روضــــــــــــــــــة الشعــــــــــــــــــــراء

[ام الدجيجات]

بسم الله الرحمن الرحيم

ياللي على ماضيك دايم توجد
....................... ارفق ترى الدنيا تبي منك مقياس
يازين ليلك لو قضي في التهجد
.................... وضميرك المخلص تغذيه باحساس
واللي مضى متعوس والا ممجد
..................... خله ولا يدعيك في العيش محتاس
آل- بوهلال التميمي (ابوراكان)

أحسنـــــــــــــــــــــــــــــــــــــــــــــت ياأبوراكان



أنا أحمد الله ليلى أحييه وأسجد
وأشكر لربى نعمته بدون مقياس
لكن حنينى اللى عليه أتوجد
على شجاعن مايحسب للإفلاس (المرحوم الوالد)
أشكر إبداعك ياااالسنافى الأمجد
طوعت حرفك كامل الشرح بإحساس

[ام الدجيجات]

ياروح وشبك ابتدى يلحقك ياس

تكفين لايطفى الأمل والمنوني

انهد حيلي والسبب اقرب الناس
وان مات حيلي ودهم يدفنوني

ابو البر مكشات

أحسنــــــــــــــــــــــــــــــت صح لسانك
وعمــــــــــــرك طـــــــــــــويل

[ام الدجيجات]

لاجيت الشجر حذرا من الداب الأرقط
إحذر ترا قريص الحنش ماله علااااج
بنظم أبياتى وافيه شـــرح ونقـــــط
أصوغ حرفى وأكتبه فى قلم عااااج
تــرا الشعر يحلا إذا جــاك بالضبــط
يعبــر عن اللى يجتول بين الإخلاااج
النار خلفى تشتعل وأقبل الشــــط
تضرب على صم الصفا زرق الأمواج
أهلا هلا باللى كتب وأرسل الخـــط
إنفتحــت أبواب الشعر جتنى أفواااج
شعر أم الدجيجات

[صافى السريره]

خوينا بهالفويضه تأخر والغايب عذره معه ، اتوقع يكون غرز في واحد من هالعروق اللي دون الفيضه خصوصا ان راحلته موبيل هوم ولا فيها دبل . ولعلنا نتسلى بها البويتات الى ما يجي. والمخطي اللي اختار هالفويضه الصاده.



بسم الله الرحمن الرحيم

ربي عطا المخلوق حرز(ن) يربط
........................... كل الهوام وكل شين(ن) بها داج

واشجارنا تثمر وبه خير يلقط
.........................والى اظلمت دنياك نوّر لها سراج

وبعض الشجر ريحه كما العود لا عط
....................... وبعضه كما الزقوم خرّاب الامساج

والله لجي الفيضه وانطط لها نط
............................ لو ان دونه حال مرتفع الامواج

واعوم في بحره مثل عومة البط
.............................. والا كما المذكور بالفعل هداج

طاب الغنا والبدع من خاطري بط
........................ بطت غشيم(ن)من على عالي ابراج

والقلب مما جاه يرجف ويلبط
............................... لولاي ارده كان يحول قد هاج

وبعض العرب لا جا له القاف يشتط
............................وانا ترى قافي يجي عندي افواج

افواج تاتيني على الكيف تنحط
......................... واصوغها صوغت خبير(ن) بمنهاج
آل – بوهلال التميمي(ابوراكان)

[ابو البر]

الأب تقديره ....على كل تقدير
يرخص حياته لجل يسعد عياله

حتى ولو شفته بدا منه تقصير
تلقى دموعه فوق خده لحاله

[ام الدجيجات]

خوينا بهالفويضه تأخر والغايب عذره معه ، اتوقع يكون غرز في واحد من هالعروق اللي دون الفيضه خصوصا ان راحلته موبيل هوم ولا فيها دبل . ولعلنا نتسلى بها البويتات الى ما يجي. والمخطي اللي اختار هالفويضه الصاده.



بسم الله الرحمن الرحيم

ربي عطا المخلوق حرز(ن) يربط
........................... كل الهوام وكل شين(ن) بها داج

واشجارنا تثمر وبه خير يلقط
.........................والى اظلمت دنياك نوّر لها سراج

وبعض الشجر ريحه كما العود لا عط
....................... وبعضه كما الزقوم خرّاب الامساج

والله لجي الفيضه وانطط لها نط
............................ لو ان دونه حال مرتفع الامواج

واعوم في بحره مثل عومة البط
.............................. والا كما المذكور بالفعل هداج

طاب الغنا والبدع من خاطري بط
........................ بطت غشيم(ن)من على عالي ابراج

والقلب مما جاه يرجف ويلبط
............................... لولاي ارده كان يحول قد هاج

وبعض العرب لا جا له القاف يشتط
............................وانا ترى قافي يجي عندي افواج

افواج تاتيني على الكيف تنحط
......................... واصوغها صوغت خبير(ن) بمنهاج
آل – بوهلال التميمي(ابوراكان)

الله يعوده علينا أبو البرولايضيع بالفياض العذيه وينسانا
أبياتك جميله ويجنح خيالك الواسع بمفردات اللغه ويسطر أروع القصايد
عافاك ربى ياأبوراكاان

[ام الدجيجات]

الأب تقديره ....على كل تقدير

يرخص حياته لجل يسعد عياله

حتى ولو شفته بدا منه تقصير

تلقى دموعه فوق خده لحاله

مشاوير البزارين ماتنقضى
الدنيا تنقضى وهى ماقضت

[صافى السريره]

صباح الخير
من القديم:

الوداع ان حل ياشين الوداع
....................... لي معه حزات ما فيها دعه
والوداع ان حل وقته لاع لاع
.........................من يعيشه غير منهو يسمعه

[صافى السريره]

الحزن خيّم ونصّب له شراع
....................... والسعاده والهنا راحت معه
من يقول العيش باق(ن) به وساع
............................ قله انك ما دخلت المعمعه

[ابو البر]

من القديييييم

ضاق صدري من ديار الغرب ضاق
دبرت الله ولا انا صدري وسيع

صابني جرحن عميقن وسط ساق
وان بغيت اصبر فوالله ما استطيع

والدراسه شكلها صارت نفاق
بعد هاالغربه والاامي جميع

قلت يمه مال لطموحي نطاق
بس برجع ياعسا ربي سميع

وانتي احلامك على قلبي تطاق
لارحم من قالت امه مايطيع

بس راحه يا بعد كل الرفاق
ثم احقق لك طموحات الجميع
ابو البر
مكشات

[صافى السريره]

وكذلك من القديم:

ودي نعدل القاف للناعم الترف
...........بس الحما مشبوك والعلم قد عرف

والله لاغرف البير لو جيت له غرف
..............واعب من جمه ولو كان هو رِس

يازين ذاك الجو يا فيه راحه
..........ندّي به المطلوب فا رحب مساحه

[ام الدجيجات]

أحسنتم ونورتم صفحتى
ياصافى السريره
وأبو البر

[ام الدجيجات]

إهداء لكل متابعينى

تتوق لك كل المشاعر رضااا وإلا مغصوب
أحاول أنسى بسس كل المشاعر تتوقلك
تخيل إنى فى هجير البرد متلقى هبوب
مدرى عن البرد يومنى وقفت أتخيلك

شعر أم الدجيجات (( أعذب الشعر أكذبه ))

[ام الدجيجات]

ألا يابرى حالى ؟برى القلم لاأكتبو ،، فيه
رسام يرسم فى رصاص القلم صوره
يجر القلم لييين أنكسر وأنتهى بيديه
لاكمل الرسمه ولاكمل أسطوووووره

شعر أم الدجيجات

[عجيبان]

الله على دنياً تجيب العجايب
وقتً كثير الناس فيه امضلومه
ابعتزل وقتً كثير الغرايب
واخاشر الطيب وصافي علومه
وان ماحصل من طيبين الجنايب
سجيت رجلي و الردي مابسومه

ابواحمد الغامدي