شاعر الخيمة >>>>>>>>> >>>>>>>>> >>>>>>>>>

[احمدالدمام]

نيتك يالغافل ركوب ومطية
تفتح لك ابواب السعد في خطاويك
استغفر الله عن دروب الخطية
واخلص له النية بصدق ويعطيك

[عدم الانحياز]

.
.
.

يدين الشاعر بـزيـن العطاء للي منحـه شـعــور

وهيض ما كمن طي الخفى واحساسة الشاعــر

عسى الله يجزي اللي هيض المكنون دار النور

ولـو انـه يمسـك يــوم حـســك صـلـوه الساعـر

ولكنه تـجمـل يـوم حــدك تـجـلـب الـمـنـثـــــور

وعـقـب منول المنعـور تـسكـن لحـظة النـاعــر

[احمدالدمام]

عرى التقوى تمسك به .. وتسلك بك مسار النور
وتجلد بالصبر وما خاب .. من يبلى وهو صابر
ولا تنعت زمانك يوم .. ولو يصلاك بالتنور
دياجير الظلام دروب .. تعبد دربك العابر

[قوافي ( أم نهار )]

شعراء خيمة القصائد الكرام
السلام عليكم ورحمة الله وبركاته
فضلا لا امرا عند طرح الابيات ارجو مراعات شروط الخيمه وما يمنع طرحه..
تحياتي وتقديري واحترامي

[صويب البرق]

بـرد الشمـال وصـوتها بالشبابيك
عقب المطر لاصاب وأقفى كسيره

حزّه بـهـا فـراق الغضي والتهاليك
في قلب عاشق يـوم قفّى عشيره

[خوي المطاليق.]

رهط ٍتسلل للعنى غادي الشوف
كنه معه بندق زعيم المجره

لو يفزع ايرانك ويلحقك لاروف
بتموت وانت الحد طاويك حره

[صويب البرق]

رهبة البارق علـى خطف البصر حـزّة ضياه
وصورة المزن بـ ظلام الليل وثعوله سكيب

منظر بـ عين الشقـاوي قلبه بـ شوفه مناه
مع خوي صافي على جوّه كذا يبغى تصيب

[احمدالدمام]

يبقى الوفاء بقلوب الأجواد موجود
يزيد مع طول الزمان وسنينه
ويحمل حنين الشوق والود ممدود
في جوف متشبع وداد وسكينه

[صويب البرق]

نهنى على شوف الطبيعه والأمطار
ولامن مضت تشفق عليها الطواري

ماكـل مايشـوق النظر ينذكر سـار
وماكـل شـايق هـاضـني كنت داري

[احمدالدمام]

ريحانة احيت بريح الحياء روح
ودارت رحى روح تحرى حياها
وصبح تنفس بالهناء وبريت اجروح
ودانت وردت ودمدمت دمع ماها

[سحاب نجد راعي شقراء]

الاابرقت شفنا الواهب ونيران
ولا ارعدت ترتج دار العباده

ثنتين وجتمعو نقيضن ونقضان
ماعونهن واحد وحلون شرابه

سحاب نجد-راعي شقراء

[صويب البرق]

بهـارهـا الـدله مـع الناس معـروف
وبـهـار قـلـبـي غـايبـاً مـاتـحقق

أسج والخـاطر كسر جوّه الشـوف
طال المحل والغصن مات وتشقق

[احمدالدمام]

ققلك شي مايخطر على بالك
تراك اسرفت بالتبذير باموالك
شويت خوف من الله اذ تبغى
يبارك لك بما اعطاك وبعيالك

[صويب البرق]

لك مدةن ياضيف غايب عن العين
حتى الخبر مالك ذكر فيه مكشات

باقي رجاء واليـوم سته وعشرين
بالمربعانيه عقب مـ الـوسم فـات

[خوي المطاليق.]

اترك على المعبود همك و بلواك
واعبـد ولا تشرك و تلقى جـزاها

وان صابتك ضيقه فلا تقلب شواك
خيره من الرحمن واسـمع خبـاها

امـا تصَبر و الصبر مـابه اشـواك
يمحي ذنـوب المومن الي جـباها

و امـا تلـها عن فرايضك و رجـاك
نفسك ورى الطاعات تلقى خطاها

بالاولـه و الثـانيه كـل مـا جـاك
خيره من الـرزاق مـابه سـواهـا