مركى او تكاية للباترول

[N.m.a]

سلام عليكم

ابحث عن مكان وجود مراكي للباترول الربع
وين القاها بمحلات البر ولا محلات العزب بالغرابي ؟

ولا وين ؟

احتاج زي حقت الطير لاكن ما ابيها لطيور والسبب لانها مرتفعه

[المميـز]

:

محل كشته بالحفر لهم حساب بالانستقرام وفيه صور مراكي
واعتقد يوصلون على الطلب .. وفيه بالغرابي محلات بس الله يعينك تدور

:

[You Like Me]

وعليكم السلام ورحمه الله

اذا انت فالرياض تلاقيها عند السماعيل - السليماني فالغرابي

[N.m.a]

وعليكم السلام ورحمه الله

اذا انت فالرياض تلاقيها عند السماعيل - السليماني فالغرابي

جزاك الله خير وفرت على العناء الكثير

لاكن متوفر عنهم جميع انواع المراكي و المقاسات ؟

[N.m.a]

:

محل كشته بالحفر لهم حساب بالانستقرام وفيه صور مراكي
واعتقد يوصلون على الطلب .. وفيه بالغرابي محلات بس الله يعينك تدور

:

الله يجزاك خير يا بيه

ارسلت لهم وتس

[zaid_VTC]

توني شاريها من يومين من عند العطاس بالغرابي

اسأل عن الغطاس وبيدلونك وترا سعرها 250 طبعا باترول صالون

[N.m.a]

توني شاريها من يومين من عند العطاس بالغرابي

اسأل عن الغطاس وبيدلونك وترا سعرها 250 طبعا باترول صالون

اتصلت على العطاس قال لي مافيه مركى طير

والمركا العاديه طامنه ولا ترتكي عليها يدي بالعربي ما ارتاح

قال تركب حقت الاندكروزر للباترول تعال نجرب ونشوف

[السومر]

شف اللي عند كشتة في حفرالباطن ممتازة وتفصيل جديد يختلف عن الموسم الماضي

اضافة فتحتين اكواب اعلى المركه .

[التعـ King ـديل]

مر على العطاس وشف وش عنده بالنظر

العطاس جنبه اكثر من محل عندهم نفس الطلب

موقعهم وانت داخل من عند سوق الخيام وجهك للاشاره في اول عماره يمينك بتلاقي السماعيل وجنبه فتحه تدخلك على السوق ادخل منها بتشوف درس بالوجه وعلى اليسار العطاس وجنبه محل

[باترول97 لكزس]

السلام عليكم ... تواصلت مع مندوب مؤسسة كشته بخصوص تكاية باترول 97 حقت الطير وتفاجءت بسعرها ب370 غالي واحاول فيه الرجل متمسك بالسعر بحكم انه منظوب وليس بيده حيله ... ايش رايكم يا جماعه هل تستاهل 370 ؟؟؟ حتى لو كانت تفصيل وخامتها جيدة وجودة === تسوى 370 ؟

[باترول97 لكزس]

تصحيح .... مندوب

[][][زلفاوي][][]

عندك الله يحفظك محل المقناص او القناص ماني متأكد من الاسم شرق الرياض شارع سلمان الفارسي تتجه شمال اول اشارة تلف يمين على شارع السديري هناك في محلات للصقارين وتجهيزات سياراتهم من تلابيس وغيره وبتحصل مركى الطير عندهم واذا لك روحة للكويت فيه محل بالشويخ متخصص بتفصيل المراكي هذه ولك الخيار حتى بمواصفاتها بالشويخ حول محلات الزينة ان كنت من مستخدمي الانستغرام ابحث باسم مركى او مراكي وتحصل رقم المحل وعنوانه والله يوفقنا واياك لكل خير.

[N.m.a]

جزاكم الله خير

صلحت المركى حقت سيارتي كانت متفتقه وضبتطها والحمد لله ماعاد احتاج غيرها والسبب كان ارتفاع سعر المراكي