الموضوع للعبرة فقط

[al5yare]

((قصة كتبتها فتاه عن اخوها)) ?? قصه المرحوم نايف: كتبتها بس عشان الشباب ياخذونها عظه وعبره انا اخته .نايف الله يرحم ذاك الوجه كان موضف امن عام في الدمام وكان ابوي يطالب بنقله لإنه جدآ ب عيد واحنا في الجنوب وكان نايف اكبر اخواني وخواتي كان ابوي يعتمد ع نايف في اصعب الامور وفي اتفهها وبعد م تعين نايف بالشرقيه تعب ابوي وخصوصآ لإنه رجال تعبان وعنده ضغط وعنده ورم وكان نايف مريحه وبعد ما توضف نايف توقع ابوي ان فارس اللي بالثانوي بيكون زي نايف ولاكن العكس كان فارس ما يهتم في ابوي ذاك الاهتمام المهم كان نايف محبوب بشكل خيالي و كان يعشق امي ويموت فيها اكثر ودايمآ يقولي اتمنى اتمنى ان امي تطلبني شي صعب وغالي واجيييييبه لها بلمح البصر وكانت امي تحبه اكثر منا ي الباقين وابوي نفس الوضع كان نايف مو ملتزم بس يصلي ولا يغضب امي وابوي وخلوق جدآ ولايكذب لو يموت ابدآ بس انه يسمع اغاني ويلعن ويتهرا يعني فيه اطباع زينه واطباع شينه ..دق علي مره وقالي ي سوير نزلت إجازتي شهر كامل كانت فرحه خياليه بس كانت في شهر ثمانيه و يوم كلمني في شهر خمسه المهم كنت انتظر توصل إجازته وكنت ناويه اسوي له حفله.. ومره كان عنده اوف وطلع من الدمام يبي يسمر مع شباب في الرياض وصار له حادث وتوفى الله يرحمممممه ويغفر له توفى وكانت الصدمه قويه ،دخل ابوي المستشفى ودخلت امي بعد المستشفى ولحقتهم انا، ودخلتني وفاه نايف حياه صعب تستمر وتعيسه كانت وفاه نايف مصيبه عظيمه مااحد تحملها راح وتوقعنا انه في نعيم لإنه كان انسان طيب وفي ليله من الليالي تمنيت اني توفيت قبل اشوف ذاك الليله المره تحلمت بنايف لعل وعسى الله يرحمه شفته بقبر ضيق وعنده ملوك يعذبونه ويوم شافني صاح بصوته كله وكان واحد يدخل في اذن نايف صيخ احمر من شده الحراره ويطلعونه مع اذنه الثانيه و على هذا الموال وكان فيه ملوك يجلدونه ويولعون في اصابعه كنت ابكي واصيح واحاول واقول ليش تسوون فيه كذا قال وهو يصيييح ي ساره الله لايسامح محسن دواس وشعراء الجنوب فبكيت انا وهو يردد هذه الكلمه وكنت اساله وملحه بالسؤال منهو محسن دواس ووش دخل شعراء الجنوب وبلاخير وقفوا التعذيب وخلوه يتكلم قال ي ساره الاغاني الاغاني بهذلوني بسببها ي ساره شوفي لي حل تكفين ي ساره احرقوني يدخلون الحديد في راسي ويحرقون اصابعي وبعدها بكى وماكنت اشوف الدموع
من شده سواد وجهه قلت ي نايف وش اسوي
قال ي ساره ليت الذنب كان اختصار ع نفسي لاكن يحرقوني بالحديد لإني كنت ارسلها ع القروبات فالواتساب وارسلها للشباب إذا اعجبتني كنت اتمنى ان بيدي حيله وانفع نايف حتى لو احط نفسي مكانه ي نايف علمني وش اسوي
التفت فيني وقال هنيييييييكم ي اهل الدنياء يمديكم تتوبون وتعدلون مصيركم انا ماعاد يمديني وماعاد اقدر اسوي شي فكنت اترجاهم اقول تكفون خلاص لاعاد تعذبونه وقال واحد من اللي يعذبونه هو يدري انها حرام ومع ذلك يتسمعها وعارف ان لها عذاب شديد واختار طريق الجحيم وترك النعيم وشوفي وش اخذ من الدنياء ومشوا وتركوني ابكي قهر مافي يدي حل واساعد اغلا انسااان عرفته واساعده وصحيت من الحلم وتعذبت وبكيت من الحلم اكثر من مابكيت في وفاته صحيت وكنت افكر كيف اتواصل مع اخوياه تذكرت ان له جوال عندنا بالديره رحت وفتحته وحصلت القروبات وكل شلته واخوياه وطلعت رقم وراسلتهم منه لإني ماابيهم يعرفون اني اخته وقلت ي شباب انا صديق نايف بالعمل وتحلمت به يقول خل اخوياي يمسحون كل شي قد ارسلته لهم لإنه يتعذب وتكفون امسحوها على وعسى ينتهي عذابه او تنفعونه كلهم انصدموا وكذبوني واتصلوا علي ولا ارد عليهم وقالوا احلف انك صادق وحلفت لهم كلهم يحبونه وانصدموا قلت لهم انا احبه اكثر منكم قال واحد اللي اسمه محمد هو صديق المرحوم الروح بالروح انا م اقدر امسح اي شي لنايف والجوال اللي كان يراسلني عليه نايف خبيته ولا استخدمه بس لما اطفش اروح اقرا رسايل نايف واتسمع مقاطعه قلت حرام عليك تكفى ارحمه لإنك تتسمعها وهو يتعذب زياده قال انا احب نايف ومستحيل افرط في اي رساله ارسلها لي نايف وحاولت اقنعهم وكلهم صدقوني وقالوا خلاص بنمسحها وبالليل الثاني تحلمت بنايف ماعاد يجلدونه ويحرقون اصابعه بس انهم باقي يدخلون الاصياخ في راسه وسالت مشايخ قالوا لي يوم يجلدونه ويحرقون اصابعه عشان انها اصابعه اللي ترسلها ويوم مسحوها الشباب انتهى الذنب هذا بس باقي عذاب نفسه لإنه يسمعها والله يرحمك يانايف ياشباب،،،،،،اضن ان من سمع او قرا هذا الكلام مستحيل إذا فيه عقل باقي بيتسمع الاغاني لإنها عذاب ماله حل ولانقدر ننفع من وقع فيه الا في الحياه ..اسال الله ب اسمائه الحسنى وصفاته العلى ان ينهي عذاب نايف ويدخله تحت رحمته وتكفون توبوا من مزامير ابليس وادعوا لنا..
اسمعوا يالي تسمعوا الاغاني وترسلوها لغيركم
صح طويلة بس? #انتهى
-

al5yare

[مخ الكشتات]

السلام عليكم ورحمة الله وبركاته
في القرآن الكريم والبيان العظيم والسنة القيمة مزدجر كافي بدون هذه القصص والاحلام ولو وعظت بالقران لكفي ففيه وعيد وتهديد وتبيشر وتقريبا ورحمة وعذاب اليم .. جزاك الله خير ولكن هذه القصص على فرضية صحتها لا تنفع مع جيل اليوم جيل لاهي يسمع الكلام من اذن ويخرجه مع الاذن الاخري والله المستعان وقد قال اهل العلم ان الاحلام لا تبنا عليها احكام ماعد احلام الانبياء عليهم السلام

[مخ الكشتات]

إن من منهج أهل السنة والجماعة أن الرؤى والأحلام لا يؤخذ منها حكم شرعي ، ولو كان الذي رأى الرؤيا من كان في الصلاح والتقوى ، وأما×الصوفية×فإن من مصادر التلقي عندهم المنامات ، فهم يعتبرون المنامات تشريعا .

قال الإمام النووي رحمه الله : لو كانت ليلة الثلاثين من شعبان ، ولم ير الناس الهلال ، فرأى إنسان النبي صلى الله عليه وسلم في المنام فقال له : الليلة أول×رمضان×لم يصح الصوم بهذا المنام ، لا لصاحب المنام ولا لغيره .ا.هـ.

وقال أيضا : إن الرائي وإن كانت رؤياه حقا ، ولكن لا يجوز إثبات حكم شرعي بما جاء فيها ، لأن حالة النوم ليست حالة ضبط وتحقيق لما يسمعه الرائي ، وقد اتفقوا على أن من شروط من تقبل روايته وشهادته أن متيقظا لا مغفلا ولا كثير الخطأ ، ولا مختل الضبط ، والنائم ليس بهذه الصفة

[al5yare]

نقلتها وهي اريد تذكير نفسي بها ولمن كان له قلب جزاك الله خير

al5yare

[مخ الكشتات]

بالقرآن الكريم تذكير كافي لمن القي السمع وهو شهيد ..ومن لم يعضه القرآن الكريم لن تعضه الاحلام ...واتمنى واتمنى ان نقي مواعضنا وحكمنا من قصص الاحلام التى لا يعرف مصدرها وصحتها حلم عن مجهول عن حال شخص مجهول ونقله مجهول ومستمعه مجهول !! قلي بربك كيف تصح الموعظة به؟؟؟ وان لانكون مثل الدراويش نتعبد بالاحلام

[al5yare]

يا اخي القرآن الكريم هو كل شي بالحياة عظه وتذكير ووعيد ورحمه ومغفره. نعم هو الكافي والله الشافي المعافي.لكن بعض القصص عن التابعين ان بعض من مات منهم ويراه احدهم في المنام ويسأله مافعل الله بك فيرد عليه لقد رحمني (بعمل كذا او صدقة كذا والخ) فهذه رؤيا خير يأخذ بها الناس ويعتبروو. وشكرا لك اخي مخ

al5yare