السلام عليكم ورحمة الله وبركاته ..
وش الحل مع صرفية البنزين للباترول se 2012
توي شاريه واشوفه يشرب بزيادة
هل فيه حل مثلا تغيير البواجي .. او تغيير طرمبة البنزين بنوع آخر
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
السلام عليكم ورحمة الله وبركاته ..
وش الحل مع صرفية البنزين للباترول se 2012
توي شاريه واشوفه يشرب بزيادة
هل فيه حل مثلا تغيير البواجي .. او تغيير طرمبة البنزين بنوع آخر
سبحان الله وبحمده .. سبحان الله العظيم
أستغفرك اللهم وأتوب إليك
البواجي لها دخل بالصرفيه بس مو واجد
وشيك على موترك لا يكون الحساس اللي بالقزوز خربان
لان اذا خربان مايقرا كمية الكربون اللي تطلع ويعطي الكمبيوتر امر للطرمبه انه تضخ بانزين اكثر
بس افحصه كمبيوتر وشف وش السبب
:
صفاية البنزين لها دور بالصرفيه .. غيرها
لكن الاهم .. عطنا كم يمشيك الموتر بالديره وكم يمشيك بالخط واذكرلنا نوع البنزين المستخدم ٩١ او ٩٥
بعد هذي المعلومات يبي يفيدونك ملاك بطل الدروب بنوع الصرفيه اللي عندك يمكن طبيعيه
والله يعطيك خيره ويكفيك شره
:
----------------
(( اللهم احفظنا بحفظكـ ... ))
سبحان الله وبحمده ... سبحان الله العظيم
تغطيات حصريه للسيارات واسعارها على السناب
للاضافه السريعه اضغط الرابط
https://www.snapchat.com/add/asj770
للاضافه باسم المستخدم : asj770
SNAP & INST & Twitter: asj770
أتشرف بمتابعتكم على برامج التواصل الإجتماعي
----------------
الباترول شي طبيعي معروف عنه صرفيه البنزين بزياده
واذا كان معك سياره صغيره قبل هالسياره اكيد راح يصير غير طبيعي
والسياره لو فيها تقطيع او ضعف عزم كان يكون من البواجي وصفايه البنزين بس هذا شي معروف بالباترول يصرف
البترول معروف بزيادة صرفية البنزين بأختلاف عن السيارات الاخرى
مشكورين أخواني على التجاوب
- البواجي قديمة وماشي حول 100 ألف
- عداد البنزين مخرف أعبيه فل امشي فيه مشوار وتولع لمبة البنزين وفجأة يرتفع للثلاث أرباع وبعدها يرجع فل طبيعي ؟؟!!
- لا يوجد ريحة كربون .
- عبيته 95 يمشي حدود 500 بالمدينة وهلحين غيرت إلى 91
- من القصيم لحايل 250كم استهلك ثلاث أرباع التانكي تقريباً ؟؟!!
وعليكم السلام
الباترول الجديد صرفيته ممتازه اذا تمشي 140 يمشيك 900 كيلو والبنزين 91
اما التخريف المشكله من العوامه
طبعا هو فيه تانكيين تانكي 100 لتر وتانكي 40 لتر
والربع الاول مسئول عنه عوامة 40 لتر أي ربع الفل العلوي
والتلاث ارباع الباقي مسئول عنه عوامة التانكي الكبير 100 لتر
يعني اول ما تعبئ فل يقوم يخرف العداد فا المشكله من عوامة الصغير
اما اذا خلص الربع الاول وثبت العداد على الثلاث ارباع فعوامة الكبير سليمة ,,,والعكس صحيح
والمشكله عندك من العداد واللى هو ما يصرف ابدا وافضل من الموديلات السابقه
الباترول تانكيه اصغر
اذا قارنته بسيارة قارنه بنفس نوع سيارتك
الموتر بيمشيك فوق 700 ك دامه جديد وللمعلومه الشركه معطيه احتياطي اذا ولعت اللمبه 170 كليو يمشيك وابشر في الخطوط بموتر يوفر اهم شي عب 95 وتوكل على الله من واقع تجربه
الباترول الجديد على حجم مكينته صرفيته ممتازه
وموترك عبه فل واحسب بالكيلو كم يستهلك.
وزي مقال الاخ ابو سند وتميم
السلام عليكم
اخوي هناك برمجه للكويلات اذا تم تغيير سابق للبواجي
ويتم في الوكاله
وبتلاحظ بعده هدوء في صوت المحرك وكذلك توفير للبنزين
العداد عندك مخرف 100 %
انت عبئ فل ,وبعدين راقب العداد
اذا تشوف العداد يخرف , وبعد ما تحس ان الربع الاول خلص ,وبعده ضبط العداد فمعناه من عوامة التانكي الصغير
اما اذا شفت العداد يخرف بين فتره واخر ومثلا التانكي فيه النص او الربع فا المشكله من عوامة التانكي الاساسي
موقع عوامة التانكي الصغير ,لازم تفك المراتب الاخيره وترفع الفرش وراح تحصل صاجه دائريه فيها 4 مسامير فكه وراح تشوف العوامه وطبعا التانكي الصغير لايوجد فيه طرمبه فقط عوامه
اما عوامة التانكي الكبير ,ارفع المرتبه اللي خلف السائق والفرش
والعوامه على العموم لو تحصل كهربائي جيد راح يصلحها لك بدون تغيير , ومشكلتها دائما ان ابرة القراءه تبتعد عن ملامسة خارطة القراءه وبكذا تكون اللخبطه با العداد , واصلاحها عمليه ربط الابره بجرم العوامه
مشكورين أخواني ومشكور خبيرنا المميز أبو سند وعافاك الله
ابقول لك وش صار بالتفصيل
قبل 3 أيام عبيته فل ووقفته عند البيت
قبل أمس رحت مشوار بسيط ونزل الربع الأول
أمس رحت مشوار بسيط 4 كيلو رايح و 4 كيلو جاي وصل البنزين للنص ؟
بهالحالة الخلل من عوامة الصغير وألا الكبير يالغالي ؟ وأدري تعبناك معنا بكثر الأسئلة لكن تحملنا شوي
اليوم وصل للربع الأخير وأحيانا النص
آخر شيء ثبت تحت الـ E
وعبيته بنزين فل 42 لتر
الذين يشاهدون الموضوع الآن: 1 (0 من الأعضاء و 1 زائر)