بسم الله الرحمن والله واكبر .+. احمده ربي عالم(ن) بالسريره

[صافى السريره]

بسم الله الرحمن الرحيم
القصيدة المسنده على اخي الشاعر/ ابوالبر،بعد رده هنا(http://www.mekshat.com/vb/showthread.php?t=693609 ) وبعد اكتمالها :

بسم الله الرحمن والله واكبر
................... احمده ربي عالم(ن) بالسريره

واعوذ بالرحمن للشين والشر
.................... وابدا بذكره ما توكلت غيره

رب(ن) عليم(ن) سامع(ن) دبية الذر
...................... واللي توكل به يسهّل مسيره

ومن بعد ذا يا صاحب(ن) لي تخيّر
............ باوفى سلام(ن) وافي(ن) من ضميره

سلام ممزوج(ن) بمسك(ن) وعنبر
................... واحلى تحيه من خشير لخشيره

فاض النهر مني وبحرك تفجر
................... وابديت مما فيك بعض المريره

وبدا لي انك راعي البر والبر
......................... والبر للهاوين كله بريره

والى فتحت البا غدا البال مستر
................وان جت مع الكسره فهي زود خيره

ياصاحبي مثلك بذا الجيل يندر
..................... في وقتنا الحاضر غدا مثل نيره

انصحك يابوالبر دايم تصبر
.......................الله وعد للي صبر بالمجيره

ومجيرة الرحمن تشفي المكسر
................. واللي لجا له شاف في الامر خيره

ابسط جناحك واترك الفر والكر
................. نصيحة(ن) من عند صافي السريره

ما شفت زولك لكن البوح يخبر
........................ ويقرب المخبور يمت خبيره

والخط عنوانه يبيّن ويظهر
....................... ان كان سهل فيه والا عسيره

وان كان لك قلب(ن) غدا لونه أخضر
.......................... فانا ترى قلبي قديم تخضيره

ارفق على الغصن الخضر لايتكسر
........................ تراه ما يبرى سريع(ن) كسيره

وان كان لك كر(ن) ترى اخوك له كر
......................... وفري مثل فرك ولا رحت ديره

وترى الخلوج اللي على حوارها تجر
.............................. وناتها مثلي ومثلك كسيره

ومن يفقد الغالي مضى الليل يسهر
........................... وياعزتي للي يفارق عشيره

وما بيننا جورية الورد تزهر
............................ له ريحة من شمّها تستثيره

العود والريحان والمسك ينثر
........................... وفيها علامات النقا والستيره

قصدي بها الدنيا وللحر نشّر
....................... والعاذل الملقوف يلقى الضريره

والخلفة العسره على قعودها تدر
........................ ترضخ لحالبها ولو هي عسيره

والحبر صيده سهل يومه لفا غر
.......................... وياكود مقناصه ليا جاه ذيره

ودي اوضح ما بدالي وافسر
......................... لكني اخشى من نتايج خطيره

واخاف من نذل(ن) يجي ويتمسخر
....................... ويظن ظن(ن) ما حسبنا مصيره

والجير يابو البر يفرق عن الحر
........................... الحر يبقى حر والجير جيره

الحر صقاره تنومًس ومستر
..................... ما يغبن اللي ناقل(ن) عنه غيره

والطير للصقار لو ضاع ينحر
...................... انشد مجرب واعتبر من مصيره

والذيب لو ماعاش في خايع البر
................... ما صار ذيب(ن) لو يحط بحضيره

والورع ياتي خير والا يجي شر
........................ دايم صفاته تنعرف من نظيره

والحلو كاسمه حلو والمر هو مر
....................... تبقى المراره فيه لو زيد شيره

وفي وسط فيضتنا مع الخير محضر
...................... ومن بيننا نار (ن) تلظى سعيره

يوقد حطبها صافي(ن) من جنى السمر
.......................... ومن فوقها شقراً تعط بهيره

ريحة عبقها تجذب الضيف لا مر
......................... فنجالها للكيف يطفي السعيره

وخويي المحبوب ذيبان ابا البر
........................ متركي(ن) وحداه قد حط طيره

وجنبي على يمناي قرناس(ن) اشقر
....................... شقران طيري ما تخيّرت غيره

في ليلة قمرا قمرها منوّر
................... يضفي معه من صافي الجو نيره

هذا خيال(ن) من خيال(ن) مصور
....................ياليت يصدق كان في الامر خيره

وكانك تبي نبتل على القاف فاشر
...........,....... وكانك تبي نقصر قصرنا المسيره
آل- بوهلال التميمي(ابوراكان)

[أبوعبدالرحمن99]

ما شاء الله ،،
ابداع متدفق ،،
صح لسانك يا ابو راكان ،،
و ان كان سمحت لي بدمجها في موضوع المساجلة المشار اليه في الرابط لتكون المداخلات في موضوع واحد ،،
مع الشكر و التقدير لشخصك الكريم ،،
كل الود .

[صافى السريره]

ما شاء الله ،،
ابداع متدفق ،،
صح لسانك يا ابو راكان ،،
و ان كان سمحت لي بدمجها في موضوع المساجلة المشار اليه في الرابط لتكون المداخلات في موضوع واحد ،،
مع الشكر و التقدير لشخصك الكريم ،،
كل الود .

صح بدنك مشرفنا الغالي صاحب الذوق الرفيع والحضور الدائم ،مع التفضل بترك القصيده في موقعها حيث اشرت من خلالها الى موقع الرد,ووضعت الرابط لذلك أمل ابقائها كما هي هنا مع خالص التقدير، والموضوع كما تعلم عبارة عن اسناد ورد ، ولا يتعلق بأمر المساجله.

[احمدالدمام]

هذا خيال(ن) من خيال(ن) مصور
....................ياليت يصدق كان في الامر خيره

صح السانك ياصافي السريره
دائماً وابداً مبدع بلا حدود
ماشاء الله

[ابو البر]

بسم الله الرحمن الرحيم

بدا لي انك راعي البر والبر
.............................. والبر للهاوين كله بريره

والى فتحت البا غدا البال مستر
.....................وان جت مع الكسره فهي زود خيره

وارفق على الغصن الخضر لايتكسر
.......................... تراه ما يبرى سريع(ن) كسيره

ودي اوضح ما بدالي وافسر
.......................... لكني اخشى من نتايج خطيره

واخاف من نذل(ن) يجي ويتمصخر
........................ ويظن ظن(ن) ما حسبنا مصيره

ياصاحبي مثلك بذا الجيل يندر
....................... في وقتنا الحاضر غدا مثل نيره

ابسط جناحك واترك الفر والكر
.................... نصيحة(ن) من عند صافي السريره

وان كان لك قلب(ن) غدا لونه أخضر
........................... فانا ترى قلبي قديم تخضيره

وفي وسط فيضتنا مع الخير محضر
........................ ومن بيننا نار (ن) تلظى سعيره

يوقد حطبها صافي(ن) من جنى السمر
.......................... ومن فوقها شقراً بها كل شيره

ريحة عبقها تجذب الضيف لا مر
.......................... فنجالها للكيف يطفي السعيره

وخويي المحبوب ذيبان ابا البر
........................ متركي(ن) وحداه قد حط طيره

وجنبي على يمناي قرناس(ن) اشقر
....................... شقران طيري ما تخيّرت غيره

في ليلة قمرا قمرها منوّر
................... يضفي معه من صافي الجو نيره

هذا خيال(ن) من خيال(ن) مصور
....................ياليت يصدق كان في الامر خيره
آل – بوهلال التميمي(ابوراكان)

السلام عليكم يالربع
عساكم بخير
ومقدما عام مبارك ان شاء الله
هاذا ردي على قصيدتك يا عزيزي ابو راكان
وسلمت وسلم من يعز عليك

سلام مني ياسع البحر والبر
هديتن مني لصافي السريره

يخصني بالشعروالصدرمستر
والله يعطينا من الفضل خيره

يجبر بخاطر واحدن قد تكسر
وده ووده ينشده من كسيره

الهم في صدري وودي افسر

واخاف لا ابين علومن خطيره

واخاف من طبعن لغيرك تمصخر
واقوم من كسري واحدد مصيره

مثلك بهاذا الكون ياخوك يندر
يالله بظلمة ليل دربه تنيره

تعبت انا ياخوك مالفر والكر
وانا بسيط الحال صافي سريره

قد كان لي قلبن يسمونه اخضر
وجتني علومن يبست لي خضيره

في كل يومن ينكتب الف محظر
هاذا وذاك وذيك تلهب سعيره

كلن يشب الناربخضر وبسمر
وكلن معه شيطان دايم يشيره

ابعد واجنب عن دروبه الى مر
الله غفر قتل الكلاب السعيره

واليوم عايش حر فالبحر والبر
وللا شبيه الصقر لعلن مطيره

ومعاد لي شفن مع ابيض ولا اشقر
مثله مثل امه وعمه وغيره

من شاف وجهي بعد ما غام منور
واللي عرفني عارفن وش منيره

ظرفي نقلته مثل ماهو مصور
قصة طويله والقصيده قصيره

[صافى السريره]

السلام عليكم يالربع
عساكم بخير
ومقدما عام مبارك ان شاء الله

سلام مني ياسع البحر والبر
هديتن مني لصافي السريره

يخصني بالشعروالصدرمستر
والله يعطينا من الفضل خيره

يجبر بخاطر واحدن قد تكسر
وده ووده ينشده من كسيره

والهم في صدري وودي افسر
واخاف لا ابين علومن خطيره

واخاف من طبعن لغيرك تمصخر
واقوم من كسري واحدد مصيره

مثلك بهاذا الكون ياخوك يندر
يالله بظلمة ليل دربه تنيره

تعبت انا ياخوك مالفر والكر
وانا بسيط الحال صافي سريره

قد كان لي قلبن يسمونه اخضر
وجتني علومن يبست لي خضيره

في كل يومن ينكتب الف محظر
هاذا وذاك وذيك تلهب سعيره

كلن يشب الناربخضر وبسمر
وكلن معه شيطان دايم يشيره

ابعد واجنب عن دروبه الى مر
الله غفر قتل الكلاب السعيره

واليوم عايش حر فالبحر والبر
وللا شبيه الصقر لعلن مطيره

ومعاد لي شفن مع ابيض ولا اشقر
مثله مثل امه وعمه وغيره

من شاف وجهي بعد ما غام منور
واللي عرفني عارفن وش منيره

ظرفي نقلته مثل ماهو مصور
خيره وخيره ثم مليون خيره

صح لسانك ولا قصرت وهذي تعتبر سيره ذاتيه ،حياك الله يابوالبر وبارك الله فيك.