الــديـــزل ، آراء ،، استشارات ،، اقتراحات .

[al shammri]

بسم الله الرحمن الرحيم


مساكم الله بالخير اخواني الاعضاء ،،

اتمنى منكم اثراء الموضوع بمعلوماتكم القيمة وتجاربكم السابقة عن سيارات الديزل لعله ان شاء الله يكون مرجع للبعض وفائدة للكثيرين ..

من خلال اطلاعي البسيط ان نيسان ماعندها باترول ( بطل الدروب ) ديزل
لكن تويوتا توفر لاندكروزر ديزل تيربو من موديل 2008 واعلى والكثير يشيد به وتطوره الكبير عن الموديلات السابقة ..

## النقطة الثانية : فئة البيك اب .
ديماكس
ددسن ديزل
هايلوكس ديزل
نافارا ديزل
L200 ديزل

سواء دفرنس او دفرنسين ..
نريد منكم تجاربكم السابقة ومقاراناتكم ومعلوماتكم القيمة خلال الموضوع
ليكون دليلا لمن اراد الشراء

من خلال الراحة
القووة والعزم
الصوت والعزل
الشكل والتصميم


وجزاكم الله خير .

*ملاحظة للاخوان الموضوع يدور عن محركات الديزل والاقتراحات باستخدام محرك البنزين لاتخدم الموضوع وشكرا ،،

[جنيفاوي 503]

السلام عليكم ورحمه الله وبركاته
كان معي هايلوكس 2002 ديزل العزم ميت يالله يجيب 170 في الخط وعندك صوت المكينه مزعج والديزل يبيله واحد يعرف له
كل 3000 يغير الزيت وكل سنه يغير فلتر الديزل علشان ماتخرب ابر البخاخات والديزل مهب كل ميكانيكي يعرف له هذا عيوب الديزل
ومزاياه
1_لو تخلي الموتر شغال يوم مايضره
2_ عملي
3_ قل الصرفيه
4_في المطر انس انه يطفى
5_ مكيفه ثلاجه

[صخب]

نزل في الهايلوكس ٢٠١٦ مكينة ديزل واشوف له دعايه

هل هو نفس الاصدارات السابقه والا هذا مطور؟؟

بشكل عام مايميز مكائن الديزل هو العزم القوي ولكن يعيبه بطء السرعه عكس البنزين

[الحربي 591]

افضل مكاين الديزل في الجمس والشفر... عليها فزه ترعب اللي يشوفه

لكن للاسف الوكلاء ما يوفرونها ولا يوفرون قطعها

[وجعين]

اذكر عام ١٩ تقريبا كان معي ددسن كنت اصفط طبلون وانا طالع من الرياض الى القصيم امشي ١٧٠ ويمرون من عندي حقين الجرايد الموزعين كأني واقف والغريبه سيارتهم ديزل مستوبيشي الهلي جربته كان عندي وكاله ٢٠٠٥ ضعيف عزمه وصوت المكينة يدخل عليك بالغمارة

[خطاط]

الديزل له عشاقه وانا واحد منهم ان شاء الله
انا معي باترول 2006 عاش معي فتره طويله ولله الحمد مايطلب الا الديزل والزيت ولاكن تم بيعه لحاجة افلوسه والحمد ماخسرني واجد لانه نظيف.
والحين العين على الجي اكس ار الجديد الصراحه هذا الديزل راحه وقل صرفيه وسرعه ياسلام....
ياجماعة الخير الديزل يبي بس تهتم كل مابين قتره وفتره بفلتر الديزل وبعض الحاجات البسيطه ونم هم الخراب باذن الله عليه محرك يتحمل كل الظروف....

[وجعين]

مر علي سيارتين باترول ديزل من افضل المكاين الي مرن على قوة وسرعه ومعدوم الاعطال بس عيبهن الوحيد يفشلنك باالطلوع بكثر الدخان يعثورن ديزل بعكس الاسوزو والسكودا

[al shammri]

الله يعطيكم العافية ياشباب اضافات مميزة
الكل متفق ان مكاين الديزل القديمة مزعجه ومافيها عزم

لكن الاهم الان ميزات المكاين الجديده ؟!

[al shammri]

هل الباترول الجديد يجي منه ديزل ؟!
حسب معلوماتي البسيطة مالقيت مادري اذا فيه شي ؟!


##
انا معي فتك لو بدلت مكينته لديزل من مكاين gxr الجديده

هل تتوقعون ينفع ؟؟

وبكم المكينه؟؟!


الله يعطيكم العافية على التجاوب ..

[قطب 999]

الديزل ثقيل بالديره خاصه السيارات بدون تيربو وعلى الخطوط لا باس بس تصف لتعبئة الديزل مع الشاحنات سرا وتوانكهم كبيره 400 لتر وفوق
الفلاتر يجب تغييرها بانتظام حقت الوقود وفصل الماء
طرمبة الديزل العاديه اذا خربت صعب اصلاحها اما الانواع الجديده اشد صعوبه وغاليه جدا
يوجد لدي سياره ديزل مكينه عاديه اطلع فيها اذا وقتي وسيع ولست مرتبط لان المشوار عن مشوارين

[s0505]

السلام عليكم
مطلوب مكينة باترول ديزل2003 نظيفه
0505450592
في الرياض

[البواردي5]

الحمد لله الذي عافاني من ما ابتلاكم فيه


والله يخلف على ايامي الي راحت على الديزل اكرمكم الله

[ابو ساره العنقري]

خذ بالحسبان اذا انت راعي مكاشيت
بالشمال ماكل قريه وهجره فيها دبزل
فيه قرى مافيها الاربنزين اخضر حتى الاحمر مافيه

[isuz]

انا املك ايسوزو من عشر سنوات ديماكس جير تماتيك دبل
موتر قوي اصدم المطبات صدم ولابعد تفقعت مساعداته الى الان حراره مستحيل ترتفع ، مكيف ثلاجة، الزيت كل خمس الاف ويالله لك الحمد الكرتون كامل 200 ريال
قطع استهلاكية متوفرة وبسعر مناسب جدا فحمات امامية 300 قماشات خلفيه 200 مع العلم كلها اصليه وكاله ويوجد فحمات اقل جوده 80 ريال لكن ما اخذها لأن الاصليه تمشيك 80 الف
بالنسبة لفلتر الديزل 60 ريال اصلي وتغيره بنفسك موب صعب واذا مالك في الشغل اي ميكانيكي مبتدأ يغيره بخمسين
عزم ممتاز يجيب 180 في البر مستحيل يغرز لانه مستحيل يحفر
رحت به لفيفا ومعنا هايلوكس دبل
موتر يرقا العقبات بدون دبل وهايلوكس البنزين يرقا بالثقيل لكن في القومه في خط مستقيم الهايلوكس افضل مع انه رساوه السوزو ارسى والسوزو يحمل صندوقه الى طن ونص