قصتي مع خفر السواحل وإهاناتهم!!! في حل؟؟

[دمعة عيون]

السلام عليكم,

كيف الحال شباب,, بدخل في الموضوع, كنا طالعين طلعة بسيطة للبحر بمنطقتنا في القطيف وكنا ندور مكان في صيد حلو, جهزنا العدة ومشينا ودخلنا من جهة رملية نسميها تركيا ونزلنا الأغراض وبدينا نصيد,, فجأة جانا خفر السواحل وقال المنطقة هذي ممنوعة, قلنا مافي شي يبين لنا إنها ممنوعة ( مافي لوحة ولا دورية ),, أخد إثباتاتنا وكلم النقيب, جاء النقيب وأخد الإثباتات وقال لنا تعال المركز بسياراتكم وشيلو الأغراض, طبعاً علشان يجي النقيب من المركز إستنينا حول الساعة وشوي, رحنا المركز وإستقبلنا العسكري على الباب وقلنا نبي الإثباتات, قال هلا بكم إدخلو المركز وشوفو النقيب وش يقول, مجرد فتحنا الباب طلع في وجهنا رئيس المركز وهو يصارخ أطلعو برة ممنوع أحد يدخل ووش عندكم, قلنا له نبي إثباتاتنا, قال لنا روحو السيارة وإستنو, إنتظرنا حول الساعة وجا قال للعساكر يفتشو السيارة كامل ووقعنا على تعهد وبصمنا, جيت أكلمه بأسلوب وإحترام قلت له يالغالي أحنا ما ندري إن المنطقة ممنوعة, الا يقول أي منطقة مظلمه ممنوعة في الليل فأي مكان تفهم ولا ماتفهم, قلت له طيب ليش مافي لوحة حتى نعرف, الا فجأة يصارخ ويقول لا تقعد تستهبل لا أجرجرك داخل المركز زي الكلب وأنقعك يالرافضي!!!, طبعاً أنا ما قدرت أقول شي لأن السلاح بيده, قلت له يسلمو ومشيت وأنا مشتعل نار من القهر, فيا أخوان هل في طريقة آخد فيها حقي وحق إهانتي منه؟ ما توقعت هالأشكال موجودة فعهد ملكنا سلمان,

المركز هو ( مركز خفر سواحل الزور )

بإنتظاركم,

[sameer_1798]

ياخوي البحر يعتبر منطقه حدوديه وتحت مسؤلية حرس الحدود ومع الاوضاع الامنيه الحاليه لاتستبعد اي شيء يسير وماينلامون , حتى التخييم حوله في الاوقات العاديه لابد من أخذ الاذن منهم بتصريح تخييم .

[دمعة عيون]

ياخوي البحر يعتبر منطقه حدوديه وتحت مسؤلية حرس الحدود ومع الاوضاع الامنيه الحاليه لاتستبعد اي شيء يسير وماينلامون , حتى التخييم حوله في الاوقات العاديه لابد من أخذ الاذن منهم بتصريح تخييم .

عارفين الأوضاع الأمنية يالغالي وما نلومهم فيها ومقدرين تعبهم بس ما توصل لدرجة الإهانات ورافضي وكلب سلامات؟؟؟ معقوله ما في احترام للمواطن ( خاصة عندنا في القطيف )!

وياليت لو في طريقة أشتكي فيها باللي صار حتى ما تتكرر ويكون إحترام على الأقل!

[خشكاري]

ياما اشتكينا منهم ومن سوء تعاملهم واخلاقهم ولو تاخذ لفة في المواضيع تقرأ بلاوي .. رجل امن على عيني عندك تعليمات على راسي بس احترم الناس وخل تعاملك راقي .. صار لنا موقف مشابه لموقفكم قبل كم سنة بمركز ابو مريخه ومافيه أي شيء يدل انها منطقة ممنوعة وكان ملازم اول وطول لسانه بشكل خلانا نحس اننا مجرمين ولا متسللين !! تدري وش سوينا قلنا له ماراح نترادد معك بنفس اسلوبك الاثباتات والرخصة خلها عندك مانبيها ومشينا .. وصلنا السيارة الا العسكري جاي ورانا بالاثباتات يقول ماعليش ياشباب يرقع للضابط .. خذنا اثباتاتنا والنفوس ضايقه واحلى تفحيطه عند مركزهم من القهر هههههههه رحنا على السيف وقلبناها سنارات

[خشكاري]

عارفين الأوضاع الأمنية يالغالي وما نلومهم فيها ومقدرين تعبهم بس ما توصل لدرجة الإهانات ورافضي وكلب سلامات؟؟؟ معقوله ما في احترام للمواطن ( خاصة عندنا في القطيف )!

وياليت لو في طريقة أشتكي فيها باللي صار حتى ما تتكرر ويكون إحترام على الأقل!

شي ثاني ياخوي معليش اسمح لي انا اعرفهم زين يطول لسانه بألفاظ لكن مستحيييييل يقول لك رافضي !! وترى في كل القطاعات مش بس سلاح الحدود وخفر السواحل مستحيل تعرف وش معنى مستحيل رجل أمن يقول كذا .. لذلك لا تقلبها مظلوميات واللي يرحم والديك

[ahmed bishr]

يا شباب الله يعطيكم العافيه الموضوع به هذه الكلمه لخلق فتنه بين الناس رافضي سني وثني ربنا هو اللي يحاسبك و يحسبنا كلنا و ربنا يهدي الجميع اما رجال حرس الحدود هنا في المملكه و الله انا ماشوفت مثلهم في ادبهم و اخلاقهم و انا مصري و هوايتي الصيد و حصلى مواقف كثيره كانوا بصراحه في كل مره قمه في الاخلاق و التعاون ربنا يكون في عونهم و يبعد عنا الفتنه و اهلها

[ابو سليمان بن]

هههههههههه هههههههههه
والله ماني مصدق انه قال لك رافضي ﻻن هالشي مستحيل تسمعه من عسكري سعودي .. واذا كنت صادق رح اشتكي