استفسار ربع التويوتا او ربع النيسان

[ابوفهدالرويبي]

السلام عليكم ورحمة الله وبركاته
ياخوان عندي استفسار الله يجزاكم بالخير
انا معي مبلغ بسيط حول 45 الف وناوي اشتري لى سياره دفع رباعي ومحتار بين
موترين الى هي ربع باترول 2006 ل2009 او ربع تويوتا 2010 طبعن مرشوش او جايه قلبه انا رجال ابغا الموتر للبر وللمقناص وودي بموتر يبيض الوجه فالنفوذ وسمعت ان خربات الباترول واجد فالى عنده خلفيه او نصيحه ياليت مايبخل فيها ولا خاب من ستشار

[جب هآت ود عط]

تبي نصيحتي دراهمك قليلة وما راح تجيب لك الا موتر مستهلك ابو ابوة بيبهذلك بالخرابات وبعدين بتلعن بالموتر والوكالة سواء تويوتا ولا نيسان
لكن اصبر وتصبر كم شهر لين تزود دراهمك وخذلك موتر للبر وللديرة جميع وبتلقى ذا الموتر باذن الله بحدود 70 -80 ويمكن اقل الله يوفقك

[امير المشاعر]

مرحبا فيك يا اخوي
والله المبلغ اللي معك قليل لاكن ابعد عن اللي فيه رش ومقلوب واللي ملعوب فيه
عندك عدة خيارات يمكن تزيدها شوي وبتجيب لك شي طيب

الهايلكس الدفرنسين (بتحصله بحدود الخمسين نضيف ودفع رباعي من 11 الى 12
الاكستيرا (حليو مطبه اقشر شوي لاكن قوي ويبيض الوجه
الفروتشنر السته سلندر (تحصلها من الخمسين 2010 وعملي وحمار مكدة تكرم
الباجيرو الربع حليوو (مشكلته القطع
الباترول الربع 2005 2007 حليوات اذا حصلت النظيف
واهم شي استخر وربي بيقسم لك اللي فيه الخير لك باذن الله

[المميـز]

:

ارشح لك باترول ربع ٢٠٠٩ تبي تلقا نظيف بحدود ال ٤٥ ان شاء الله
الله يكتب لك اللي فيه الخير ولاتنسى تستخير

:

[ssas1919]

:

ارشح لك باترول ربع ٢٠٠٩ تبي تلقا نظيف بحدود ال ٤٥ ان شاء الله
الله يكتب لك اللي فيه الخير ولاتنسى تستخير

:

النظيف ما تاخذه دون الستين

[أبومحمدالشهري]

بصراحه الباترول إذا مو مكينته فتك ماراح يعجبك ومابيعطيك الأداء المطلوب
ومثل ماقالوا الإخوان إذا مابتشري نظيف نظيف ولا تراك بستأجر غرفة بالصناعية من كثر العطلات
وأتمنى من ضمن خياراتك أف جي ، سيارة حلوه وعزمها ممتاز جدا إضافة لذلك عدد ركاب وشنطة واسعه
وأصنفه أنا من سيارات الجيوب الربع الواسعه
لكن لاتطلع عن : باترول _ كبسوله _ أف جي

[ابوسند9]

:

ارشح لك باترول ربع ٢٠٠٩ تبي تلقا نظيف بحدود ال ٤٥ ان شاء الله
الله يكتب لك اللي فيه الخير ولاتنسى تستخير

:

ال 2009 النظيف فوق 60 الف ويوصل 70 اللي ممشاة قليل

[سقم المعادي 1]

باترول ربع خيار جيد لو حصلت نظيف

و فيه موتر اذا مايهمك شكل ورزة بتحصل بالميزانيه اللي معك شيء نظيف بالحيل و ممشاه قليل دون الـ100 الف

اللي هو الباجيرو ربع ان طحت بشيء نظيف مكينه 3.8 موتر طيب بالحيل و مريح مركب و صبور

[سحب ممطرة]

انصحك بالهايلكس الدبل 2009-2015

موتر يغنيك عن الجيوب ومايرده شي ماشاء الله عليه

يشيل 5 من خوياك و عزبتك بالصندوق

[مطر وسم]

انصحك بالهايلكس الدبل 2009-2015

موتر يغنيك عن الجيوب ومايرده شي ماشاء الله عليه

يشيل 5 من خوياك و عزبتك بالصندوق

نصيحه طيبه اسمع كلامه ^^^^^^

[السليطين]

الباترول ربع 2009 ..

العزم عادي .. عملي جدا . مريح .. مايرده شي بالنفود باذن الله ..

الربع التويتا ...

العزم قوي .. مشكله المكينه غير عمليه الراسين السبايك دايم تعض وعمود الكرنك سريع الانكسار ..

الاكستيرا قير عادي ...
عزم جبار .. عملي جدا .. متوسط الراحه .. مايرده شي بالنفود ..

الهايلوكس ..

العزم ردي جدا بالنفود .. غير مريح ابدا .. غالي على سياره 4 سرندل ..

الفورتشنر ..

العزم قوي .. متوسط الراحه .. مايرده شي بالنفود .. مشكلة المكينة نفس مشكلة الربع التويوتا .
الكارونه فيها نوع من الضعف ..

[الفهيد بدر]

خذ باجيرو سبورت تحصل 2011 بهذا السعر وممشا قليل

[ssas1919]

الباترول ربع 2009 ..

العزم عادي .. عملي جدا . مريح .. مايرده شي بالنفود باذن الله ..

الربع التويتا ...

العزم قوي .. مشكله المكينه غير عمليه الراسين السبايك دايم تعض وعمود الكرنك سريع الانكسار ..

الاكستيرا قير عادي ...
عزم جبار .. عملي جدا .. متوسط الراحه .. مايرده شي بالنفود ..

الهايلوكس ..

العزم ردي جدا بالنفود .. غير مريح ابدا .. غالي على سياره 4 سرندل ..

الفورتشنر ..

العزم قوي .. متوسط الراحه .. مايرده شي بالنفود .. مشكلة المكينة نفس مشكلة الربع التويوتا .
الكارونه فيها نوع من الضعف ..

مكينة الفورتشنر مثل مكينة الهلكس

[اليامي قطر]

عليك بالتويوتا تراه صبور وحمار مكده

[ابن كديميس]

اذا تبغى ربع تويوتا فيه رش دور ربع 2000الى 2006
ازين و عملي اكثر
واذا تبغى 2010 دور النظيف بتحصل سعره الستينات والمرشوش ابعد عنه.
والربع النيسان احرص ثم احرص على الموتر النظيف لو تاخذ 2006 نظيف خصم افضل من 2009 مرشوش