوي الا رجال يقاسمك كل شي ويعاونك
انا مايدبل كبدي الا الزلابه اللي لاراح معك قام يتبطح تقول شاة تولد ولاقلت له شل ذا ولا جب ذا زعل
هذا لو اترك البر من طويله والله مايباريني
بعطيك حل ممتاز
لاصار بلاك ربي بخويا فيهم رفاله وكسل واعدهم وخلهم يطلعون قدامك وكلفهم بمهام ولاوصلو المكان اللي تبيه وجه لهم ولاتسرف على عمرك وان شفتهم بيتكاسلون ولا قامو يتمططون دق سلف وخلهم على رمادة نارهم
ترا قد سويتها والله يالها لذه ماتصورها
مكشاتي برونزي
الاصدقاء نوعين :
1/ اصدقاء الخير :
وهذولا قليل وشبه نادر تلاقيهم ، ويعدون على عدد الاصابع !!
شقرديه ورجال "ولا هو نقص فيكم"
اذا جيت تطلع الا انفسهم حلوه مايتشرطون وسواليفهم حلوه وضحك وفكاهه بريئة خالية من الكلام بظهور العالم والحش و الغيبه والنميمه
اذا مريت محل وتنزل تلاقيهم معك تتهاوش معهم على الحساب وكلن يسابق الثاني لان كل واحد عزيز نفس ومايحب البخل او يقول لا خلها بظهر فلان او علان ، بالعكس الكل عنده روح المبادرة للمشاركة لو بالبسيط حسب القدرة المالية
اذا طلعت معهم ، يحرجونك بطيب نفسهم ، كلن يساعدك وفيه روح التعاون ، هذا يطبخ وهذا يصلح قهوه وهذا شاي وهذا يقطع وهذا يغسل وخلال الشغل كلن يسولف ويضحك
اذا جت الصلاة كلن يستنهض همة الثاني ويصلون على وقتها وبلا تاخير لاي سبب كان
اذا جت الجلسه الا هي ضحك وسواليف ماهي طقطقه على واحد ومحاولة اضحاك البقيه عليه وياخذونه فاكهة الرحله بالتعييب فيه !!
واذا جت لحظة الرجعه تلاقي اليدين كلها معاك ، هذا يشيل وهذا يحط وهذا يساعد !!
2/ اصدقاء السوء :
لك ان تتخيل كل ماذكرته سابقاً ولكن على النقيض !!
من يركب يتشرط كأن الرحله علشانه فقط !! واستفزازي لابعد الحدود ويحب عكس الاراء !!
من يشوفك تنزل للمحلات مافي امل اقلها يقول لا هالمره علي انا !! بالعكس مبسوط والابتسامه من الاذن للاذن لانه استغلالي رقم واحد ، وبالاخير ليته يسكت !! تلاقيه قمة البجاحه ويطلبك يقول هات لي معك دخان و بايسن وبطاقة شحن سوا !!
اذا تشتري حطب او خلافه او اياً كان ، تلاقيه من ابخل الناس ويحس انه لو دفع بالرحله ريال واحد معناته ان اصدقائه ضحكو عليه ، فهنا تفكيره العقيم السقيم انه لازم يصير ذيب وماحد يلعب عليه او يخسره !! قمة البخل والشح !!
اذا نزلتو المكان بعد جدال طويل على اختيار المكان على مزاجه !! اخر من ينزل ينتظر انتم فرشتو الفرشات علشان يطيح عليها ويبدى بالانسداح !!
مافي امل يساعد بأي شي !! سوى الغيبه والنميمه والطقطقه على البشريه
اذا جاء وقت صلاة يساعدك على تاخيرها ، يقول حنا ببر لاحقين بس شوين تعبانين نريح ونرجع نصلي او طلعنا برا البنيان خلنا نجمع "كسل"
اذا حان وقت العوده ، يلفلف هنا وهنا لين ينقز على مرتبة السياره ولا في امل يظف شي لانه يحس بالاهانه وانه عامل و عيب يشيل او يحط لانه معزوم بكل بساطه فالمفروض انه مايلمس شي
وبالطريق وانت راجع تلقى جسمك منهد حيله وكل الشغل عليك ، وفوقها ضيقة صدر من خويك الي تحس ان الطلعه كلها فقط لمتعته هو فقط وانت عامل مستأجر لخدمته !!
---------
بالمختصر طلعة البر :
وناسه مشتركة
دفع مالي مشترك
تبادل ادوار بالعمل مشتركه
هنا الكل ينبسط وتلاقي الطلعات تدوم !!
اما خلاف ذلك تلاقي طلعه طلعتين بعدها تقلب عداوة بدل الصداقه
اذاً عليك التالي :
لقيت ناس على جوك ياهلا ويامسهلا
اذا مالقيت احد على جوك اطلع لحالك
تضيق لحالك !! اكسب اجر اهلك وطلعهم للبر
اعرف كثير يميل لطلعة شباب افضل من العوائل
وانا اقول طلعة عائلية اشرف مليون مره من طلعة مع اصدقاء سوء
والعزوبي اطلع لحالك اذا مالقيت احد واقلها تعطي نفسك لحظات صفاء
وهذا افضل كله من ان احد يستغلك ويكدك مالياً وجهد بدني شيل وحط !! بعذر لازم تكون شقردي ولازم تخدم اخوياك وهم يتبطحون علشان يطلعون معك دايم !!
اخيراً / هذي تمثل وجهة نظري ولكل شخص وجهة نظر !!
مكشاتي متقدم
عني انا نفس وضعك يا صاحب الموضوع
واغلب الاحيان طلعاتي لحالي والحمدلله الامور زينه
ما تقدر تجبر احد يطلع معك او تطلع مع احد ماهم راعين بر
مكشاتي متقدم
صدقت والله
كثير مثل وضعك و وضعي بعد ....لاكن فيه نقطة مهمة ان مافي احد كامل
عشان تمشي صداقتك او خوتك مع احد لازم تتغاضي عن كثير من الامور ...
وانت ماشاء الله يابخت من خاواك .... قريب راجع الرياض كود ان شاء الله نقابلك ونتشرف بالخروج معك
اخوك ابوالوليد
مكشاتي
والله طلعة البر لابد من خوي يوسع الصدر الله يررقك بالصحبه الطيبه
الذين يشاهدون الموضوع الآن: 1 (0 من الأعضاء و 1 زائر)
ضوابط المشاركة
رد مع اقتباس