سهيل هل وبشر اللي يبونه .... اللي يحسبون الليالي بعداد

[صافى السريره]

بسم الله الرحمن الرحيم

رد على مجارات الشاعر القدير /احمد المكتوم على قصيدتي التي مطلعها ( الحر حر(ن) لو تقطب عيونه)

سهيل هل وبشر اللي يبونه
.................... اللي يحسبون الليالي بعداد

يبون لين سهيل تقفي ضعونه
................ والطير جاهز والقنص فيه ميعاد

وانا اعشق المقناص واهوى فنونه
................ وطيري معي شقران للصيد جلاد

وزان الشعر والقاف زانت متونه
.................. والنظم معكم يااحمد اليوم ينقاد

قوده كما سيل(ن) تعدى حصونه
................اسقى الفياض وحار فيها له ازباد

ذا راعي الدمام من طال بونه
............. شاسع وهو في الشعر ماهر وقد ساد

قد ساد ياما يقصر الشعر دونه
.............. ومثلك يابن مكتوم في القول قد جاد

ابيض شفق يشعق من الطيب لونه
............ محكم ومسبوك(ن) على كيف ما راد

آل- بوهلال التميمي(ابوراكان)

[احمدالدمام]

صح لسانك يالغالي وجمل الله حالك
---------------------
شرفتني يا شوق ام (ن) حنونه
ويا ذخر ابوك وبذرة الجود الأجواد
ونضمت لي قاف (ن) مذيل بنونه
يشع برقه وتبع البرق رعاد
الصدر زمجر واصطفق في مزونه
والعجز يصدح في سما البيت رداد

[عجيبان]

الله عليكم ، صح الله لسانكم جميع على المجاراه الجزله هاذي

[أبوعبدالرحمن99]

[شعوفاان]

صح الله لسانكم جميع

[صافى السريره]

صح لسانك يالغالي وجمل الله حالك
---------------------
شرفتني يا شوق ام (ن) حنونه
ويا ذخر ابوك وبذرة الجود الأجواد
ونضمت لي قاف (ن) مذيل بنونه
يشع برقه وتبع البرق رعاد
الصدر زمجر واصطفق في مزونه
والعجز يصدح في سما البيت رداد

صح لسانك ماقصرت الله يعطيك العافيه جزل والكلام من جزل.



يا صاحبي والشعر ترغب عيونه
.......................... لو كان له بعض الاحايين مرصاد

والحر طبعه مايحب المهونه
............................ يجزع الى جاله من العسر منكاد

وكان الشرف مني فلك منه مونه
............................... الاوله عندك وانا كنت طراد

والقاف وان ذيّل بنونه فدونه
............................. معنى ومبنى محتسينه للانشاد

واليوم قبل الظهر جتني نمونه
........................... نمونة(ن) من صافي البدع تزداد

من حد شرق المملكه جت لحونه
...........................احمد صدح بالقاف والقاف له جاد

يازين ديرتكم بها هاف مونه
........................... ياما على جال البحر كنت وراد
آل بوهلال التميمي (ابوراكان)

[صافى السريره]

[QUOTE=أسير النور;10534238][center]



[POEM="type=2 color=#0066CC font="bold x-large Arial, Helvetica, sans-serif""]


قافن تعلا في معالي مزونه
ثم انهمل مثل الوبل سال رداد
و لا كما نارٍ على راس بُوْنة
يهدي بها الساير سنا الضو وقاد
او مثل نبتن و العرب يتبعونه
زينة زهوره شف نازل و شداد
هذا التميمي ساق باهي لحونه
و هذا احمد المكتوم للجزل نشاد
و اللي يود لحوقهم يتعبونه
لا فاد بدع و حبكة الطرق ما فاد
حيث المعاني زاهية في ركونه
ذاك البديع اللي على الساح وراد
الله يحيي واردن يوردونه
و الله يحيي حرفهم كلما جاد
هنا هنا في بيتهم ينثرونه
يطرب لها زاير و شاعر و شهاد

انورت واسفرت يابو عبدالرحمن على العاده مايجي منك الا الجزل.



أهلاً هلا يامرحبا ذي مزونه
..............................اشوفها تبرق وترعد وتزداد

زان الشعر واليوم زادت شجونه
......................... من يوم اسير النور بالمكرمه جاد

راعي المدينه كلكم تعرفونه
........................... قاد السفينه وابحرت دون منطاد

اضفى على الصفحه جلايل متونه
........................ تو مانورت تو ماسفرت والحلا زاد

ينثر درر دره ترى فاق لونه
........................ منقي مصقول(ن) كما معرب الضاد

زانت منازلنا بحضرت ضعونه
...............................الكل يشهد له وانا دوم شهّاد

وان قال طال ويقصر الغير دونه
.............................. ياتيك بالطلبه على غير ميعاد

ياتيك منطوقه يسوقه بهونه
............................. حطّه على يمناك لا جيت باسناد
آل- بوهلال التميمي( ابوراكان)

[صافى السريره]

الله عليكم ، صح الله لسانكم جميع على المجاراه الجزله هاذي

صح بدنك وما عليك زود شرفت

[صافى السريره]

صح الله لسانكم جميع

حياك الله ياشعوفاان وصح بدنك