يا اهل الباترول

[ابوعمر القاسم]

بسم الله الرحمن الرحيم

انا قبل فتره شريتلي باترول بيك آب (شاص نيسان) ممشاي ٨الاف واشوف فيه تهريب في الدفرنس الي قدام وش حله
٢-انا شاريه من المعارض ابي ادخله تبع الوكيل العيسى شلون

[امير المشاعر]

اخوي قبل كل شي السلام عليكم ورحمة الله
ثاني حاجه روح للعيسى وافتح ملف فقط اذا ضمنت انهم فتحو لك ملف ارجع وخلهم يشوفون لك المشكله

[جنيفاوي 503]

السلام عليكم ورحمة الله وبركاته
اول شي اذا انت مغير الزيت والسيفون اغسل بطن الموتر وعقب شف فيه تهريب ولا لا
واذا تاكدت ان فيه تهريب رح للعيسى واطلب تفعيل الضمان وهم بيتاكدون ان موترك خليجي او سعودي كذا بيفعلون الضمان
واذا صار اردني او عراقي فالله يكون في عونك مايتفعل الضمان
وعاد العيسى من اسوا الوكلاء وعن تجربه موتري شاص نيسان وخربت طرنمبة التانكي الاحتياطي وجلس عندهم عشرين يوم
وفي الورقه مكتوب خمس ايام ويخلص

[الشيخ الظريف]

كان عندي جمس دبل وفيه تهريب من الصوف وقال لي واحد ممارس القياده بسيارات المرسدس القديمه امش على الجمس مسافه حتى يحتمي الموتر يعني اكثر من ٣٠ كلم ثم اوقف السياره وهي حاره ورش ديزل على مكان التهريب وفعلت ما اشار علي به وتوقف التهريب