حراره باترول 4500 موديل 99

[ابو انمار]

الرديتر نظيف مغير قبل 7 اشهر لاحد يقولي غيره
البلف جديد اصلي
المراوح تعمل بشكل ممتاز
طرمبه المويه
غطا الرديتر تم تغيره اصلي
الليات والخراطيش ممتازه مافيها تهريب والمويه ماتنقص ابدا

والحراره مع الوقوف الكثير وتشغيل المكيف ترتفع الي ماقبل النص بشوي ولما اطفي المكيف تنزل الي الربع او فوقه بشوي

حسب البحث والاستشارات بقي نشيك على الشكمان وسلك السالب الموصل من البطاريه لبدي السياره والمكينه حاولت اليوم اطلع الدنيا زحمه فا اجلت كل شي الي بعد العيد الله يبلغنا واياكم

طلبي الوحيد اخواني اعضاء مكشات وش كمان تشورون علي فيه اشيك عليه غير اللي ذكرته

الله يوفقكم ويسعدكم

سؤال اخير

هل رديتر المكيف له علاقه بالحراره
اتمنى من الاعضاء والاخوان والمشرفين اصحاب الخبره الافاده
واعلمو ان الله سيكون بعونكم مادمتم في عون اخيكم

والله يوفقنا واياكم

[الوسم]

آخر شيء في نظري

إذا كان كللش سليم

( وزن الديلكو )

ولكن دليل هالكلام انه إذا اسرعت ترتفع الحراره

فهل هالكلام عندك أم لا ؟؟؟

يعني إذا جلدت السيارة بالمشي والسرعه .. هل ترتفع الحراره

أم لا ... ؟؟؟؟

ملاحظه .... أديتر المكيف هو وسط هالمعمعه

فإذا كانت الريش حقاته متسكره على بعض فطبيعي إنه يحجز الهواء عن الدخول للمكينة لتبريدها وهذا سبب لإرتفاع الحراره

في إنتظارك لللفحص وبيان الأسباب

وتبشرنا بأنك لقيت العلله إن شاء الله

[ابو انمار]

السلام عليكم

بالعكس لما امسك خط الحراره تنزل طبيعي
اديتر المكيف مو متسدد من الخارج
لكن في شخص صاحب محل لديترات قال انو صلاحيته انتهت لانو شد بلد ما تغير ابدا وموديل الموتر 99 يعني له 14 سنه


المشكله بالوقوف والزحمات وخاصه مع تشغيل المكيف تبان اكثر الحراره

[ابو انمار]

للرفع والمشوره

لاتبخلون علينا

[ابو انمار]

السلام عليكم

اخواني قبل شوي نزلت وشغلت السياره وراقبت المروحه الرئيسيه شد بلد
لقيت فيها رجه خفيفه كانها تتهز بالرغم اني مغير الاوتماتك اصلي


وش بتكون المشكله من وجهه نظركم يا شباب مكشات

[aeyashi]

شيك على المراوح الاماميه ظروري انا عانيت وتعبت وغيرت الديتر وكل ادوات الحراره وبتلاخير طللعت المروحه الاماميه كانت تعلق وكنت اشوفها تشتغل لكن ظعيفه وتتوقف

[سعد العايش]

اخي العزيز من واقع تجربه بسفاري كذا مديل شيك على اشبك حق راديتر المكيف ( المكثف ) تراى يمنع وصول الهواء الى الرديتر وشيك على حكارات الهواء
1 - الحكاره الأساسيه
2- الاسفنجات الي فوق ارديتر
ملاحظه ارديترالصيني سيء جداً الهندي افظل منه
وان كان اصلي افضل ونشالله خير

[الوسم]

للمعلومية ....

كان لي تجربة مع الأديتر الصيني

وسلمت منه ولله الحمد

ركبته ولا كمل 7 شهور ممتااااااز التبريد

ولكنه إفقع فقع !!!!!

إي نعم ... إنفقع ..

ورجعت شريت الأديتر الأصلي شد البلد بألف وميتين ريال غير التركيب والمويه

وبالنسبة لك..

لا عاد توقف إلا مرغما وإذا إنحديت على الزحمه !!!

طف المكيف ألين تفك الزحمة

وبالتوفيق

[ابو انمار]

للرفع والاستزاده من الخبرات

[MOHMMADal]

السلام عليكم اخي الكريم شوف وزنية الديلكو له علاقة بالحرارة

[احمد النزهه]

نفس موتر ي يبخاخ ترتفع الحرارة فوق الربع وش الحل يالربع
ارمب مراوح

[SGL]

السلام عليكم

اخواني قبل شوي نزلت وشغلت السياره وراقبت المروحه الرئيسيه شد بلد
لقيت فيها رجه خفيفه كانها تتهز بالرغم اني مغير الاوتماتك اصلي


وش بتكون المشكله من وجهه نظركم يا شباب مكشات

طف الموتر وأمسك المروحة وهزها بيدك فوق تحت يمين يسار إذا فيها فضاوه واضحة يكون الخلل من طرمبة الماء وتأكد إن المهندس ركب المروحة على الكلتش صح ترا بعضهم يركبها معكوسه ولاهو داري

[F34666]

يابو انمار اسمع من وخذ المناسب لك اذا كانت السيارة ترتفع الحرارة عند الوقوف يكون المشكلة في تماتيك المروحة هذي واحدة وانا عارف انك مغير جديد يمكن مغشوش او خربان واذا كانت السيارة ترتفع عند السير بسرعة 140 وما فوق فالسبب هو الراديتر عنديلك حل غير مكلف شفلك واحد معه نفس موترك تعرفة وتمون عليه ولا عنده مشكلة بالحرارة وخذ من سيارته التماتيك وجرب

[ابو انمار]

خلاصه الكلام يا شباب

المروحه الرئيسيه لما تشتغل السياره وهي واقفه تدور بس تحس فيها رجه بسيطه

ولما تدوس بنزيم تروح الرجه

الشك بطرمبه المويه يكون فيها ضعف او البكره اللي عليها السير
بالرغم ان الطرمبه كويسه وتقلب المويه حسب كلام راعي الرديترات

الليله باذن الله نكشف اللغز الكبير واوافيكم بالمستجدات


اشكر كل شخص رد وارسل رساله
اشكره من كل قلبي
لا عدمناكم يالغاليين

[الوسم]

في إنتظارك يا أبو أنمار

وإني أكثر شوقا لمعرفة السبب