السلام عليكم ورحمة الله وبركاته
حي كلن باسمه
بِسْم الله الرحمن الرحيم والصلاة والسلام على اشرف الأنبياء والمرسلين ..
انا كانت عندي مشكله الي هي مكيف الهايلوكس اذا وقفت يضعف تبريده او ما عاد يبرد وهذا حال اغلب المواتر الي مروحة كرنك يضعف التبريد اذا وقفت
الوكاد اني ركبت له مروحة اضافيه وحبيت اوريكم واشرح الطريقه للفايده لاني بصراحه انا دورت شرح للهايلوكس ما حصلت
اول شي المروحه انا خذيت الصينيه ب90ريال مقاسها 12v80w(صناعية العاصمه محل الشائع)
ثاني شي ضفيرة طبعا الي ماله خبره بالكهرب ياخذ ضفيرة زينون من محل الزينه ب50 ريال
ثالث شي قواعد للمروحه انا ركبت قواعد البوري من سياره عندي
هذي المروحه
هذي الضفيره
طبعا انا صورتها بعد ما نقصت سلكين مالها لزوم
هذي السلكين الي شلتها كلها لونها اسود و واحد منها فيه خط ابيض
هذي الأسلاك الي تخليها ( سلكين لونها احمر متقابله وسلكين لونها اسود مشبوكه مع بعضها وسلك بني لحاله) حبيت أوضح
هذي السلكين واحد منها فيه فيوز توصل الي فيه فيوز لموجب البطارية والسالب لو حبيت فالبدي او فالبطاريه براحتك
والكتاوت
بشرح التمديد كل سلك وين مكانه بس اعذروني بعض الأسلاك نسيت اصورها بس بوضح بالكلام
(تأخذ السلك الاسود الطويل وتحطه مع الأحمر الطويل تحصله جنبه عطول وشرطنها عشان ما تضيع هذي تروح للمروحه مباشره وتركب (الأسود مع سلك المروحه الأزرق والأحمر مع الاسود ) عشان اتجاه دوران المروحه
السلك البني يروح للفيش حق حساس الكومبرسر طبعا الفيش فيه سلكين تركبه بالسلك الي فوق موضح بالصوره والله يعينكم مكانه عسر شوي
وهذي صوره ثانيه شف السلك جاي من هالفيش الى فيش الكومبرس تركبه فيه
اخر شي سلكين الكهرب الأساسيه حقت البطارية
الي هي اسود واحمر قصيره مثل ماهو فالصوره
القواعد الي تجي مع المروحه البلاستيك ثبتها بلحام بارد
المروحه بعد التركيب
ملاحظه: المروحه لا تسحب كهرب كثير او تضعفه ولا تسبب اي شي للموتر ومجربه ويشهد علي الله
اسف ع الاطاله واتمنى كل شي واضح واذا فيه شي انا موجود ويالربع والله الموضوع أتعبني هنا اكثر من شغل السياره ههههههه والصور مدري بتضبط ولا لا لاني من الجوال ومستخدم برنامج لكن اذا ما طلعت بيكون فيه رابط الصوره
فمان الله استودعتكم الله