السلام عليكم خاص لاهل الباترول مكينة لكزس

[صقرالسعودية]

السلام عليكم
شباب انا نويت باذن الله اركب مكينه لكزس على الباترول في لامارات
ابغى احسن ورشه تركبها وسعرها طيب
الرجاء الرد في اسرع وقت
وشكرا

[جموول]

وانا معك ابي اشوف التكلفة والشغل الزين

[صافي العتيبي]

اللي اعرف التكلفه من 8 الا 9 بدون مصاريفك

ولاكن فيه متعب السيف بصناعية الرواف ببريدة
مضبوط وسعرة زين ب15 هو مشتغل موتري

[أبومحمدالشهري]

من رأيي تشتغل موترك بالسعودية
علشان لو جاته عطلات أو شي فترة التجربة الكراج موجود بالسعودية
وإذا مُصر على التركيب بالإمارات لاتركب إلا مكينة لكزس موديل 98 _ 2000
أداءها أفضل من 97 وتحت
وبالنسبة للسعودية أفضل الكراجات تركيب للكزس بدر الحمد والمسلم

[أبــ تميم ــو]

أنصحك بكراج جوي في منطقة الذيد التابعة للشارقة جيد ومتمكن من شغله..

فيه كراج سرحان في صناعية عجمان شغله متوسط وسعره ثمانيه..

وياليتك تزودها خمس الاف وتركب مكينة في اكس ار أفضل وأصبر وأقوى..

بالنسبه للكزس جربت مكينة الالفين بهذلتني بالخرابات وتوني بدلتها بمكينة 97 ولا بعد تبين شي بس اصلاحاتها أفضل وأسهل من موديل الالفين

[أبومحمدالشهري]

أنا قلت أفضل بالأداء وهذا معروف ولايختلف على ذلك مجرب

لكن من 98_ 2000 محتاجه واحد فاهم بالبرمجه ، لو تبرجمت صح بينبسط من المكينة

و 97 وتحت معروف بالكد والمد لكن لو ركب 2000 زين وبركة

[صقرالسعودية]

هل مكينه الكزس من 98 الى 2000 /430

[باترول97 لكزس]

من 98 الى 2000 حجمها 4000cc او باللفظ الدارج حجم 400
لكن يميزها نظام ال vvti وبوابة الكترونية