جبت علمك يالحزوبر وانصحك تفهم كلامي
قد توظف الف مخبر لك ومن خالف نظامي
القنابل فوق راسك وابرة المنصع ولامي
ودنا فوق الحزام وظرب من تحت الحزامي
مرحبا بكم في منتديات مكشات |
مركز تحميل الصور | رادارات المناطق | |||||
تنبيه : منتديات مكشات تمنع عرض أو طلب الأسلحة أو الذخائر بكافة أنواعها ، كما تمنع طرح مواضيع عن أي أسلحة عسكرية |
جبت علمك يالحزوبر وانصحك تفهم كلامي
قد توظف الف مخبر لك ومن خالف نظامي
القنابل فوق راسك وابرة المنصع ولامي
ودنا فوق الحزام وظرب من تحت الحزامي
﴿ وَضَرَبَ اللَّهُ مَثَلاً قَرْيَةً كَانَتْ آَمِنَةً مُطْمَئِنَّةً يَأْتِيهَا رِزْقُهَا رَغَداً مِنْ كُلِّ مَكَانٍ فَكَفَرَتْ بِأَنْعُمِ اللَّهِ فَأَذَاقَهَا اللَّهُ لِبَاسَ الْجُوعِ وَالْخَوْفِ بِمَا كَانُوا يَصْنَعُونَ ﴾
اللهم لاتؤخذنا بما فعل السفهاء منا
ميزة الشعر بغموضه و التباس حروف نظمه
يرسمون الحرف صورة تحتها معنى و معنى
يفهمه من هو قراه بشكل في ترتيب وسمه
و يختلف مفهوم قافه عند من هو يستمعنا
[/center]
ناشني رميه خفيفه جاتني من غير رامي
غير ابا وقف لها مثل الجمل زامي السنامي
يوم بعض الناس لاجاه الحمل يرغي شمامي
ماحسبنا للخطر نمشي مع الصف الامامي
الخصم نقضي عليه لعين مردوع الوشامي
البل ولولا البل غدينا عيله@@@غدينا دروايشٍ طعام سباع
ميل عني يالحزوبر لايغرك شوف نابي
انت غرن شاف ناب وتفتكرني بن عويفي
لو توسط بالأسير ولو بيفزع لك هبابي
شقتي للثوب وارد شقتن ماله وصيفي
فيك خير وبن عويفي شاعرن ماهو يهابي
والجمل قد قلت لك ماهمه حوارن صويفي
قلتها والسيف يارجال يحماه النصابي
مير صاحبني وتسلم من شبا رمحي وسيفي
في مضيق الظرف ولا في وساعه
عادة الطيب تراحيب تهلي
ما يمثل سحنته وبها براعه
طايعن طبعه وطبعن له يدلي
لي مكانن بعتلي به
والبنا نظم القوافي
اتمنظر في قعودي
ياكذا وللا كوذيه
من تعنا لي بكيفه
سمها ينتج عوافي
مثل ماقالو جدودي
حوف يالرفلا كوليه
نهيت قلبن بين الاضلاع شلع
والكبد شفقانه على ذبة الريع
يا طير انا جاشي من البعد ولع
نتنا سهيل وطوّل سهيل ماذيع
ياسهيل ماشفت الخفوق المولع
شفقن على مدعى ذهب فالذعاذيع
#بن_عويف
http://t.co/Lg5HWLmwa7
نشاء برقن على الوادي تلامع
ونا عيني لمنشا المزن شفقانه
دوي رعوده القصيا لها سامع
ولاكن مالقيت سيول وديانه
اخطيت الدرب ي عقاب
البدع تبدا باخر حرفين للي قبلك
يعنـــي .. كذا .. والا كذا .. والا كذا
سـوق الجزايل ثم جب .. هذي وذي
و لا تســـــبّـق بــ الهجـــــا الا و إذا
جاك الهجا مقصـود والهـاجي وذي
راع الــــوذا نسقيـــه من جـم الـوذا
والطيب لاهل الطيب والنطق العذي
بن عويف
ابيات ع الطاير
ههههههههه اما به حرفين السالفه
مانتبهت لشروط لاكن ابشر بالسعد
يعويف هذا سهيل يذكر ولا شيف *** يافرحة نفــوسـن تحـــرى تــشوفه
الله اكبر لاطلع يرحـــل الصـــيف *** فرَع ذهب وقت الفجر شف يشوفه
اسمه دليل ولايبي منك توصـيف *** وانا من اسمه خيلت لي وصــــوفه
فهم للشروط و جاك يلعب على المضمون
يحييه ربي من مسيره الى حِلّه
حضوره فخر للي على حرفه يمرون
و لا هو قصور بباقي الربع و الشلّة
الذين يشاهدون الموضوع الآن: 1 (0 من الأعضاء و 1 زائر)